Amot 3:11 - Ala Wone Peenok Peebi Mbanak

¹¹ Togop eekwi me, at Aliku Itok Menggerak ALA nen ari logonet, “It aakumi ti, wonogo menggam yendok-wandok abok aret inawim nen wanggerinakwi, Yugum pak wurik me inarum menggaarak inawi wurik nogo yigirogo pugwi, Aakumi inagugun wogo inawi nggwok abe wurik me wonage nogo kabologo waganggwi, Eerugun o,” yinuk, yegerak o.

Amot 3:11 ပူးပေါင်းရင်းမြစ်များ

Wakkagagerak 34:27

Nogo abu aret inoorit nogo mbareegwa, at Yakup apuri ando nogo, “Ninawuluk o yime nen maluk eerogo pegaarak me,” yinuk, inanini teenogo it aap inoorit nogogwaarak nogo

2 Endagembogut 15:19

Eerit nage kagak, ne ti eyom paga it aakumi Atiyut inowe endagembogut Pun nen, o ti tebenggolaakit nduk, eeke mbareegi, at Menakem nen, “Yeenggwa nege paga nabu'me piige minggim omaawi eerogo panuwak o,” yinuk, wu mbuti perak aaninggin tiga puluh empat ribu aap Pun nogo wogoreegerak.

2 Endagembogut 15:29

At Peka Iterali inowe endagembogut wonage ti eyom paga aap Atiyut inowe endagembogut Tigalat-Piletet nogo, wage nagagerik, o Natali aakumi inawi kota Iyon inom, Aben-Mbet-Maaka inom, Yanowa inom, Kereti inom, Katot inom, o Nggileyat taganak inom, o Nggalileya taganak inom, abok aret tebenogo piinok, aakumi kugun wogoren o Atiyut nagagerak.

2 Mbinineegwaarak 36:19

Ala awi wurik kani pege, o Yerutalem yendok-wandok yugum pak wurik nogo, langgunogo pit nage, aap yo'nggok inawi o nggwok abe wurik me, yi mendek ndi mendek abe wonage nogo inom kani pege, eereegerak.

Ayup 20:21

Inaanogum andi lek nenggak mban eekwi paga, Aakumi inamendek lek eerogo nenet nugu logonet, Ineenggi warak eeremenggaarak nogo, Lek aret arigin o.

Amot 2:5

An nen o Yekura yime kani nappi woraminggirak paga o Yerutalem yugum pak wurik me inarum logorak inawi wurik nogo kani nen lek eerogo nagin o,” yinuk, yegerak o.

Amot 3:10

Yugum pak wurik me aakumi inarum logorak inawi wurik me time menggaarak nogo nen, Aakumi a'me nggelok eeppiiga'lek inoone omaawi paga aakumi inageerok waganggwi, Wi-wi aganako logonet, inamendek waganggwi, ee'nuk, Iname pati unggwogo menggaarak o,” yinuk, Aliku ALA nen ti aret yegerak o.

Amot 3:15

It inawi o togwi eeke kenok, ari unggwagak wurik nogo yinik-minik eerogo pege, Mo andi kenok, ari unggwagak wurik nogo langgunik-panggunik eerogo nggimbege, Inawi wurik me wanggalep inom, meeli inom, ogobakkigirik nabenak nogo yigirogo pege, Inoweewi inendagembogut inawi nggwok abe wurik nogo, yigirik-noonom eerogo pege, Eerigin o,” yinuk, Aliku ALA nen aret yegerak me, yokkiragi o.

Amot 6:14

Kit togop aret eekwi me, at Omaawi Lombok Menggerak Aliku Ala nen ari logonet, “It Iterali ti, tebenogo piyaawak nduk, aakumi alik mendek ambi inikime mambiyaminggirak wogo logonet, Ineebe ya yigirogo piigak nda yigirogo piigak eerit o Kamat tu unggwogo menggam nen nok, niyo Araba aa'nggi paga kuli piya nagun o,” yinuk, yegerak me, yokkiragi o.

Amot 6:8

At Aliku Itok Menggerak ALA owak mbanggolage logonet, Omaawi Lombok Menggerak Aliku Ala nen yegerak nogo yi aret. “It Yakup mendek iniki wogoppakwi nogo ogole mbake, Yugum pak wurik me, inarum logorak inawi wurik nogo neebi lombok mbake, Eeke me, O kota yi inom, yi mendek ndi mendek o kota wonage inom, abok aret inawim ineenggime piyaagin o,” yinuk, yegerak o.