Amot 2:10 - Ala Wone Peenok Peebi Mbanak

¹⁰ It aakumi Amori mendek wonogo menggam unde eeppatinuk logowak nduk, o Metit nen wogoren wundi wage, Tahun 40 eeke kagak, o karume wogoren nege,

Amot 2:10 ပူးပေါင်းရင်းမြစ်များ

Nekemiya 9:21

tahun 40 paga o karume wogwe iigak, inamendek ambi lek age, inayum nibik ari, iniyok piirogo pege, eeka'lek aret wonagagerak.

Ndawi 95:10

It ti eyom ndarak nogo anini nen mberirage kagak Tahun 40 aret eereegwaarak. Mberirage logonet, “An yokkirage eeka'lek logonet, Kiniki mondok worokot-linik monggotak yi, Neebi a! yinuk, An yonggonggolage minggim Kit ninom yonggonggola ungguurak abu lek o, yinuk, Nanini nen nowak mbanogo wone ti abu aret yagi o,” Yinuk, yereegerak o.

Wundeegwaarak 12:51

Ndi, ne ti eyom paga aret at Aliku ALA nen it Iterali mendek inawuri leenok lombok abok aret o Metit nen wogoren wundi wagagerak.

Wundeegwaarak 20:2

“Kit o Metit inayeloman agago pinaganuk tebembinagago wonogwe me, wokkiren wundi wagagirak Naliku kinogoba Ala an aret o.

Wundeegwaarak 3:8

Yeenggwaarage logonet, an napuri nogo aakumi Metit mendek ineenggime nen ndininabunuk, wogoren it aakumi Kanan mendek inom, Ket mendek inom, Amori mendek inom, Perit mendek inom, Kewi mendek inom, Yebut mendek inom, inanggween nggwok mili obeelom lombok yilak amburu inom, nggiin amburu inom, niyo eneeri negen kila-kila wungge menggim time piya naakit nduk wagi o.

Yeremiya 2:6

It nen yogo logonet, At o Metit nen wo'niren wundi wage, Tu o karume nggween mbuk ti paga wo'niren wage, Eeke logonet, Nggween kunduk amburu lek kagak, Tu tiyak-tebek kagak, Nggween abu woloonak awi yariyak meek tit kagak, Tu aakumi kambit nogo menggam kagak, Aakumi tu ti paga nogolik kagak, O time aakumi wonogolik kagak, Wo'niren wundi wagagerak Aliku ALA nogo ngge o? yinuk, yo'nega'lek aret wonogogwaarak.

Yetikiyen 20:10

o Metit nen wogoren wundi wage nagagirik, o karume piya wagagirak o.

Amot 3:1

Kit Iterali mendek yi wae. Kit o Metit nen wokkiren wundi wagagerak at apuri abok aret Aliku ALA nen eeppinagarak yokkirage yi, kinaruk liirogon aret konenggo logonip o.

Amot 9:7

“It Iterali mendek ti, an nggwok lombok liippiige, ndi, it Kuti mendek ti, mbuuluk negen liippiige, eeke minggirak mbakop? It Iterali mendek o Metit nen wogoren wundi wagagirak nogo kwak, it aakumi Pilitin mendek o Kereta nen wogoren wage, It Tiriya mendek o Kit nen wogoren piya wage, Eerulik mbakop? Eereegirak aret o,” yinuk, Aliku ALA nen aret yegerak o.

Mika 6:4

An o Metit nen wokkiren wundi wage, Aakumi inayeloman mini eeppinaganuk wonogwe me, wondet eerogo pinagage, Kit wokkiren woraawak nduk, Muta inom, Karun inom, Miriyam inom, kinowagam nappiya wage, Eereegirak o.

Linggineegwaarak 13:32

wone it Iterali iniki a'nggan wo'naruwak nduk yoranet nogo logonet, “O time nogo nit abok aret ninigen yomboonit nogoorak kwe, it aakumi time nogo ineebe abu yerek-nggorek lombok me, it wundi wogo logonet, inambeme yonggo'ninaburak negen iigoorak o.

Linggineegwaarak 21:25

It aakumi Iterali mendek nogo nen aakumi Amori mendek wonogwe me kota-kota abok aret tebenggologo logonet, o Ketibon kota nggwok inom, o Ketibon enaagan-ambokan kota mbuulogwe-mbaalogwe nogome inom, abok aret tebenogo piinok, o time aret ye mbambatinuk wonogogwaarak.

Linggineegwaarak 32:13

Aliku ALA anini ka'luk aagi negen Iterali inoba piinok, mbo piige mbareegi, o karume yagak-ndagak nugwi iigak, tahun 40 eeko logonet, it inom ndak-ndak ndarak abok aret Aliku ALA enggaanom paga maluk eereegwaarak nogo karume time kambit nawak nduk, eeppiyareegerak.

Nappiigak 13:18

O karume aakumi lek me nogome logonet, inobaabut maluk eerit nogwe iigak kwe, iniki yanggo yinuk, wonage kagak, tahun 40 aret eereegerak.

Nappiigak 7:42

Eeko mbareegwa, at Ala iniki koonogo punuk, oonegen inom, tut inom, laaluguragan inom, mbogut paga menggerak mendek abok aret, alut eeko logowak nduk mbo piyareegerak. Ti eereegwaarak nogo ti, Ala nen yorage kagak yoraga nen yogo logonet, It Iterali mendek ti, o karume wogoren wage logonet, Tahun 40 eeke kagak, nake inaanggumi warogo wo'nugwi, Anggen yigirik nake pugwi, Ee'nip o, Yinuk, yorage nagagirak ya?

Pelaareegerak 1:39

Kit kinapuri mbuulogwe-mbaalogwe maluk-obeelom ineenggo'lek ninawim nen kugun ndiniren nagun o, yogotak nogo, it mban o time wogoramenggerak unde eeppatinuk logowak nduk, unggwi nagun o.

Pelaareegerak 2:7

Kit yi eekak ndi eekak abok aret eekwi kiigak, at Aliku kinogoba Ala nen ale'nggen kinoba pinagage, tu o karu nggwok nonggologo pereegim yi paga wogwe kiigak, ndegengginake, eerit wage kagak, tahun 40 eereegerak o. Eeke kagak, at Aliku kinogoba Ala kinom logonet, kit kiniki uugwe mbakwi nogo a'me nggilik-nggelok aret eeppinagit wagagerak nogo o.

Yotuwa 13:4

it aakumi Kanan mendek inanggween aakumi Tiron mendek o Meyara wonogwe me nen nok, aakumi Amori inanggween o Apek kuli inom,

Yotuwa 24:8

An nen aap Amori mendek iname yi Yoraran oonegen wundi wage menggim pa'nggwe time pinagi nanuk, it kinom wim namburubagip nduk, kineenggime pinagage mbareegi, kinom wim eekwi kiigak, an naa'nduk a'nuk, pup eerogo inooke mbareegi, inanggween nogo kit unde eeppatinuk logomunggup nduk, kologogutak.