Amot 4:1 - Ala Wone Peenok Peebi Mbanak

¹ Tapi amok ambik puut Tamariya o Mbatan mendek mengga kwak kit kumi o puut Tamariya mendek kinaanogum anggen yi wae. Kit nen aakumi ineenggi lek wi-wi eerogo piigwi, It aakumi tebenak mendek meek inombako logonet, yeenggwaaraga'lek mbo piigwi, “Anggur amburu nawok nen wo'nira wa'nip o,” yinuk, kinogonggelomini yorogwe, Eeko monggotak yi, Wone yokkirage yi, kinaruk konenggo logonip o.

Amot 4:1 ပူးပေါင်းရင်းမြစ်များ

1 Endagembogut 16:24

Wone lengganogo yorage logonet, puut endage Tamariya aap Temet abuut me, wu mbuti perak aaninggin 70 wakkaanuk nogo paga kumbege nagagerik, puut nogo paga o tini nggwok nappunuk, at aap abuut unde Temet endage toonak ndak-ndak, O kota Tamariya aret o, yinuk, tooneegerak.

Ayup 24:4

It tu nogo logonet, ineenggi lek mendek pelenogo wumbiigwi, It aakumi meek mendek nogo abok aret kumaarak logowak nduk inagabiti eerogo piigwi, Eeppiigwi iinok,

Ndawi 12:5

Kaliku ALA nen ari logonet, “It aap meek mendek tebenogo piigwi, It ineenggi lek nen, Yogop eeppinanuwak lak, ao, yinuk, iniki wakkologwe, Eekwi iinok, An pilak ari logonet, Ndogop eeppinanuwak lak, ao, nombakwi nogo, Inagap ndarogo piyaagin,” yereegindak me,

Ndawi 140:12

It aap tebenak wonogwe nogo, At Aliku ALA nen inaana'le mbangge, Aap ineenggi lek nogo inawone liirogon mbangge, Eeke menggerak ti, neenu aret o.

Ndawi 22:12

Lembu ngguunok kwak Ninom wim mbanak apit nen wangge'nakwi, Tapi ngguunok inigen mbolokwi O Mbatan mendek kwak nen wanggeppaninuk wonogwe,

Kini Wuppiige 22:7

Aakumi ineenggi warak nen aakumi ineenggi lek inabu'me piigwi, Ndi, aap inanomat mbanak nen aap inanomat porogo wonage nogo inayeloman eerogo piigwi, Eeko menggaarak.

Wone Alom Kibingga 4:1

Kage nagagirik, oonegen abu'me aakumi abok tebembiinok wonogwe nogo iyareegirak. It tebenak wonogwe nogo nen le yogwe iigak, iniki eyak wappiiga'lek wonogwe, It aap tebenogo piiga nogo inomaawi ambik wonogwe iigak, it tebenak mendek nogo iniki eyak wappiiga'lek wonogwe, Eekwi iyareegirak o.

Wone Alom Kibingga 5:8

Aap ambi yabu unde wonage nogo owe nen enegen wagangge, ndi, it imbirak inoweewi tiyarogon nen inigen wogonakwi, eeko menggaarak me, kat nen o ambime it aakumi meek mendek tebenogo piinok wonogwe, wone yugu ndak-ndak eeppiiga'lek inawone yiluk-yiluk mbanggwi, eekwi kenegen iige kenok, “Aap yi eekwi iya!” mbariyak mage o.

Yetaya 28:1

It Eparayim mendek nen amburu nenok kumili kumbunuk, Iri'ngga anggen laambu mendaarogo inenggaanok me yirik kwak inale'nggen mbakwi nogo, Yirik kenok, iya mbakugak anggen teebat age nogo, O kobappaga agi nggween mili paga wurik nogo, It amburu nenok kumili aganaka nen tiyappugwi inagota nogo, Inabuwa o!

Yetaya 5:8

Kit nen aakumi inawi tek kunggun wurik abok aret kunggo'net nogwe, Ineyabu agigan-ogugan aago abok aret unde eekko'net nogwe, Eekwi nogo kinabuwa o! Ti eerit nogo logonet, aakumi ando logorak lek Kit kinalik mban o yime unde eeppatinuk logorak mba'nuk eekwi kiigi o.

Yetaya 56:12

“Anggur amburu noorak wa nagin me, mok o! Yogondak nunggwi kwak lek, ko'lu abu alik negen ndonggok togon nunggo logogun me, Amburu omaawi mendek yi, yogondak kunduk ndonggorogon nunggo logowok o,” yinuk, yogo menggaarak.

