Amot 1:1 - Ala Wone Peenok Peebi Mbanak

¹ O mi awo waga'lek kagak tahun mbere eeppunuk, ambi awo eeke paga at aap Utiya aakumi Yekura mendek inowe endagembogut a'nuk wone lengganogo yorage, ndi, at aap Yowat aput Yerobeyam nogo, aakumi Iterali mendek inowe endagembogut a'nuk wone lengganogo yorage, eekwi iigak, aap ndomba ndegeninaka o Tekowa mendek ambi endage Amot nogo nen it Iterali mendek eeppiyoorak abi paga kage nagagerik, yoragagerak nogo yi aret o.

Amot 1:1 ပူးပေါင်းရင်းမြစ်များ

2 Tamuwen 14:2

kwe ambi iniki ngget o Tekowa time wonage me wa nawak nduk, aap ambi nappereegerak kwe nogo wonok wage mbareegi, Yowap nen kwe nogo yoge logonet, “Kwe yi wae! Aakumi inayum abe mendek yikkologwe, ngguu'mo wappunuk amburu inagabolo paga mbenanggologwe, eeka'lek aap kanggwi iinok, inerabun ndoombunuk, netik-netak inale yogo mengga kwak, kat pilit togop aret eeppunuk,

1 Endagembogut 19:19

Yoge mbareegi, aap Eliya time nen wage nagagerik, aap Tapat aput Elita nogo tapi mbere'mbo lambunik ineenggi lingginik 12 me, it ando 11 paga yabu eekwi iigak, at Elita nogo ambi 12 paga eeke me, Eliya owagam wage nagagerik, ayum nggorek nogo nggoorogo Elita oba lenggembereegerak.

2 Endagembogut 14:21

Pi unggwogo nogogwaarik, it aakumi Yekura mendek abok nen aput Atariya ndarak kagak tahun 16 eereegerak nogo aret waganogo ogoba Amatiya obaane'me endagembogut logowak nduk, mippereegwaarak.

2 Endagembogut 14:23

At Yowat aput Amatiya nogo Yekura inowe endagembogut wonage kagak, tahun 14 eeppunuk, ambi age paga aap Yokawat aput Yerobeyam Iterali inowe endagembogut a'nuk, o Tamariya logonet, Iterali wone lengganogo yorage kagak, tahun 41 eereegerak.

2 Mbinineegwaarak 11:6

Mbe'lekem, Etam, Tekowa,

2 Mbinineegwaarak 20:20

Ti'nuk, ko'lu kuubondendok it aakumi karume Tekowa nawok nduk, eeko mbareegwa, at Yotapat nen mi'na'nuk, wone yorage logonet, “Kit aakumi Yekura mendek inom, Yerutalem mendek inom, an wone yokkirage me, kinaruk logonip o. At Aliku kinogoba Ala kiniki oba panggombugwi kiinok, kiniki nu'lek eerogo pinagage, ndi, it aap Ala nen yorage kagak yoraga nen wone yokkirogo nogogwaarak nogo abet aret mbakwi kiinok, eeriyak mbakotak nogo a'me nggelok ari, eeke kaamunggup o,” yinuk, yoragagerak.

Wundeegwaarak 3:1

At Muta nogo nen at aru Ala unde o Miriyan mendek Yitoro nogo, aanggumi kambin-ndomba ndegeninake wonagagerak me, ne ambi paga kambin-ndomba nogo wogoren karume enebaga Ala abuut endage Korep nogome aret wagagerak.

Yetaya 1:1

Aap Utiya, Yotam, Akat, Kitikiya, it nen aakumi Yekura inoweewi inendagembogut ambi agak, ambi agak, eeko logonet, wone lengganogo yoragak eekwi iigak, o Yekura inom, kota Yerutalem inom, eeppuurak at Amot aput Yetaya abinggaanggo paga kage nagaatik, yorage nagagerak nogo yi aret.

