Amot 3:10 - Ala Wone Peenok Peebi Mbanak

¹⁰ Yugum pak wurik me aakumi inarum logorak inawi wurik me time menggaarak nogo nen, Aakumi a'me nggelok eeppiiga'lek inoone omaawi paga aakumi inageerok waganggwi, Wi-wi aganako logonet, inamendek waganggwi, ee'nuk, Iname pati unggwogo menggaarak o,” yinuk, Aliku ALA nen ti aret yegerak o.

Amot 3:10 ပူးပေါင်းရင်းမြစ်များ

Ayup 20:21

Inaanogum andi lek nenggak mban eekwi paga, Aakumi inamendek lek eerogo nenet nugu logonet, Ineenggi warak eeremenggaarak nogo, Lek aret arigin o.

Ndawi 14:4

Aap mbi ne ambit lek eerogo nonggo mengga kwak, Aap maluk eeka nen An napuri inambeme yonggorinabit nugwi, “Kaliku ALA o,” yinuk, yoga'lek we nugwi, Eerit nugwi yi, “Nonggop eeko ogoorik o?” yinuk, liippaka'lek agaarik ya?

Kini Wuppiige 1:13

Inamendek onggo nggwok mendek nogo inagugun waganggo logomonggoorik, Niname yi mendek ndi mendek kugun wogo nogo mban yagabit eerogo pakwi, Eeruwok nduk, mok o.

Kini Wuppiige 11:16

Kumi nggaganin inayuk warak ogo menggaarak kwe, Aap iniki worokot kenok perak, it inamendek mban ambik ogo menggaarak.

Kini Wuppiige 28:5

It aap maluk mendek nen a'me nggelok eekwi nogo liippugulik kwe, It aap Aliku ALA mugurok nugu menggaarak kenok perak, wone ti abok aret liippogo menggaarak.

Wone Alom Kibingga 4:1

Kage nagagirik, oonegen abu'me aakumi abok tebembiinok wonogwe nogo iyareegirak. It tebenak wonogwe nogo nen le yogwe iigak, iniki eyak wappiiga'lek wonogwe, It aap tebenogo piiga nogo inomaawi ambik wonogwe iigak, it tebenak mendek nogo iniki eyak wappiiga'lek wonogwe, Eekwi iyareegirak o.

Yeremiya 4:22

At Aliku ALA nen ari logonet, “An napuri ti, wi negen aret wonogwe, it an liippanega'lek wonogwe, Elege iniki lek pogom wonogwe, op ariyak maluk ariyak ineenggo'lek kobak aret wonogwe, Obeelom eeriyak mendek kobak logonet kwe, maluk eeriyak kenok perak, Iniki penenak logonet, aganggen kerek togon eerit nugwi, Eeko menggaarak,” yegerak o.

Yeremiya 5:4

An nen mbake logonet, “It ti, ambi eekkoloorak lek wi negen wonogwe me, Aliku ALA eeke menggerak liippega'lek wonogwe, Inogoba Ala yereegerak wone yugu nogo kobak wonogwe, Eekwi iigak,

Yetikiyen 18:7

At ti nen aap wiwi aganaka'lek awu luulu wogoge logonet amendek waganggetak nogo, mbet-mbet iyokan wogoge, Aakumi inamendek ndinggolaga'lek logonet aakumi inambi abu iinok, at ambi mendek wogorage, Aap inayum yirik lek iinok, yum yirippiige, Eeke menggerak o.

Yetikiyen 22:29

It o time wonogwe nogo nen aakumi inambokan laganggo logonet, inoone omaawi paga inamendek ndinggologwe, inamendek kiraakkologwe, it aap aaninggin inoba wonogwe inom, ineenggi lek inom, tebenogo piigwi, it aap nggiru inawone liirogon mbangga'lek yiluk-yiluk mbanogo punuk, maluk onggo eeppiigwi, eeko agaarik o.

Yetikiyen 8:17

Iige mbareegi, at nen an yo'nege logonet, “Aakumi nen ndarak yi wae. Ti eekwi kenegen iigen ilik? It aakumi Yekura mendek nen maluk ogole warak lombok eekwi ti, iya lek we aret eeko agaarik mbaken? Ti eerit nugu logonet, iniki worokot nen ugun eerit nugwi paga, o nggween paga yime maluk mban ndak wa'narit nage kenok, nanini mi'nagak eeke yi, op mbaken? Kat abu meek o, yinuk, noba peyak wurogo panugwi yi iyet o.

