Ala Unde 7:19 - Ala Wone Peenok Peebi Mbanak

¹⁹ Nake warak mbanak nogo mbaanggoorak mage yugu kagak mbaanggogwe iinok, noorak mage o. Ata, apit aret kani kumbogo logowak o. Nake warak mbanak nogo ti, yi aap ndi aap mage aago kenok mban nonggo logorak op aret kwe,

Ala Unde 7:19 ပူးပေါင်းရင်းမြစ်များ

Ala Unde 6:27

An nake leenak warak nogo mbaanggoorak mage aret me, aap ambi nen mbaanggage kenok, agap aret mbugunggolaagin o. Ndi, aap ambi nake warak amiya nogo tenggek togon ayum paga nabek yemenggerak kenok, o mage menggim time nen koorogo puwak o.

Ala Unde 7:18

Mbanak nogo, nogo mbere yinuk, nunggwi iinok, maluk aret aremenggerak me, nake warak ti, an wagangge, ndi, Ndogop eeppinanuwak o, yinuk, nake pemenggaarak nogo an nen eeppiige, eerigin lek o. It inobaalombok aret eekkolamenggaarak me, aaninggin ti, it inoba aret logowak o.

Ala Unde 7:20

ninom lambunik logowak nduk, Naliku ALA nake warak mbanak nogo mage aago lek nggumun negen a'nuk nunggwi iinok perak, inoreewi inenggela'me nen enggaawak lek eerogo endekem wumbiigo logowak o.

Lukat 11:41

Lek o. Kinikime aken yonggolak ti, it aap ineenggi lek wogorogwe kiinok perak, yi mendek ndi mendek abok koorak aret kaamunggup o.

Nappiigak 10:28

yorage logonet, “Nit Yakuri kit endekem mendek nogo ninom lambunggwi, kiya nogwe, eeriyak mage yugu nogo kineenu kwe, Ala nen, It aakumi ti, maluk mendek o. It aap ti, oba mbeenak lek o, togoti yuurak mage o, yinuk, naruk wakerak me,

Oroma 14:14

Yi mendek ndi mendek aburen mage ageelik o. Aakumi nen, “Yi mage o,” yinuk, iniki aberak wonogwe iinok ti, “Mage mendek aret age menggerak o,” yinuk, an nen yokkirage lek o. Ata, ninowe Yetut nimbirak ambit a'nuk yo'nege kenok, “Abet aret kagi,” yinuk, yokkirage agarik o.

Oroma 14:20

Yi mendek ndi mendek nunggwi paga at Ala nen eeginabit nage nogo ale-pale eerogo puurak mage o. Yi mendek ndi mendek noorak ti, maluk lek noorak op mban aret kwe, nonggo monggotak ti paga kinoreewi iniyogobit lik togon yigeebu wuppiigwi kiinok, ti maluk aret me, noorak mage o.

Titut 1:15

It aakumi iniki obeelom menggaarak kenok, it inigen me yi mendek ndi mendek obeelom mban aret kogo menggaarak. Ndi, it aakumi abet mbaka'lek maluk mban eeko menggaarak kenok ti, eeriyak inikime abe'nage inom, koonggwi inom, ti maluk mban aret me, it inigen me yi mendek ndi mendek maluk mban aret kogo menggaarak.