Yeremiya 1:1

It Mbeniyamin mendek wonogo menggam kota Anatot Ala unde eeke nagagerak ambi endage Kilikiya aput Yeremiya nen wone yereegerak nogo yi aret.

Yeremiya 28:8

Kat inom, an inom, Ala nen yo'nirage kagak yoraga mendek awo aga'lek niigak, it aa'nduk Ala nen yorage kagak yoraga nogo nen yi o ndi o inom, aakumi inabu'me piinok menggam iya lombok wonogwe me inom, inoba ariyak yorogo logonet, Wim nggoguk ari, aaninggin-paaninggin kinoba age, kugilingga kinoba kwi'nage, eeke kaamunggup o, yinuk, yorogo nogogwaarak kwe,

Yeremiya 6:1

Aliku ALA nen ari logonet, “It aap Mbeniyamin mendek ti, owunarok mbaganggwi, O Yerutalem teppunuk, mbaganggwi, Eeruwak o. O omarip paga pa'nggwe nen aaninggin inoba ari wage, Maluk mondok iya lombok inoba kwi'narikit nduk wage, Eeke me, O Tekowa paga nen oone nggwok eeka trompet oone pu eekwi, O Mbet-Kerem irimbaga nen kani ka'luk eekwi, Eeruwak o.

Yeremiya 7:27

At Aliku ALA nen an yo'nege logonet, “Wone yokkege yi abok aret, yorage keenok, it nen konenggwi, ndi, Wone yokkirage yi, koneninip o, yoramenggendak kwe, inoone onggo ambi yokkugwi, eerugun lek me,

Oteya 1:1

It aap Utiya inom, Yotam inom, Akat inom, Kitikiya inom, nen it aakumi Yekura mendek inoweewi inendagembogut a'nuk, wone lengganogo yoragak eekwi, ndi, at Yowat aput Yerobeyam nogo Iterali inowe endagembogut a'nuk wone lengganogo yorage, eekwi iigak, at Aliku ALA nen aap Mbeeri aput Oteya wone yoreegerak nogo yi aret.

Amot 7:14

Yoge mbareegi, at Amot nen aap Amatiya nogo yoge, “An yi, aap Ala nen yorage kagak yoraga nogo mendek wonageelik o. Ndi, it aap ti mendek inaput kunduk wonageelik mban. An ti, ndomba ndegeninake, eyo wuli yarak unde wake, eeka an aret wonagagirak o.

Mika 1:1

Aap Yotam kunduk, Akat kunduk, Kitikiya kunduk, it Yekura mendek inoweewi inendagembogut a'nuk, wone lengganogo yoragak eekwi iigak, o Tamariya inom, kota Yerutalem inom, eeppuurak nogo, Aliku ALA nen aap o Mereyet mendek Mika nogo, abi paga yoge nagagerak nogo yi aret.

Takariya 14:5

Ti eeke kenok, o kobak nonggologo pemenggerak ti, kota Yerutalem nen nok, o Atat kuli ari nagin me, aap Yekura mendek inowe endagembogut Utiya wonage eyom paga, o mi nuk-nuk eeke kenok, mbaganeegutak togop nogo aret tu ti paga mbaganumunggup o. Mbaganggwi kiigak, Aliku an nogoba Ala nogo, it kikak naka'lek alik leenak menggaarak abok aret inom wambi woraagun o.

Matiyut 4:18

Aap oweeluk-awuluk Timon endage Peterut toonak nogo, awot Andereyat imbirak ikan waganggo menggaarak me, at Yetut yi yenggenak Nggalileya aa'nggi paga nage logonet, ikan waawok nduk, yum ikan wagangga nogo yiime wuppugwi enegen iyareegerak.

1 Korindut 1:27

It aap, “An neenu,” mbakak nugwi nogo, inenggali aruwak nduk, at Ala nen it aakumi iniki yunduurak mendek nogo miirinake, ndi, it inayuk warak tiyanak menggaarak nogo inenggali aruwak nduk, it aakumi tebenak mendek aret miirinake, eeke menggerak.