Oteya 7:1

“It an napuri aa'nduk obeelom wonogogwa kwak obaane'me obeelom eerogo piige, It Iterali mendek andi lek eerogo piige, Eeriyak mbake neegak kwe, It Eparayim maluk eeko menggaarak nogo mban kin age, Ndi, it Tamariya maluk nggwok lombok eeko menggaarak nogo tena'me age, Eeke menggerak o. It nen aakumi inambokan laganggwi, aakumi iname unggunuk yogoot waganggwi, tu paga aakumi inamendek ndinogo waganggwi, Eeko menggaarak o.

Amot 4:1

Tapi amok ambik puut Tamariya o Mbatan mendek mengga kwak kit kumi o puut Tamariya mendek kinaanogum anggen yi wae. Kit nen aakumi ineenggi lek wi-wi eerogo piigwi, It aakumi tebenak mendek meek inombako logonet, yeenggwaaraga'lek mbo piigwi, “Anggur amburu nawok nen wo'nira wa'nip o,” yinuk, kinogonggelomini yorogwe, Eeko monggotak yi, Wone yokkirage yi, kinaruk konenggo logonip o.

Amot 5:7

Eekaatak a'me nggelok eeppiigwi nogo abut laganogo ale-pale eerogo piigwi, Obeelom eeppiinet nugwi wone nogo tek eerogo mbo pugwi, Eekwi kit yi, ao!

Amot 6:12

Kuda puut-puut yugum paga mbe agan nogwe, Lembu nen yugum anggen nggininik paga nggween amok mbanogo pugwi, Eeriyak op mbakop? Lek kwe, kit nen eekaatak a'me nggelok eeppiinet nugwi nogo mbo punuk, obaane'me kanggo menggaarak mendek eeppiinet nugwi, Ndi, obeelom eeppiinet nugu logorak anggen yuurak nogo obaane'me ale-pale eerogo piinet nugwi, Eekotak o.

Amot 6:3

“Aaninggin ninoba kwippinani woroorak ti, abu nda lombok wonage,” mba'nuk, eerit nugwi kwe, Kinogogumbuk logonet eerit nugwi paga aaninggin kinoba pinagarak nogo, koorok panggonogo pati wogo ogotik o.

Amot 6:8

At Aliku Itok Menggerak ALA owak mbanggolage logonet, Omaawi Lombok Menggerak Aliku Ala nen yegerak nogo yi aret. “It Yakup mendek iniki wogoppakwi nogo ogole mbake, Yugum pak wurik me, inarum logorak inawi wurik nogo neebi lombok mbake, Eeke me, O kota yi inom, yi mendek ndi mendek o kota wonage inom, abok aret inawim ineenggime piyaagin o,” yinuk, yegerak o.

Mika 6:10

O kota maluk eeko menggam kat yi, It aap maluk mendek nen maluk eeppiinet nogo logonet, inamindik-inamendek onggo nggwok kame pateegwaarak wonage nogo, kobak eerogo pege, Ndi, wakkagak togolowak endak lek kagak, Ndak aga o, yinuk, wogorogwe pulunik nogo, an mari eerogo pege, Eeriyak op mbaken?

Tepaniya 1:9

Ne ti eyom paga it aap an neebe ineenggo'lek nen inagugi eeko mengga kwak it eerit nugwi, Aakumi inoorit nugwi, wi-wi aganakwi, Eeko logonet, Inamendek kugun wonok inowe endagembogut awi nggwok abe wurik me yagabit eerogo pi unggwogo menggaarak nogo, aaninggin inoba kwippiyaagin o,” yinuk, yegerak o.

2 Peterut 3:5

Ti yogwe nogo ti, Ala oone paga nen mbogut wakkage, nggween wakkage, eeke logonet, niyo mban wonage mbareegi, Ala nen, “Nggween aruwak o,” ari kagak, niyo inikime nen nggween aret kin age, ti'nuk, ti eyom paga mban peebi mayu nappi wagagerak nogo paga niyo yenggenit lagangge logonet, o aa'nduk wakkagagerak nogo maluk eerogo pege, eereegerak nogo ineenu logonet kwe, taganogo mbo pogo menggaarak o.