Ala Unde 8:4 - Ala Wone Peenok Peebi Mbanak

⁴ Yoge mbareegi, at Muta nen Aliku ALA yoreegerak nogo ndak-ndak aret Ala apuri Iterali mendek abok aret Ala inom lambungge menggim awooliya wurik tungga'nggi paga taati aret kuwak eeppiyareegerak.

Ala Unde 8:4 ပူးပေါင်းရင်းမြစ်များ

Wundeegwaarak 39:1

At Aliku ALA nen Muta yoreegerak nogo ndak-ndak at Karun apuri inom Ala unde logonet, inayum alik leenak nogo mendek yirikko'nok, o mage logowam aakumi inake eeri unggwogo logowak nduk, ndomba eeruwak laanak mu kunik inom, maa'ngga kunik inom, maa'ngga anggup kunik inom, nogo paga aap Karun apuri inom inayum penggaareegwaarak.

Wundeegwaarak 39:21

yelek ponggok ari logokwak, omaawi eerak logowak nduk, yum ko'no negen abo paga tenggen pugunik nogo inom, tenggen yum akem yiriyak epod abo paga pugunik wonage nogo inom, imbirak lambunogo keele kibu-kibu nogo paga maarogo pereegwaarak. Ti eereegwaarak ti, at Aliku ALA nen Muta yoreegerak nogo ndak-ndak aret eereegwaarak.

Wundeegwaarak 39:26

Aakumi inake eeri unggwagak eeko logonet, yirikak yum abo paga eyo delima anggen nogo pugunogo wuppi wogwe, mbuti emas paga ogobakkigirik lobale eekak nogo pugunogo wuppi wogwe, eerit yum abo paga yendok-wandok pugunogo pit nogogwaarak. Ti eereegwaarak nogo at Aliku ALA nen Muta yoreegerak nogo ndak-ndak aret eereegwaarak.

Wundeegwaarak 39:29

inagabee'le ti, ligi yawenak amuni mbanak laanak inom, ndomba eeruwak paga amu kunik laanak inom, maa'ngga kunik laanak inom, maa'ngga anggup kunik laanak inom, nogo paga it aap yum etenggen yabenggek-ndabenggek penggaako mengga kwak, penggaarogo pugwi, eereegwaarak. Ti eereegwaarak ti, at Aliku ALA nen Muta yoreegerak nogo ndak-ndak aret eereegwaarak.

Wundeegwaarak 39:5

ndi, epod abo ogu paga kobee'le inaa'ndok me yonggon negen ineenggi amburu yarak yirik logorak nogo yum epod imbirak etenggen ambit kunnaruwak nduk, ligi ndomba eeruwak paga laanak mu kunik inom, maa'ngga kunik inom, maa'ngga anggup kunik inom, ligi yawenak amuni mbanak laanak inom, nogo ti paga mban, Penggaariyak o, yinuk, at Aliku ALA nen Muta yoreegerak nogo ndak-ndak aret penggaakwi, eereegwaarak.

Wundeegwaarak 39:7

eerogo pogo nogogwaarik, at Aliku ALA nen Muta yoreegerak nogo ndak-ndak aakumi Iterali aberinake logowak nduk, yum epod agale warak penggaarogo pereegwam nogo paga pugunogo pugwi, eereegwaarak.

Ala Unde 8:13

Kilippege nagagerik, Karun apuri nogo owagam piya woraanuk, at Aliku ALA nen Muta yoreegerak nogo ndak-ndak aret inayum akem mendek agi yirika nggorek nogo yirippiige, inagabee'le inobate paga nggerenogo piige, inabetagi inanobak paga perenogo piige, eereegerak.

Ala Unde 8:17

tapi ngguunok eebe inom, agabolo inom, aanagale inom, nogo ti, wonok at Aliku ALA nen Muta yoreegerak nogo ndak-ndak owa'nagat wurik me endekem time kani kuni wundeegerak.

Ala Unde 8:29

Ndi, at Aliku ALA nen, “Aap an neebe unde leenogo mippiigo logonet, mbanak ando Naliku ALA nake titik eerogo wo'nogo logowak o,” yinuk, Muta yoreegerak nogo ndak-ndak eeke logonet, ndomba ape uruwak mbanak nogo eenggime wagangge nagagerik, Yi Kaliku ALA kake o, yinuk, nggomoorogo pereegerak. Ti eereegerak nogo ti, aap Ala unde leenogo mippiigo logonet, ndomba mbanak nogo it mippiigwi unde kologo menggaarak me, at Muta ake mbanak aret wagangge nagagerik, eereegerak.

Ala Unde 8:3

it aakumi Iterali mendek abok aret ninom lambungge minggim nawooliya wurik tungga'nggi paga taati kuwak ari woraawak nduk, yoret o.”

Ala Unde 8:35

At Aliku ALA nen ari logonet, Karun apuri inom kambukwak, an ninom lambungge minggim nawooliya wurik tungga'nggi paga liingge inom, oonikiya inom, time mban logonet, Yogop ee'nip o, ndogop ee'nip o, yorage nogo liirogon eekwi iigak, ne 7 aruwak o, yinuk, yo'negerak kenok, yokkiragi o.”

Ala Unde 8:5

Kuwak eeppiige nagagerik, yorage logonet, “An yogondak eeke yi ti, at Aliku ALA nen, Eeru o, yo'negerak me, eeke agarik o,” yinuk,

Ala Unde 8:9

Nabenogo punuk, yum Karun anobak paga perenogo pege nagagerik, Ala ake leenak ayuk warak kogo logowak nduk, mbuti emas paga meeli negen ogobakkigirik nogo anobak paga kwippereegerak. Ti eereegerak nogo ti, Aliku ALA nen Muta yoreegerak nogo ndak-ndak aret eereegerak.

Matiyut 28:20

yi wone ndi wone yokkirage nagarak nogo ndak-ndak eeko logowak nduk, mamunirogwe, eerit nugu logomunggup o. Ndi, yogondak kuli nen nok, age yobok kuli paga an mbo pinagagin lek mondok-mondok ninom aret logogin o,” yinuk, yoragagerak.

1 Korindut 11:23

At ninowe nen eeko logorak yo'nereegerak wagangge nagagirik, yokkiragagirak nogo eebe yi aret. At ninowe Yetut waruwok nduk awo pigagangga'lek iigak, ne ti eyom oonikiya paga roti mbi eenggime wagangge nagagerik,

1 Korindut 15:3

Togop me, an wone waganeegirak kit mondok iya mbarubagip nduk yokkirage nagagirak nogo eebe yi o. Ala wone liiru mbanak ndak-ndak, nit maluk eekwi niinok, at Keritut ninake aret kambeegerak.

Pelaareegerak 12:32

Ndi, an wone lengganogo yokkirage yi abok aret eerit nogo logonet, wone alik ambi nabenogo pugwi, ambi mbo pugwi, eeriyak mondok mage o,” yinuk, yoragagerak.