Ala Unde 7:21 - Ala Wone Peenok Peebi Mbanak

²¹ Aap a, wam a, inaanogum paga nugu menggaarak mendek a, ogole warak me mbaanggoorak mage yugu nogo mendek oba wonage kagak aap ambi nen mbaanggage logomenggerik, ti'nuk, Ala nimbirak lambunik logokit o, yinuk, Naliku ALA nake warak mbanak nogo nengge kenok, oreewi inenggela'me nen enggaawak lek eerogo endekem wumbogo logowak, yegerak, yoret o,” yinuk, yoreegerak.

Ala Unde 7:21 ပူးပေါင်းရင်းမြစ်များ

Wakkagagerak 17:14

Aap ambi agabolo mbangga'lek, we teppuurak kenok, an noone yugu nogo taganogo pege me, at aap ti, at owe-awot enggela'me nen endekem wumbogo logonu o,” yoreegerak.

Wundeegwaarak 12:15

Ndi, oroti piika'lek mendek nogo mban nunggwi iigak, ne 7 logorak me, aap ambit-ambi nen ne aa'nduk nen nok ne 7 kuli ti paga oroti piiruwak nduk, ragi nogo yi mendek ndi mendek inom punuk nengge kenok, it aakumi Iterali inenggela'me nen aap ti enggaawak lek eerogo puurak me, ne iyaalok laago lariyak paga nen oroti pike menggerak mendek iname wonage ti abok aret mbo pogo logowak o.

Wundeegwaarak 12:19

Oroti piiruwak nduk, pugwi ragi nogo ti, ne aa'nduk nen nok ne 7 kuli ti paga iname porogo logorak mondok mage o. Aap ambit-ambi aworak a, nggiru a, oroti piiruwak nduk, ragi nogo yi mendek ndi mendek inom punuk, worarogo nengge kenok, it Iterali inenggela'me nen aap ti enggaawak lek eerogo pogo logowak o.

Yetikiyen 33:25

Aliku Itok Menggerak ALA nen yegerak nogo yi aret o, yinuk, yorage logonet, It Iterali ti nen inaanggumi warak inamiya inom nunggwi, inagugi yeenggwaaraawak nduk wiigwi, aakumi inookwi, eeko logonet, Nit nggween yi, unde eeppatinuk logowok o, yinuk, yogwe ti, op aret yogo agaarik?

Yetikiyen 4:14

Yo'nege mbareegi, an nen at yoge logonet, “Kaliku Kitok Menggendak ALA wae. An togop eeriyak meek o, nogoba. Maluk mendek ambi an noba lenggenak lek aret minggirak o. An wulaga mbuuluk paga nen nok, yogondak kuli kambak mendek nengge, mba'ngge nen nengge logonet ando pegetak nengge, noorak mage yugu nogo mendek enggaanggum kunduk, nambeme luk ambi manake, eekeelik aret o.”

Ala Unde 11:20

Yi mendek ndi mendek ina'naabit warak kwe, iniyok paga nugu menggaarak abok aret it nen, Ogole, yogo logowak o.

Ala Unde 12:1

At Aliku ALA nen Muta yoge logonet,

Ala Unde 17:10

Yoge nagagerik, wone ambinom it nogo yoraawak nduk, Muta yoge logonet, “Yi mendek ndi mendek ineenik nugu menggaarak abok aret nogo ti, ineenik aganake menggerak alom inamiya aret o. Amiya ti paga nen maluk onggo inooka'lek teppiige minggirak me, it inooka'lek inomaluk mbo punuk, ninom lambunikit nduk, nggami aanggo wakwi kwak, nake warogo kani kunggo menggam inake amiya kilirogo pogo logowak o, yinuk, yoragagirak me, it aakumi Iterali mendek ambi nen ilik, aakumi nggiru inenggela'me inom wonogwe ambi nen a, amiya ambi nengge kenok ti, an pekkoorak neebi me, nambokan mbo punuk, oreewi inenggela'me nen nggiginogo enggaawak lek logowak nduk wumbigin aret o.

