Ala Unde 9:22 - Ala Wone Peenok Peebi Mbanak

²² Wogoge nagagerik, aakumi inomaluk mbo puwak nduk, Ala ake warogo wogogwi, Ala ake warogo kani kunggwi, Ala inom lambunik logowak nduk, ake warogo wogogwi, eekwi nogo abok aret eeke nagagerik, eenggi imbirak aakumi Iterali inanobak paga tebenogo piinok, ale'nggen inoba piige nagagerik, puk agagerak.

Ala Unde 9:22 ပူးပေါင်းရင်းမြစ်များ

1 Endagembogut 8:55

oone nggwok paga aakumi Iterali kuwak eerak nogo abok aret ale'nggen inoba piige logonet,

1 Mbinineegwaarak 23:13

At Amaram nen apuri aap ndaganabeegerak nogo ti, Karun Muta imbirak aret. At Karun apuri wiganak inom nen Ala awi wurik me yi mendek ndi mendek eekak alik leenak arum liirogon wonogwe, Aliku ALA enggaanom paga ake warogo wogogwi, Ala enggaanom paga aakumi inake eekwi, mondok-mondok Ala endage paga aakumi inale'nggen inoba piigwi, eeko logowak nduk, leenogo piyareegerak.

2 Mbinineegwaarak 6:3

Yoge nagagerik, it aakumi Iterali wonogwe abok aret awo mi'ndak wonogwe me, at endagembogut Talomo nen ena mela yinuk, ale'nggen inoba piige logonet,

Ndawi 72:17

At endage mondok-mondok ki aret wonage, Oonegen eya lek aga'lek wonage kagak, endage wiganinuk nage, Eeke logowak o. At eeppiinet nage paga Yi aakumi ndi aakumi abok nen inale'nggen kaagun me, “Kat kale'nggen at oba pege logot o,” yinuk, Ala yogo logogun o.

Wundeegwaarak 39:43

Pi wogo mbareegwa, Muta nogo at Aliku ALA nen eeriyak yoreegerak nogo ambiriluk ambi wuppuulik abok ndak-ndak lombok eereegwaarak kage nagagerik, ale'nggen inoba piyareegerak.

Linggineegwaarak 6:22

At Aliku ALA nen Muta yoge logonet, “At Karun apurilogwe inom nen an nale'nggen aakumi Iterali inoba piigo logonet, wone yoroorak nogo yi aret.

Marakut 10:16

Yorage nagagerik, elege-aabologwe waganogo ogome piya wa'nuk, eenggi inoba piinok, ale'nggen inoba piyareegerak.

Lukat 24:50

Yorage nagagerik, o kota nen wundi nanuk, wogoret o Mbetaniya koorok time ari nage nagagerik, eenggi nippege logonet, ale'nggen inoba piyareegerak.

Nappiigak 3:26

Ti kenok, at Ala nen at ayeloman eenik agago mippege nagaarik, kit maluk eekwi nogo kinalitak lombok mbo pugwi kiinok, at ale'nggen kinoba pinagawak nduk, aa'nduk kit aret kinowagam nappi wagaarak o,” yinuk, at Peterut nen wone ti aret yoragagerak.

2 Korindut 13:14

Ninowe Yetut Keritut iniki kunik nen obeelom eekkinake, Ala nen kinabuwa mbake, ndi, Aberiniki kinom kunik logonet, kit abok aret kinarum wonage, eeko logogun o. Abu aret yokkiragi o, noreewi wa.

Pelaareegerak 10:8

Wogo nogogurik, inanebunu Lewi mendek nen at Aliku ALA aloobut mbanak me wone yugu yonggolak wonok wogwe, enggaanom paga at ake eekwi, at endage paga inale'nggen aakumi inoba piigwi, eeko logowak nduk, at Aliku ALA nen ne ti eyom paga leenogo mippiyareegerak nogo o yogondak wonogwe yi aret o.

Pelaareegerak 21:5

Ndi, it aap Ala unde inanebunu Lewi mendek nogo ti, at Aliku kinogoba Ala eebe unde logonet ake eekwi, at Aliku ALA endage paga inale'nggen inoba piigwi, wone ambi age kenok koonggwi, aap wat-wat yemenggaarak kenok inawone mbanggwi, eeko logowak nduk, mippiyareegerak me, tapi warak wonage me taa'nogo iigak,