Ala Unde 8:14 - Ala Wone Peenok Peebi Mbanak

¹⁴ Ti eeppiige nagagerik, inomaluk lek eerogo piyaawak nduk, tapi ngguunok wariyak nogo wonok woraawak nduk yoragagerak wonok wogo mbareegwa, Karun apuri inom nen tapi nogo anobak ineenggi tebembunuk, wonogwe iigak,

Ala Unde 8:14 ပူးပေါင်းရင်းမြစ်များ

Ndawi 66:15

tapi amok tigiluk warogo kake wokkege, Ka'luk mbogut paga lagi nawak nduk, ndomba ngguunok inoorogo kani kungge, Tapi ngguunok inom, kambin inom, kake warogo wokkege, Eerigin o.

Yetaya 53:10

At Aliku ALA kooneegerak paga awinde-obaande eeppugwi, Yagan wake logowak nduk eeppugwi, Eereegwaarak o. Ndi, it aakumi maluk eekwi lek eerogo piyaawak nduk, “At eebe waruwak o,” yinuk, kooneegerak paga wareegwaarak kwe, At paga wiganak enegen iige, At nda'nagagerak eyom nggorek ari nage, Aliku ALA nen at eeriyak mbareegerak nogo eerit nage kenok, abe age, Eerigin o.

Yetikiyen 43:19

It aap Ala unde Lewi mendek inanebunu Tarok paga wiganak ti nen mban an nenggaanom paga aakumi inake eekak yuurak me, aakumi inomaluk lek aruwak nduk, tapi ngguunok awooluk kero, wonok ira wogwe iinok,

Yetikiyen 43:20

wappunuk, amiya ando waganggo logomenggaarik, warogo kani kunggak irip to ari 4 paga inom, kani kunggo logorak ndoonak abu'me ndoonak aanunggut 4 eerak paga inom, yendok-wandok ambe tiyappit nagagerak paga inom, werenogo pit nawak o. Ti eekwi kenok, warogo kani kunggak ogobakkigiriyak ti, yebibit abin koorogo pogo mengga kwak koorogo pugwi, ndi, ti paga nake warogo kani kunggwi iinok, an wagangge logokit nduk, nggomoorogo pugwi, eeko logogun o,” yinuk, Aliku Itok Menggerak ALA nen aret yegerak o.

Yetikiyen 44:27

Ndi, an nawi wurik alik leenak oore'nggam akem time nawi wurik alik leenak me eeko logowok nduk, unggwogo logonet, it inomaluk lek eerogo piyoorak inake warogo wo'niruwak o, yinuk, Naliku Nitok Minggirak an ALA nen aret yagi o.

Ala Unde 1:4

Pi wogwe iinok, an nen inomaluk lek eerogo punuk, ninom lambunik logokit nduk, it aap ti ineenggi tapi nogo anobak pippunuk logonet, nggami aanggo wako mengga kwak,

Ala Unde 16:21

eenggi imbirak waganogo kambin eenik wonage nogo anobak paga lumbunuk, it aakumi Iterali mendek maluk eeko logomenggaarak inom, mage yugu kagak taganogo punuk eeko logomenggaarak inom, inake inomaluk abok aret paganogo kambin nogo oba pege logomenggerik, aap ambi leenogo pugu nogo nen kambin nogo teerogo karume time pi nawak nduk, wogoruwak o.

Ala Unde 16:6

ndi, at inom, at akwe-apuri inom, inomaluk lek eerogo piinok, an ninom lambunik logorak nggami aanggo wakwi negen ake tapi ngguunok warogo an Ala wo'niriyak nogo wagangge, eeruwak o.

Ala Unde 4:15

it aakumi Iterali inoweewi nogo nen Naliku ALA nenggaanom paga tapi ngguunok nogo anobak ineenggi tebenogo punuk, nenggaanom paga waruwak o.

Ala Unde 8:2

“Kat nen aap an neebe unde inayum yiriko menggaarak mendek wagangge, mippiigo logonet, amburu kilippiyoorak nduk wagangge, inomaluk lek eerogo piyaawak nduk, nake warogo wo'niriyak tapi ngguunok ambi wagangge, ndomba ngguunok mbere'ndak wagangge, oroti ragi pega'lek kagak worarak muun yarak me wonage nogo wagangge, ee'nuk, aap Karun apuri inom wogoren

Linggineegwaarak 8:12

Ti eeke kenok, it aap Lewi mendek nen tapi ngguunok imbirak inanobak paga ineenggi tebenogo piinok, ambi warogo inomaluk lek eerogo piyoorak ake pugwi, ambi warogo it Lewi mendek Naliku ALA ninom lambunik logorak ake pugwi, eeruwak o.

Oroma 8:3

Wone Muta yoreegerak nogo eeriyak op mbakwi kwe, niniki maan mendek nen, “Eeriyak lek o,” yo'nirage paga eeriyak meek kenok, at Ala nen kooneegerak nogo ti, nit maluk eekwi nogo lek eerogo puwak nduk, at aput lombok aap pogom logonet, maluk eeriyak kagak kwe, eeka'lek wonagagerak paga ninomaluk lek eerogo pereegerak o.

2 Korindut 5:21

At Ala nen nit Keritut ninom kunik niige logomenggerik, “Aap yi, iniki abe koonak aret kagi o,” yinuk, yo'niraawak nduk, Keritut maluk eeke logolik kwe, nit ninomaluk nogo at oba lenggenogo pereegerak.

1 Peterut 3:18

Nit maluk eekwi nogo abok aret lek eerogo pikit nduk, at Keritut ne ambit paga aret kambeegerak. At maluk eekeelik obeelom mban eeke menggerak nogo nen, nit obeelom eekwi lek maluk mban eekwi nogo, Ala abu'me pinanikit nduk at eebe aap aret age mbareegi, warogo pereegwaarak nit ninake aret kambeegerak kwe, Aberiniki nen eenik agago mippereegerak.