Ala Unde 18:29

Aap ambi nen yi mendek ndi mendek an neebi mbake minggirak eeke ti, oreewi inenggela'me nen enggaawak lek eerogo pogo logowak o.

Ala Unde 19:8

Ndi, aap ambi nen Naliku ALA nake pugu leenak ti nengge kenok, at noorak mage yugu kagak, meek mbake logonet namenggerak paga obaalombok aret maluk eekkolaagin me, oreewi inenggela'me nen enggaawak lek eerogo puurak o.

Ala Unde 22:3

Yorage logonet, it aakumi Iterali nen Naliku ALA nake leenogo pi wogwe me time aap Karun apuri inom, ombowologwe inom, wigannarit nogo logogun nogo mendek ambi, wone ambi oba aremenggerak kagak nage kenok, aap ti, an nenggaanom paga enggaawak lek eerogo pogo logowak o. Wone yi ti, it peebi nda'narit nogo logogun nogo mondok-mondok eeko logowak nduk, Naliku ALA nen aret yagi o.

Ala Unde 22:4

Ndi, Karun apuri wiganak ambi awin aaga'ne kunik wonage ilik, kumi-aap inoona mendek paga inanggore'na inom wungge a, eekwi kenok, inoba wonage nogo lek aruwak nduk, wam wako mengga kwak, it togop ambi eeka'lek kagak an nake leenak pugu ti, it noorak mage o. Ndi, aap ambi nen aap kanggerak ambi mbaanggage, aap oona paga mendek wungge nogo mbaanggage, inaanogum paga nugu menggaarak mendek ambi mbaanggage, aap ambi mbaanggoorak mage yugu nogo mendek oba wonage kagak mbaanggage, yi mendek ndi mendek mbaanggoorak mage yugu ti mendek abok aret aap ambi nen mbaanggamenggerak paga maluk oba wonage kagak, aap Karun apuri wiganak ambi nen aap nogo mbaanggage kenok,

Ala Unde 23:29

Aap ambi nen ne ti eyom paga ambe mage logorak yugu nogo taganogo punuk mbi ugun nengge kenok, at owe-awot inenggela'me nen enggaawak lek eerogo puwak o.

Ala Unde 7:20

ninom lambunik logowak nduk, Naliku ALA nake warak mbanak nogo mage aago lek nggumun negen a'nuk nunggwi iinok perak, inoreewi inenggela'me nen enggaawak lek eerogo endekem wumbiigo logowak o.

Ala Unde 7:22

Yoge nagagerik, at Aliku ALA nen Muta yoge logonet,

Ala Unde 7:25

Aap ambi nen aanggo warogo punuk, amok leenogo Naliku ALA nake kani kungge logorak kagak, nengge kenok, oreewi inenggela'me nen enggaawak lek eerogo endekem wumbogo logowak o.

Ala Unde 7:27

Aap ambi nen amiya ti nengge kenok, aap ti oreewi inenggela'me nen endekem wumbogo logowak, yegerak, yoret o,” yinuk, yoreegerak.

Pelaareegerak 14:10

niyoome mendek agabolo omaawi obaga nabenak lek agabolo eraabin kwi kenok a, amborowak anggege paga niyo kilaarit nega lek kenok a, ti nonggo logorak mage yugu me, nonggo logorak mage o.

Pelaareegerak 14:3

Yorage nagagerik, ambi yorage logonet, “Kit yi mendek ndi mendek ogole warak mendek nonggo logorak mage o.

1 Tamuwen 20:26

Tenak aret mbareegi, at Tawun nen iniki mbake logonet, “Ndawut yi, maluk ambi oba age nagaarik, lek aga'lek kenok, puk agaarak abet aret kagi o,” mbake nagagerik, ne ti eyom paga oone ambi yuulik puk agagerak kwe,