Amot 3:8 - Ala Wone Peenok Peebi Mbanak

⁸ Singa nen oone nggwok muk yegerak me, aap ta nen agabiti mbaka'lek logorak mbakop? Ti ndak-ndak at Aliku Itok Menggerak ALA nen wone muk yegerak me, ta nen wone ti, yoraga'lek puk logorak mbakop?

Amot 3:8 ပူးပေါင်းရင်းမြစ်များ

Yetaya 21:10

Togop me, gandum anggen mbanak nggorak wako mengga kwak eerogo pinagareegwaarak kit an napuri yi wae. At Omaawi Lombok Menggerak Iterali inogoba Aliku Ala nen yo'negerak konenggirak nogo ti aret yokkiragi o.

Yetaya 31:4

At Aliku ALA nen an yo'negerak nogo yi aret. “Singa koleewak a, singa awooluk ambi a, nen at nengge menggerak nogo iyok tebembunuk nengge me, It ndomba ndegeninaka eerak ndinuwok nduk, wogo logomenggaarik, Inoone ya-mba yogwi, teerogo nappuwok nduk eekwi, Eeremenggaarak kwe, Agabiti mbake, kole mbagangge, eekeelik ogogumbuk menggi kwak, At Omaawi Lombok Menggerak Aliku ALA wambi wage logomenggerik, Puut Tiyon inom, enaagan-ambokan puut-puut lunik inom, ili eerogo pege logogin o.

Yeremiya 20:9

Togop kwe, an niniki mbake logonet, At Ala endage ambinom kungge, Ala yo'nege kagak yokkiragi o, yinuk, ambinom yorage, Eerigin lek o, mbake paga Koone yorage logorak ninikime kani wuninik kwak nowak enoona nenet unggwage, Yoraga'lek wone nggerembunuk, porogo wonage, Eeke paga Neebe abu ndeyak lombok ee'nake me, puk logorak meek ee'nake o.

Yeremiya 26:12

Yorogo mbareegwa, at Yeremiya nen it aap inoweewi inengga warak inom, it aakumi abok kuwak aago nogo inom, yorage logonet, “Kit wone abok konenggotak nogo ndak-ndak, o wurik yi inom, o kota yi inom, eeppuurak wone Aliku ALA nen, Yora nak o, yinuk, nappani wagaarak yokkirage me,

Yetikiyen 29:21

“Ne ti eyom paga an nen it Iterali inomaawi arit nage logowak nduk, eerogo piige, ndi, kat inenggela'me nen wone yorage keenok, Abet aret yo'nirage kogo o, yinuk, konenggo logowak nduk, eerogo pagage, eerigin o. Ti eeppagage neenok, Naliku ALA an aret ineenu arugun o,” yinuk, yegerak me, an yo'nereegerak.

Amot 1:2

At Amot nen ari logonet, “Singa oone nggwok ari menggi kwak Aliku ALA o Tiyon paga nen oone nggwok ari, O ngguurubu eeke menggi kwak, Yerutalem nen oone ari, Eeke logonet, It aap ndomba ndegeninaka nen inandomba inagari'ngga nenet nugu logowak nduk piigo menggam nogome mbuk age, Iri'ngga o puut Karemen paga wonage nogo teebat neyo-neyo nage, Eeke agaarik o,” yinuk, yereegerak o.

Amot 2:12

“Ti eereegirak kagak, it aap nake leenak logorak kumbuk mbaneegwaarak nogo, Anggur amburu nawak nduk inoone omaawi paga yorogwe, It an yorage neegak yoraga nogo, Wone yo'niroorak lek o, yinuk, yorogwe, Eereegwaarak o.

Amot 3:4

Singa iri'ngga ku'mbanak me logonet, at nengge menggerak awo kwaarogo nengga'lek kagak oone maluk ndi wuke, Ndi, singa awooluk yi mendek ndi mendek kwaarogo nengga'lek awina logonet, eyak ndi wuke,

Nappiigak 4:20

Ninaruk konenggwi, ninigen kogwe, eekoorak wone ti, yoraga'lek puk ariyak meek ee'ninake me, yorogo logogun aret o.”

Nappiigak 5:20

“Kit Ala awi wurik me time nogo logomonggotik, ineenik eeginake menggerak wone nogo aakumi abok yoraanu o,” yinuk, yoragagerak.

Nappiigak 5:29

Yorage mbareegi, at Peterut inom, it nappiigak ando nogo inom, nen wone onggo yorogo logonet, “Ninogobamini o. Aakumi nen yo'nirogwe ti, nit koneniyak lek o. Ala nen yo'nirage kenok mban koneniyak o.

1 Korindut 9:16

An obeelom wone yoranet nege minggirak nogo ti, Ala nen, “Yoranet nege logot o,” ari kenok, yoranet nege minggirak ti paga an wogoppatiyak abu lek o. An wone obeelom wone yoranet nege lek neenok, maluk eeppaniyak me, nagabiti mba'nuk, yoranet nege minggirak.

Wayu 5:5

Awo le ari wonage me, mbogut paga wonogwe inoweewi nogo ambi nen an yo'nege logonet, “Le ari mage o. Eyo ambi agarip lagangge menggi kwak, anebunu Yekura nen Ndawut ombooluk nggeewo singa pogom nda'nagagerak nogo, eegin tiyak yereegerak me, at nen mbuku pirik-perek eerogo keele 7 maarak nogo, piinogo wondekkoorak op me, wondekka wage kaamunggun o.”