Ala Unde 6:4 - Ala Wone Peenok Peebi Mbanak

⁴ maluk aret me, kiraakerak kenok a, wi-wi eerikit nduk, wu kunggolegerak kenok a, arum logowak nduk wogoremenggerak kobak age kenok a, aap ambi amendek kobak aremenggerak kwaaremenggerak kwe,

Ala Unde 6:4 ပူးပေါင်းရင်းမြစ်များ

Wakkagagerak 21:25

Kumbuk mbangge nagagerik, ti'nuk, Abimelek ayeloman mini nen Abarakam niyo tookak nggween kabunik tebenggologogwaarak nogo iniki, “Ao,” mbake logonet, Abimelek yoge mbareegi,

Nekemiya 5:11

O yogondak aret inanggween inom, ineyabu anggur yarak inom, eyo tayitun yarak inom, inawi inom, inawu lek kenok, luulu unde eeppinagareegwaarak nogo obaane'me wogoraanip o. Ndi, wogorogo logonet, 100 wonage kenok ambiret oba lunogo wo'niraanip o, yorogogutak kira wogogwaarak wu inom, gandum inom, anggur amburu ngget toolak inom, wam amburu inom, abok aret obaane'me wogorogo logonip o.”

Ayup 24:2

It aakumi nogo ti, Nggween ogoorak kagak ya langgok eerogo pugwi, Aakumi inaanggumi kumaappunuk, it unde eekkologwe,

Yetaya 59:6

Ndi, laa'nggi awi wurik paga yum yirikulik kwak kit kiniki koonggwi ti, aanom warogo aret koonit nugwi, Laa'nggi awi wurik kwak me, ti paga kineebe nobakkoloorak meek kagak koonggwi, Eeko ogotik. Kit eerit nugwi ti, maluk aret eerit nugwi, Kineenggi omaawi paga nen aakumi maluk eeppiinet nugwi,

Yetikiyen 18:12

Aap aaninggin inoba wonogwe, aap ineenggi lek wonogwe, eerak nogo wi-wi aganake, Awu luulu wogorage logonet, inamendek wagangge nogo iyokan wogoraga'lek kolage, Kugiwak nen yeenggwaaruwak nduk ayuk wuke, Maluk ogole warak lombok eeke,

Yetikiyen 18:18

ogoba nen perak, aakumi wi-wi aganake, at owe-awot inamendek ugun-ugun wagangge, at mendek inenggela'me maluk eerit nage, eeke kenok, omaluk ti paga obaalombok aret kambigin o.

Yetikiyen 18:7

At ti nen aap wiwi aganaka'lek awu luulu wogoge logonet amendek waganggetak nogo, mbet-mbet iyokan wogoge, Aakumi inamendek ndinggolaga'lek logonet aakumi inambi abu iinok, at ambi mendek wogorage, Aap inayum yirik lek iinok, yum yirippiige, Eeke menggerak o.

Yetikiyen 33:15

awu aap luulu wogoremenggerak paga aap ti amendek wamenggerak obaane'me wogoga'lek nogo wogoge, aakumi inamendek ndinggolamenggerak nogo, ageerok unde awi yakkage, eeke logomenggerik, at maluk eeka'lek ineenik logorak wone lengganak nogo mban mugurok nage kenok, at kambigin lek abet aret eenik logogin o.

Yetikiyen 44:19

Ndi, nawi wurik oore'nggam endekenggwe napuri wonogwe me iya wunggo logonet, inayum alik leenak nogo paga aakumi mbaaniigwi iinok, maluk eerogo piyookwak, akem time eeko logonet inayum yiko logomenggaarak nogo, nggoorogo o ko alik leenak me time punuk, yum we'lek mendek yikko'nok iya wunggo logowak o.

Ala Unde 24:18

Onggo ndak-ndak aret wat-wat yogo logorak kwe, aap ambi nen aap ambi aanggo warogo pemenggerak kangge kenok perak, aap waremenggerak nogo nen aanggo kero awi yakkaawak o.

Ala Unde 24:21

Ndi, aap ambi nen aap ambi aanggo waremenggerak kangge kenok, obaane'me awi yakkoorak aret kwe, aap ambi nen aap ambi waremenggerak kangge kenok perak, ane'me at aret kambuwak nduk, warogo puwak o.

Ala Unde 4:12

abok aret wonok owa'nagat wurik endekem wundi nage logomenggerik, wun mbo pi nogo menggam magame nogome eebe apit aret kani nawak nduk, kumbuwak o.

Amot 3:10

Yugum pak wurik me aakumi inarum logorak inawi wurik me time menggaarak nogo nen, Aakumi a'me nggelok eeppiiga'lek inoone omaawi paga aakumi inageerok waganggwi, Wi-wi aganako logonet, inamendek waganggwi, ee'nuk, Iname pati unggwogo menggaarak o,” yinuk, Aliku ALA nen ti aret yegerak o.

Mika 2:2

It nen aakumi ineyabu eerak uugwe mba'nuk kologwe, Inawi wurik uugwe mba'nuk tebenggologwe, Inawi wurik inom, inoreewi ineyate pugu inom, ndinggologwe, Eeko menggaarak.

Tepaniya 1:9

Ne ti eyom paga it aap an neebe ineenggo'lek nen inagugi eeko mengga kwak it eerit nugwi, Aakumi inoorit nugwi, wi-wi aganakwi, Eeko logonet, Inamendek kugun wonok inowe endagembogut awi nggwok abe wurik me yagabit eerogo pi unggwogo menggaarak nogo, aaninggin inoba kwippiyaagin o,” yinuk, yegerak o.

Maleyaki 1:13

ndi, it nen wone ambi yogo logonet, Yi eekwi yi ti, aaninggin ambik aret o, yinuk, laakot mbako logonet, yogwe, eeko agaarik o,” yinuk, at Omaawi Lombok Menggerak Aliku ALA nen aret yegerak o. “It wam kugun wogo inom, inarowak langgonak inom, kugi warak inom, wonok an nake kani kunggwi iinok, an nen, Wa! yinuk, keyage warogo woorak op mbakwi ya? Mondok lek aret o,” yinuk, at Aliku ALA nen aret yegerak o.

Linggineegwaarak 5:7

ore maluk eeppemenggerak nogo enggaanom paganogo punuk, awi yakkage logonet, obaga lunogo ambinom seperlima aret aap maluk eeppemenggerak nogo wogoruwak o.