Ala Unde 8:17 - Ala Wone Peenok Peebi Mbanak

¹⁷ tapi ngguunok eebe inom, agabolo inom, aanagale inom, nogo ti, wonok at Aliku ALA nen Muta yoreegerak nogo ndak-ndak owa'nagat wurik me endekem time kani kuni wundeegerak.

Ala Unde 8:17 ပူးပေါင်းရင်းမြစ်များ

Wundeegwaarak 29:14

tapi ngguunok eebe inom, agabolo inom, aanagale inom, nogo ti, wonok nawooliya owa'nagat wuremenggenom endekem time kani nawak nduk, kuni wundumunggun o. Ti eeriyak ti, inomaluk mbo nappikit nduk, nake wo'niriyak nogo ti aret.

Nggalatiya 3:13

Ndi, Ala wone mbanak paga nen ari logonet, “Aap ambi warogo eebe eyo karo-karo paga tugunogo pugwi kenok ti, Ala nen pulunogo pege menggerak o,” yinuk, yereegerak liiru mbanak ndak-ndak, wone Muta yoreegerak kagak alik eeko nogogurak ti paga, nit togon kambuwok nduk, pulunik aret wonogogurak kwe, lek aruwak nduk, Keritut ninobaane'me pulunogo pege mbareegi, eyo karo-karo paga tugunogo pereegwaarak ti paga, ninonggo mbambunuk, wondet eerogo pinaneegerak wonogo ogoorik o.

Ala Unde 16:27

Ndi, tapi ngguunok inom, kambin ngguunok inom, inomaluk lek eerogo punuk ninom lambunikit nduk, nggami aanggo wakwi kwak warogo punuk, amiya wonok mage lombok menggim unggwi woramenggerak nogo agabolo inom, enggaanggum inom, aanagale inom, abok aret wonok endekem kani kuni wunduwak o.

Ala Unde 6:30

Ti nonggo logorak op kwe, inomaluk lek eerogo punuk, an ninom lambunuwak nduk, nggami aanggo wakwi negen warak amiya nogo wonok lambungge minggim nawooliya wurik mage menggim nogome pi unggwage kenok perak, noorak mage me, kani nawak nen kani kumbege logowak, yegerak, yoret o,” yinuk, yoreegerak.

Ala Unde 4:21

Ndi, tapi eebe nogo apit aret waganogo owa'nagat wurik endekem nggwe nogome pi nage logomenggerik, inomaluk lek eerogo piyaawak nduk, aa'nduk tapi eeremenggerak nogo ndak-ndak aret kani nawak nduk, kumbuwak o. Ti eeko logorak nogo ti, aakumi Iterali wonogwe abok aret inomaluk lek eerogo piyaakit nduk, an nake warogo pogo logorak nogo ti aret.

Ala Unde 9:11

eebe mbanak inom, agabolo inom, ooliya owa'nagat wurik endekem nggwe time kani kuni wundeegerak.

Yetikiyen 43:21

“Eeko logomenggaarik, inomaluk lek eerogo piyoorak nake puurak tapi ngguunok ti, waganogo an nawi wurik mage menggim endekenggwe eeko logorak yugu nogome aret kani kunggo logowak o.