Yetaya 58:6

It aakumi maluk eerulik iigak mbutigeele maarogo piigaarak nogo piinogo piigwi, Tapi eyo aaninggin inuut paga piigo mengga kwak it aakumi togop eeppiinok wonogwe nogo piinogo wumbiya wogwe, It aakumi tebembiinok wonogwe nogo wondet eerogo piigwi, Aaninggin-paaninggin inoba wonage nogo teeluk eerogo piigwi, Eeriyak nogo ti, Aakumi inambe mage negen logonet eeko logorak koonogo pereegirak ti aret nogo lek a?

Yeremiya 50:11

“It an neyate kwak niniki kundugu nogo maluk eerogo piigwi nen inale'nggen mbakwi, Ale'nggen inikime nggelok ari logonet, noone-koone agan nugwi, Tapi aagalogwe iri'ngga mili nenet nugu logonet, ineeruwak anen pera eerogo piige kwak eerak nugwi, Kuda ngguunok inoone ku agan nugwi kwak eekwi, Eerit nugwi me,

Yeremiya 50:27

Ndi, tapi ngguunok inili yaga'lek inenggaanok mbanuwak nduk wonok nogo mengga kwak, Inawuri ineegin warak wakaa'ngget nogo teppiyoorak lek tigitogon inoorogo piigwi, Eeruwak o. It aakumi Mbaben mendek eeppiyoorak eyom ari wage, Eereegwaarak onggo inoba kwippiyoorak eyom muk panggoni wage, Eekerak me, inabuwa o!

Yeremiya 51:34

Aakumi Mbaben mendek inowe endagembogut Nebukanetat nen ambeme yonggo'ninake, Mak eerogo pinanege, Niyo toolak porok togon nunggwi kwak eerogo pinanege, Waalo tinambe nen yonggorinake menggi kwak, nit yonggo'ninake, Waalo ombat abe kenok ndonggorogon nenok, kilirogo pege menggi kwak togop aret eerogo pinanege, Eereegerak me,

Yeremiya 6:6

At Omaawi Lombok Menggerak Aliku ALA nen yegerak nogo yi aret. “Eyo muurogo pit nogwe, Iniyok punuk ungguurak nda'nggi pit laganggwi, Eeko logowak o. O kota aken time at ambi nen at ambi tebenogo pegak mban eerit nugwi me, Teppiyoorak lek it maluk eekwi onggo inoba kwippiigo logowak o.

Yeremiya 7:6

aap nggiru inenggela'me wonogwe inom, elege moono inom, kumi togwe inom, tebenogo piigo logonet, wi-wi aganaka'lek obeelom mban eeppiigwi, o yime it aap maluk eeka'lek iigak, inamiya wunaka'lek teppiigwi, kugi eerit nugwi paga maluk inoba paka'lek an mban mu'neren wogwe, eekwi iinok,

Yetikiyen 18:12

Aap aaninggin inoba wonogwe, aap ineenggi lek wonogwe, eerak nogo wi-wi aganake, Awu luulu wogorage logonet, inamendek wagangge nogo iyokan wogoraga'lek kolage, Kugiwak nen yeenggwaaruwak nduk ayuk wuke, Maluk ogole warak lombok eeke,

Yetikiyen 22:12

ndi, o kota enggela'me time aap inooruwak nduk, inonggo nggerenogo nunggwi, eeko agaarik o. At nen awu wogoragaatak porogo wonogwe, Onggo wo'ninip, yorage, at awu porogo wonogwe nogo paga ambik aret nabenogo kolage, oone omaawi paga aakumi wi-wi eerogo piige logonet, inamendek wagangge, eeke logonet, an noone yugu nogo at mondok kobak eerogo pereegerak o, yinuk, Naliku ALA nen aret yagi o.

Yetikiyen 22:27

It aap inoweewi inengga warak o time inenggela'me wonogwe nogo ti, nggwiya it noorak mendek nibinogo nonggo mengga kwak logonet, aakumi inamendek kolaawok nduk, ineebe inoorogo piinet nogwe, inenggaawak lek eerogo piigwi, eeko agaarik o.

Yetikiyen 22:29

It o time wonogwe nogo nen aakumi inambokan laganggo logonet, inoone omaawi paga inamendek ndinggologwe, inamendek kiraakkologwe, it aap aaninggin inoba wonogwe inom, ineenggi lek inom, tebenogo piigwi, it aap nggiru inawone liirogon mbangga'lek yiluk-yiluk mbanogo punuk, maluk onggo eeppiigwi, eeko agaarik o.

