Ala Unde 8:7 - Ala Wone Peenok Peebi Mbanak

⁷ yum akem mendek agi yirika nggorek nogo Karun yippege, agabee'le obate paga nggerembege, yum endekem mendek nggorek yirippege, yum agale warak akem yiriyak epod nogo yirippunuk, kayin yawenak amuni mbanak yugu abe penggaarak epod nogo obate paga agabee'le nggerembege, eereegerak.

Ala Unde 8:7 ပူးပေါင်းရင်းမြစ်များ

Wundeegwaarak 28:2

Ndi, at Karun an nake eeko logonet, yum yirikak leenak nogo mendek iniki yuma yonggolak ayuk warak kogo logowak nen koweeluk ayum penggaaruwak nduk, yokkigi o.

Wundeegwaarak 28:4

Kat koweeluk Karun apuri inom inayum alik leenak neebe unde logonet, yiriko logorak penggaariyak nogo ti, inamiguwak paga yum ko'no negen yirik logorak inom, inayum agale warak akem nggorek yiriyak epod inom, yum endekem mendek nggorek inom, yum akem mendek agi yirika inom, yum inanobak perenogo piyoorak inom, inagabee'le inobate paga nggerembiyoorak inom,

Wundeegwaarak 28:6

Yoge nagagerik, ambi yoge logonet, “Inayum penggaariyak nogo ti, ndomba eeruwak mbuti emas paga nabenogo laanak inom, ligi kibu-kibu laanak inom, maa'ngga amu kunik laanak inom, maa'ngga anggup kunik laanak inom, ligi yawenak amuni mbanak it aap ineenu kenok yemenggaarak nogo mendek inom, waganggo logomenggaarik, nogo paga it an neebe unde inayum agale warak akem nggorek yiriyak epod nogo penggaako logonet,

Wundeegwaarak 29:5

Inabin koorogo piige logomenggendik, it aap an neebe unde inayum penggaariyak yokkigirak nogo waganogo Karun yirippege logonet, yum akem agi yirika nggorek nogo yippege, yum epod endekem nggwe kagak yum nggorek akem yiriyak nogo yippege, yum agale warak epod nogo yippunuk, agabee'le yonggon negen ineenggi amburu yariyak nogo nggerembege, yum ko'no negen mendaariyak nogo amiguwak paga nabenogo pege,

Yetaya 61:10

O Tiyon nen ari logonet, “Aap kwe lambumbugwi paga aap nen anobak paga obaanggi-obaangge eekkolage menggi kwak, Kolaga nen alilibano eekkolage menggi kwak, Yum yippiigo mengga kokwak at nogoba Ala nen nagap ndarogo panege, Yum age langgumbiigo mengga kwak, an obeelom eerit nage logokit nduk eeppanege, Eekerak me, Aliku ALA eeppanegerak ti paga nale'nggen alik negen ee'nake, Nogoba Ala nen eekerak paga niniki ale'nggen kani negen wunuk ari, Eeke agaarik o.

Yetikiyen 42:14

It aap Ala unde nen mage menggim eeko logowak nduk unggwi nanuk, eeko logonet inayum yiko menggaarak alik leenak nogo, nggoorogo pega'lek kagak oore'nggam endekenggwe wundi nogo logorak mage o. Ata, inayum alik yippunuk, it aakumi kuwak eeko logowam nogome pegiya wunggo logorak o,” yinuk an yo'nereegerak o.

Oroma 13:14

Kiniki maan mendek nen maluk eeriyak eekkinake kenok, “Niniki nengge yi, noba tayok yuwak nduk, nonggop eeri?” yinuk, koonit nugu logogup o. Ata, kineegin-kinarege li'luk aago monggotak kwak, kinowe Yetut Keritut kiniki me liinik logonet, eerit nogo logonip o.

Oroma 3:22

Ata, Yakuri mendek inom, endekem konenggulik mendek inom, ambi iya, ambi meek lek, ndak-ndak aret me, it abok aret iniki Yetut Keritut oba panggombunuk, abet mbakwi paga mban obeelom agago piige menggerak.

Nggalatiya 3:27

Keritut kinom kumbinagage mbareegi, yiime wambeegutak me, Keritut obaabut ndak-ndak aret ogogutak o.

1 Tamuwen 2:28

Nigiya wage logonet, it aakumi Iterali inanebunu lombok iigak, at lombok ombo nen neebe unde logonet, ndomba-tapi nake warogo wo'nege, obari abe kaga mendek kani kungge, it aap neebe unde inayum agale warak epod nogo yippunuk, nimbirak wone mbani unggwage, eeke logowak nduk, leenogo mippereegirak. It aakumi Iterali mendek nen ndomba-tapi warogo an nake kani kuniyak mendek nogo kunduk, at ombo wiganak unde eeppiyareegirak kwe,