Ala Unde 7:9 - Ala Wone Peenok Peebi Mbanak

⁹ Gandum anggen yigirik wun awi ndoonak paga worakwi inom, kuwali paga lakwi inom, togolowak ndoonak paga worakwi inom, abok aret it aap an neebe unde nen, Yi Ala ake o, yinuk, nggomoorogo pugwi me, ando ndiinnage nogo it aret kologo logowak o.

Ala Unde 7:9 ပူးပေါင်းရင်းမြစ်များ

2 Endagembogut 12:17

Ne ti eyom paga aap Aram inowe endagembogut Katayen nogo, aakumi Nggat mendek inom wim eeppunuk, tebenogo piige nagagerik, ti'nuk, o Yerutalem tebenikit nduk, eereegerak mendek,

Yetikiyen 44:29

Gandum anggen nake pi wogwe, inomaluk lek eerogo piyoorak nake warogo wo'nugwi, nake pugu lalembunuk, iniki aberak wonage me, obaane'me wo'niri wogwe, eekwi nogo abok ti, it aret nunggwi, yi mendek ndi mendek o Iterali time Naliku ALA nake nggomoorogo pugwi nogo ti, it aret unde eekkologwe, eeko logowak o.

Ala Unde 2:10

Yi mendek ndi mendek an wo'niriyak nduk, kani kunggo logorak nogo ti, Naliku ALA nake leenogo pugu abu mage lombok me, ando ndiinik nogo it Karun apuri inom inake aret teppogo logowak o.

Ala Unde 5:13

Ndi, aap ti maluk eeremenggerak nogo an nen lek eerogo punuk, nimbirak lambunik logokit nduk, aap an neebe unde nen nggami aanggo wakwi negen eekwi iinok, omaluk lek eerogo puurak nogo ti aret. Yi mendek ndi mendek anggen yigirogo nake pogo logonet, eeko mengga kwak, aap gandum anggen yigirik pi woramenggerak ando ndiinik nogo ti, aap an neebe unde ake aret teppogo logowak, yegerak, yoret o,” yinuk, yoreegerak.

Ala Unde 7:10

Ndi, gandum anggen yigirik nake pemenggaarak nogo ki inom, amburu paga worarak inom, ti Karun apuri inamendek aret me, ndak-ndak aret kologo logowak, yegerak, yoret o,” yinuk, yoreegerak.

Ala Unde 7:8

Aap ambi nen an Ala nake warogo kani kungge agabolo nogo aap an neebe unde nogo kunduk koloorak op mban o.

Linggineegwaarak 18:9

Gandum anggen yigirogo nake pi wogwe nogo inom, inomaluk lek eerogo pikit nduk, nake warogo pugwi nogo inom, noone taganemenggaarak aberak wonage nogo lek aruwak nduk, onggo pi wogwe nogo inom, yi mendek ndi mendek alik leenak mage lombok nake pi wogwe nogo abok aret kani kunggo menggam kunulik kenok ti, kat inom, kapuri inom, kinake aret me,

1 Korindut 9:13

It Ala awi wurik me yabu eeko menggaarak nogo, yabu eekwi onggo negen mbi Ala ake pugu nogo aret kologwe, ndi, it aap Ala aanggo warogo wogogo menggaarak nogo, warogo wogogo logonet, ando it nunggwi, eeko menggaarak nogo kineenggo'lek me yogo ogotik?

1 Korindut 9:7

It yigin unde nogo ineebe op logorak nduk, ineenggi paga mban nggik-palek eerogo nonggo menggaarak mbakop? It aap yabu eeka nen anggen yugu mbanogo ando it nunggulik mbakop? Ndi, it aap ndomba ndegeninaka nen ndomba inelak amburu toologo it ando noorak meek mbakop? Lek o. It yabu eeko menggaarak abok aret onggo anggen mbanogo nonggo menggaarak aret o, yinuk, yokkiragi o, noreewi.

Nggalatiya 6:6

Nit Ala wone konenggo monggoorak nogo nen, ninamendek obeelom nogo mogonogo ninogobamini mamunnirogo menggaarak nogo wogorogo logorak ti op aret o.