Yetikiyen 22:7

O kota enggela'me time aakumi inogobamini inom, inagalomini inom, meek eerogo piigwi, at enggela'me time aap nggiru aaninggin inoba piigwi, elege moono inom, kumi nanu inom, tebenogo piigwi, eeko nogogwaarak o.

Yetikiyen 34:16

It lek ogwe iinok, an nen kwaarinake, kobak aago nugwi iinok, wogoren piya wage, inawinde-inobaande aago iinok, nggerembiige, inomaawi lek iinok, inomaawi eerogo piige, eeke logonet kwe, ineeruwak anen pera-pera aago inom, inomaawi ambik wonogwe inom, ti lek eerogo piyaagin o. Nandomba unde wogonake logonet, it inobaabut eekwi ndak-ndak eeppiige logogin o.

Yetikiyen 39:18

Ndomba ngguunok inom, ndomba inaagalogwe inom, kambin ngguunok inom, lembu ngguunok inom, abok aret inamok warak o Mbatan mendek nonggo mengga kwak, aap wim wakaa'ngget inenggaanggum nunggwi, o nggween paga yime it aap nagawan-nagawan inamiya nunggwi, eeko logogun o.

Amot 3:1

Kit Iterali mendek yi wae. Kit o Metit nen wokkiren wundi wagagerak at apuri abok aret Aliku ALA nen eeppinagarak yokkirage yi, kinaruk liirogon aret konenggo logonip o.

Amot 3:3

It aap ineebe mbere nen, “Nit nimbirak ndime nawok o,” yinuk, Wone koonogo puulik kagak it imbirak noorak op mbakop?

Amot 5:11

It aap ambi eekkoloorak meek mendek nogo wi-wi aganako logonet, inambi gandum anggen mbanak nogo ndinogo waganggwi, Eeko monggotak o. Togop me, kinawi nggwok yugum abe amuni mbanak paga wurumonggotak kwe, o time ye mbanggola unggwogwe, Anggur awi yarumonggotak abe mili kwit agan laganemenggerak kwe, amburu toologo nunggwi, Eeko logomunggup lek o.

Amot 6:1

It aakumi Iterali mendek nen, “Yeenggwa niraawak o,” yinuk, Aakumi ando tebenak iigak, it ambi abu tiyanak menggaarak inenggela'me nen kit kinengga warak kiya wogo menggaarak abok aret O Tiyon paga, “Niniki ugun obeelom wonogwe,” mbakwi inom, Puut Tamariya paga, “Niniki ugun tayenak nu'lek aret wonogwe,” mbakwi inom, kinabuwa o!

Amot 6:6

Anggur amburu niyoowak eno korok togon toologo nenggak mban eekwi, Kinagabolo anen pera yuwak nduk, amburu abu abe kinagabolo paga mbenanggologwe, Eekwi kwe, It Yutup paga wiganak nogo inenggaawak lek ogogwaarak paga, “Yi ee'ninakerak, ao,” mbaka'lek aret wonogwe kiigi o.

Maleyaki 3:5

“An nen inowak loonogo maluk onggo eeppiyaakit nduk woraagin o. Wage logominggirik, it aap tili pagangga inom, aap kumi ugun-ugun eeginaka inom, pilit pugunogo, Ndogop eeke kagarak, yaga inom, onggo koloorak eyabu eekwi wi-wi eeginaka inom, it aap kumi togwe kunduk, elege moono kunduk, tebenogo piiga inom, it aap nggiru inawone yaga-taga eerogo piiga inom, it an inagabiti nombakulik nogo mendek abok aret, Ndogop eekwi kiigirak o, yinuk, yorage logokit nduk, woraagin o,” yinuk, at Omaawi Lombok Menggerak Aliku ALA nen aret yegerak me, yokkiragi o.

Linggineegwaarak 21:33

Ti eeppunuk, yungguk togon tu o Mbatan paga nogwe iigak, aakumi Mbatan inowe endagembogut Ok nogo awuri ineegin warak inom, o Erereyi pa'nggwe time Iterali inom wim eeriyak nduk, wundi wogogwaarak.

Pelaareegerak 24:14

It aakumi kit kinowe-kinawot kit mendek nen a, it aakumi nggiru kit kiname kota ambi kinom wonogwe nen a, ineenggi lek me, Nonggop eeruwi? yogwe iigak, yabu eeremenggaarak onggo wogorage logonet, wi-wi aganako logorak mage o.

Pelaareegerak 28:33

Kit yabu ligak wuundamo eerogo kinanggween paga yi awi ndi awi yarumonggotak nogo, aakumi kineenggo'lek mendek nen anggen mbanogo nunggwi iigak, aaninggin kinoba pinagamenggaarak tebenak aret logonet, kambit nogo logomunggup o.