Ala Unde 6:5 - Ala Wone Peenok Peebi Mbanak

⁵ Kwaarulik o, yinuk, kumbuk mbangge kenok a, ti maluk aret me, omaluk ti, an nen lek eerogo pikit nduk, onggo pi wage logonet, wamenggerak nogo amendek unde wogoge logonet, oba lunogo ambinom seperlima aret wogoruwak o.

Ala Unde 6:5 ပူးပေါင်းရင်းမြစ်များ

Nekemiya 10:35

Tahun ambi eekak paga yi mendek ndi mendek yappunuk, anggen iyaalok yugu inom, yi eyo ndi eyo anggen iyaalok mbanak inom, ti wonok Aliku ALA awi wurik me pi wogwe, eeko logogun aret o.

Wundeegwaarak 22:1

Yoge nagagerik, ambinom yoraawak nduk, yoge logonet, “Aap ambi nen aap alik ambi aanggo tapi a, ndomba a, kiraarogo onggo kunggolage, warogo nengge, eeke kenok, lembu ambit kumaaremenggerak nogo obaane'me lembu 5 aret wogoge, ndi, ndomba ambit kumaaremenggerak nogo obaane'me ndomba 4 aret wogoge, eeruwak o.

Wundeegwaarak 22:4

Ndi, lembu a, keledai a, kiraaremenggerak nogo eenik wonage me, kwaakkogwe iinok perak, at ambiret kiraaremenggerak kwe, obaane'me aanggumi mbere aret wogoruwak o.

Wundeegwaarak 22:7

Aap ambi nen awu a, amendek a, oreeluk ambi porogo logowak nduk wogoremenggerak ame wonage me, aap alik ambi nen kote kumaake kenok, at aap kumaaremenggerak eebe kwaappunuk, ambiret kumaaremenggerak kwe, obaane'me mbere aret awi yakkaawak o.

Wundeegwaarak 22:9

Ndi, aap ambi nen aanggo lembu a, keledai a, ndomba a, ayum a, amendek a, lek aremenggerak kwaarit nege logonet, amendek nogo aap ambi porogo wonage enegen kage logomenggerik, it imbirak nen, Yi an namendek, yi kat kamendek, yogo logonet, wone wariyak nduk eekwi iinok, inowak loonggo menggam inowak loonuwak nduk, piya nogwe iinok, inowak loongga nen, Kat aret kumaakendak o, yinuk, oba lenggengge kenok, ambiret kumaaremenggerak kwe, onggo mbere aret awi yakkaawak o.

Wundeegwaarak 30:7

Naliku ALA nenggaanom paga obari abe kaga nogo Karun apuri nda'naremenggaarak inom mondok-mondok kunggo logowak nduk, at Karun nen o kuubondendok ndi wuninggak koonogo puwak nen unggwage logonet, ti eyom paga obari abe kaga nogo waganogo kani kunggo logowam ogumbaga punuk, kani kungge, ti'nuk, o kiyoma ndi wunini unggwage logonet, obari abe kaga nogo mendek inom kani kungge, eeke logowak o.

Yetaya 58:6

It aakumi maluk eerulik iigak mbutigeele maarogo piigaarak nogo piinogo piigwi, Tapi eyo aaninggin inuut paga piigo mengga kwak it aakumi togop eeppiinok wonogwe nogo piinogo wumbiya wogwe, It aakumi tebembiinok wonogwe nogo wondet eerogo piigwi, Aaninggin-paaninggin inoba wonage nogo teeluk eerogo piigwi, Eeriyak nogo ti, Aakumi inambe mage negen logonet eeko logorak koonogo pereegirak ti aret nogo lek a?

Yetaya 58:9

Ti eeko logonet, Naliku ALA yo'nugwi iinok, an nen wone onggo yorage, Yeenggwa niret o, yo'nugwi iinok, an nen, An yime agarik o, yinuk, yorage, Eeke logogin o. Tapi eyo aaninggin inuut paga pogo mengga kwak it inoreewi aaninggin inoba piigwi, Inoreewi inenggali wappiigwi, Meek eerogo piigo logonet, inoone lok togon yorogwe, Eekwi ti, mbo punuk,

Yetikiyen 33:15

awu aap luulu wogoremenggerak paga aap ti amendek wamenggerak obaane'me wogoga'lek nogo wogoge, aakumi inamendek ndinggolamenggerak nogo, ageerok unde awi yakkage, eeke logomenggerik, at maluk eeka'lek ineenik logorak wone lengganak nogo mban mugurok nage kenok, at kambigin lek abet aret eenik logogin o.

Ala Unde 5:16

Aap ti nen an nake leenogo pugu lalenemenggerak nogo obaane'me pi wage logonet, ambi seperlima inom oba lunogo wonok, aap an neebe unde wogora wage kenok, aap an neebe unde nen nake leenogo pugu lalenemenggerak obaane'me ndomba pi woramenggerak nogo aap ti nimbirak lambunikit nduk, nggami aanggo wakwi negen nake warogo pege kenok, omaluk ti lek eerogo pigin aret o.

Lukat 19:8

Yogo mbareegwa, at Takeyut nen it apit inenggaanom paga Yetut yoge logonet, “Nogoba o. An namindik-namendek mogonogo aap ineenggi lek kenok, wogorage, aap wi-wi aganake nagarak kero, obaane'me onggo 4 aret wogorage, eerikit o.”

1 Tamuwen 12:3

Ndi, yogondak at Aliku ALA inom, aap leenogo amburu kilippogotak inom, inenggaanom paga an mi'ndak wonage me, an maluk eeppinagage logonet, aap ambi aanggo lembu wagangge, aap ambi aanggo keledai wagangge, aap ambi wi-wi eeppege, aap ambi tebenogo pege logonet, noone omaawi yoge, aap ambi eekerak kagaarogo pikit nduk, wu wo'niri wage kenok wagangge, ti mendek ambi eeke neegotak nogo yo'nugwi kiinok, an nen obaane'me pikit nduk, yo'ninip o.”