Ala Unde 8:2 - Ala Wone Peenok Peebi Mbanak

² “Kat nen aap an neebe unde inayum yiriko menggaarak mendek wagangge, mippiigo logonet, amburu kilippiyoorak nduk wagangge, inomaluk lek eerogo piyaawak nduk, nake warogo wo'niriyak tapi ngguunok ambi wagangge, ndomba ngguunok mbere'ndak wagangge, oroti ragi pega'lek kagak worarak muun yarak me wonage nogo wagangge, ee'nuk, aap Karun apuri inom wogoren

Ala Unde 8:2 ပူးပေါင်းရင်းမြစ်များ

Wundeegwaarak 28:1

Yoge nagagerik, Aliku ALA nen Muta wone ambinom yoge logonet, “Kat koweeluk Karun inom, at apuri Narap, Abiku, Eleyatat, Itamat inom, an neebe unde logowak nduk, aakumi Iterali inenggela'me nen kat keya woraawak yoret o,

Wundeegwaarak 28:40

Ndi, Karun apuri ti kunduk, iniki yuma yonggolak inayuk warak kogo logowak nen inayum akem agi yiriyak nggorek inom, inagabee'le inom, inayum inanobak paga perenogo piyoorak inom, abok aret penggaarogo piyaawak o.

Wundeegwaarak 39:41

Ala awooliya wuriyak o magame aakumi inake eeri unggwogo logonet, yirikak yum ake leenak at Karun ayum inom, apuri inayum inom, abok aret

Ala Unde 6:10

Abu aret nengge kenok, aap an neebe unde nogo nen inayum yawenak abu obeelom akem mendek inom, inayum yawenak abu obeelom nggorek endekem mendek inom, yirippunuk, nake pugu kani nengge logonet, wun eerogo pugu kani kunggo menggam wonage nogo wonok, kani kunggo menggam eraaninu time luulu teppunuk,

Ala Unde 8:1

At Aliku ALA nen Muta yoge logonet,

Ala Unde 8:10

Ti eeke nagagerik, Muta nen aap mippiigo logonet, amburu kilippiigo menggaarak toolak nogo wagangge nagagerik, Ala ake nggomoorak logowak nen awooliya wurik paga inom, awooliya wurik inikime yi mendek ndi mendek wonage nogo paga inom, abok aret amburu kilirogo pit nagagerak.

Ala Unde 8:18

Ti eeppunuk, ndomba ngguunok Ala ake warogo kani kuniyak nogo ambi wonok wage nagagerik, Karun apuri inom nen ndomba anobak ineenggi tebembunuk, wonogwe iigak,

Ala Unde 8:22

Ti eeppege nagagerik, at Muta nen aap Ala unde mippiigo logonet, ndomba ngguunok wako menggaarak me, wariyak nduk pi wagagerak ore nogo wonok Muta iri wogo mbareegwa, aap Karun apuri inom nen ndomba nogo anobak ineenggi tebembunuk, wonogwe iigak,

Ala Unde 8:3

it aakumi Iterali mendek abok aret ninom lambungge minggim nawooliya wurik tungga'nggi paga taati kuwak ari woraawak nduk, yoret o.”

Iberani 7:27

Ninake eeke logonet, it aap Lewi mendek Ala unde inoweewi nggwok nogo nen ko'lu-kii'me aakumi inake warogo Ala wogogo logonet, aa'nduk it maluk eekaatak nogo lek aruwak nduk, Ala wogogwi, ti'nuk, peebi aakumi ugun maluk eekaatak nogo lek aruwak nduk inake wogogwi, eeko mengga kwak, at togop eekeelik o. At Keritut perak, “It maluk eekwi nogo, lek eerogo piyaakit nduk inake kambikit o,” yinuk, Ala ake warogo wogogo nogogwa kwak, nit ninomaluk lek eerogo pinanikit nduk, at ne ambit mondok nggaruk togon ninake kambeegerak.