Amot 3:1 - Ala Wone Peenok Peebi Mbanak

¹ Kit Iterali mendek yi wae. Kit o Metit nen wokkiren wundi wagagerak at apuri abok aret Aliku ALA nen eeppinagarak yokkirage yi, kinaruk liirogon aret konenggo logonip o.

Amot 3:1 ပူးပေါင်းရင်းမြစ်များ

2 Mbinineegwaarak 20:15

“Kat nowe kendagembogut Yotapat inom, kit o Yekura monggotak inom, o Yerutalem monggotak inom, at Aliku ALA nen wone yokkiragaarak yokkirage me, kinaruk logonip o. It aap wim eeka alik negen aago yi, kit kinom wim eerumunggup lek Ala nen aret it inom wim eerigin me, ineebe paga kinagabiti mbakwi, kinomanggen tayok ari, eeriyak mage o.

Yetaya 46:3

At Ala nen ari logonet, “Kit Yakup ombowologwe yi wae. Kit Iterali paga wiganak awo wonogwe yi wae. An wone yokkirage yi, kinaruk konenggo logonip o. Kit awo nda'naga'lek kinagalomini inikime kiigak, ndegengginake, Nda'nogo mbareegup, tawe eekkinake, Eereegirak an aret me,

Yetaya 48:12

“It Yakup paga wiganak ti, An leenogo piyareegirak Iterali mendek ti, An wone yorage yi, inaruk konenggo logowak o. An ti, nalik an aret o. Aa'nduk togon wonagagirak peebi irip paga mondok logogin ti, an nalik aret o.

Yeremiya 13:11

kobee'le aap ambi agabee'le yikkolage menggi kwak, an nen it Iterali paga wiganak abok aret inom, it Yekura paga ndarak abok aret inom, napuri a'nuk logonet, nendage wiganogo pugwi, nendage tiyappanugwi, nayuk wukwi, eeko logowak nduk, nagabee'le pogom yikkolagagirak kwe, it nen an yorage nogo inaruk konenulik mbo pereegwaarak o,” yinuk, an yo'negerak o.

Yeremiya 31:1

Aliku ALA nen ari logonet, “Ti eyom paga it aakumi inanebunu Iterali mendek abok aret inogoba Ala an aret me, it an napuri aret logogun o,” yinuk, yegerak o.

Yeremiya 8:3

Ndi, it aakumi inobaabut maluk eeka yi awi ndi awi an mappiyaminggirak ando yumbunik nogo ti, ineenik logorak ineebi mba'nuk, kambuurak mban inikilom mbarit nugu logogun o,” yinuk, at Omaawi Lombok Menggerak Aliku ALA nen yegerak o.

Oteya 4:1

Kit Iterali yi wae. Kit aakumi o yime wonogwe yi, ambi eekotak paga Aliku ALA nen yokkirage me, kinaruk konenggo logonip o. At Aliku ALA nen ari logonet, “O time it nen an noone liippunuk eekwi, iniki kunik ee'nakwi, Ninogoba Ala at aret, nombakwi, Eeka'lek aret agaarik o.

Oteya 5:1

Aliku ALA nen ari logonet, “It an neebe unde abok aret ti, wone yi, inaruk konenggwi, It aakumi Iterali mendek ti, yorage yi, liippugwi, Aap endagembogut akuwi-apuri inom ti, inaruk liirogon konenggwi, eeko logowak o. Keele o Mitapa paga pugwi, Puut Tabot paga towe yonggo'naruwak nduk yum mbiganogo pugwi, O Titim nggwiya wambuurak nggween ogurogon kabunggwi, Eeko mengga kwak, It ti, togop menggaarak me, Aaninggin eeppiyoorak wone yi ti, it inake aret yorage agarik o. It abok aret ti, eerit nugwi paga an nen aaninggin inoba kwippiyaagin o.

Amot 2:10

It aakumi Amori mendek wonogo menggam unde eeppatinuk logowak nduk, o Metit nen wogoren wundi wage, Tahun 40 eeke kagak, o karume wogoren nege,

Amot 4:1

Tapi amok ambik puut Tamariya o Mbatan mendek mengga kwak kit kumi o puut Tamariya mendek kinaanogum anggen yi wae. Kit nen aakumi ineenggi lek wi-wi eerogo piigwi, It aakumi tebenak mendek meek inombako logonet, yeenggwaaraga'lek mbo piigwi, “Anggur amburu nawok nen wo'nira wa'nip o,” yinuk, kinogonggelomini yorogwe, Eeko monggotak yi, Wone yokkirage yi, kinaruk konenggo logonip o.

Amot 5:1

Kit Iterali mendek yi, wae. Kit eeppinagarak ndawi paga kinale ndawi an ari yi, kinaruk liirogon konenggo logonip o.

Mika 2:3

Togop aret eeko menggaarak me, Aliku ALA nen ari logonet, “An nen it aakumi yi, maluk eerogo piyoorak koonogo pege me, inoba kwippiige neegak, kole mbaganggwi, Ne ti, maluk eerogo piyoorak eyom aret me, An iya! mbakak mbaganggwi, Eeriyak meek aret kaagun o.

Mika 3:1

Ti yorage nagagirik, wone ambinom an yorage logonet, “It Yakup mendek inoweewi kit yi wae. It Iterali mendek inarum monggotak kit yi wae. Kit a'me nggelok eeko logorak kineenu ariyak op kwe,

Tepaniya 2:5

Niyo kole yenggenak laut aa'nggi paga monggotak kit Kereti mendek yi, kinabuwa o! Aakumi Pilitin wonogo menggam kit Kanan mendek yi, Aliku ALA nen aaninggin kinoba kwippinagarak yegerak me, kinabuwa o! “An nen inenggaawak lek eerogo piige logonet, ambiriluk ambi teppiyaagin mondok lek aret o,” yinuk, Aliku ALA nen aret yegerak me,

Wayu 2:29

Aberiniki nen Ala apuri yi awi ndi awi kuwak eeko menggaarak yorage nogo ti, inaruk wonage kenok, liirogon aret konenggo logowak o, yinuk, wone yagarak nogo abok aret at malayikat Ala apuri o Tiyatira kuwak eekwi inarum menggerak nogo nen apuri yoraawak nduk liiru mbanogo nappu o.”