Ala Unde 7:8 - Ala Wone Peenok Peebi Mbanak

⁸ Aap ambi nen an Ala nake warogo kani kungge agabolo nogo aap an neebe unde nogo kunduk koloorak op mban o.

Ala Unde 7:8 ပူးပေါင်းရင်းမြစ်များ

Wakkagagerak 3:21

Toongge mbareegi, at Aliku Ala nen ndomba agabolo mendek mbelanogo ogobakkigirogo punuk, aap nogo akwe imbirak inayum yippiyareegerak.

Wundeegwaarak 29:14

tapi ngguunok eebe inom, agabolo inom, aanagale inom, nogo ti, wonok nawooliya owa'nagat wuremenggenom endekem time kani nawak nduk, kuni wundumunggun o. Ti eeriyak ti, inomaluk mbo nappikit nduk, nake wo'niriyak nogo ti aret.

Ala Unde 1:6

Werenogo pit nogwe iinok, it aap nogo nen tapi nake warogo kani kuniyak nogo agabolo mbelanogo punuk, eebe liirogon aret mbanogo pogo logowak o.

Ala Unde 4:11

Kani kumbunuk, tapi ngguunok nogo agabolo inom, eebe mbanak inom, anobak inom, aawi-obaak inom, aanagale inom,

Ala Unde 7:7

An nake pugu lalenemenggaarak aberak wonogwe nogo lek aruwak nduk, obaane'me punuk, wako logonet, eeko logorak inom, inomaluk lek eerogo puwak nduk, wako logonet, eeko logorak inom, ti imbirak ndak-ndak aret me, inomaluk lek eerogo punuk, Ala inom lambunuwak nduk, it aap an neebe unde nogo nen nggami aanggo wakwi negen eekwi me, eebe warak ti, it aap an neebe unde inamendek aret o.

Ala Unde 7:9

Gandum anggen yigirik wun awi ndoonak paga worakwi inom, kuwali paga lakwi inom, togolowak ndoonak paga worakwi inom, abok aret it aap an neebe unde nen, Yi Ala ake o, yinuk, nggomoorogo pugwi me, ando ndiinnage nogo it aret kologo logowak o.

Linggineegwaarak 19:5

Nappit nage logomenggerik, enegen wonage kagak, tapi warak nogo agabolo inom, enggaanggum inom, amiya inom, aanagale inom, yeregerak-peregerak abok aret kani kunuwak o.

Oroma 13:14

Kiniki maan mendek nen maluk eeriyak eekkinake kenok, “Niniki nengge yi, noba tayok yuwak nduk, nonggop eeri?” yinuk, koonit nugu logogup o. Ata, kineegin-kinarege li'luk aago monggotak kwak, kinowe Yetut Keritut kiniki me liinik logonet, eerit nogo logonip o.

Pelaareegerak 18:8

Ndi, naakit nduk, ogobamini ineyate wogoreegwaarak wu kunemenggerak nogo ko'nok namenggerak kagak kwe, it aap Ala unde ando Ala ake pugu waganggwi ti ndak-ndak aret wogogo logowak o,” yoragagerak.