Ala Unde 6:12 - Ala Wone Peenok Peebi Mbanak

¹² Ndi, kani kunggo menggam kani kunik wonage ti, noguk yuwak nduk mbo puurak mage o. Ata, mondok wunuk ari logowak nen arum liirogon aret logonet, netik-netak kuubondendok paga kani ambi waganogo mambugwi, an nake warak mbanak nogo kani kunggo menggam ogumbaga koonogo pugwi, ndi, an ninom lambunik logokit nduk, nake warogo wo'nugwi nogo amok inom kani kumbugwi, eeko logowak o.

Ala Unde 6:12 ပူးပေါင်းရင်းမြစ်များ

Nekemiya 13:31

Ndi, “O ndi eyom paga kani ira wogo logu o,” yinuk, koonogo piige, yi mendek ndi mendek iyaalok yugu pi wogo logowak nduk, koonogo piige, eereegirak o. “Ai, nogoba Ala o. Nabuwa mba'nuk, noba aberak logot o,” yinuk, tamban eereegirak nogo ti aret. 1

Yetikiyen 40:46

Ndi, ko ogoorak ambi ena o omarip paga pa'nggwe koonak wonage nogo ti, it aap Ala unde nen Ala ake warogo kani kunggo logorak nogo inake aret. It Lewi mendek Aliku ALA owagam wa'nuk, enggaanom paga ake eekak yuurak nogo ti, inanebunu Tarok mendek mban aret me, ko ti, at paga wiganak apuri nogo inake aret o.”

Ala Unde 6:11

inayum yirik nogo nggoorogo pogo logomenggaarik, inayum we ugun mendek nogo yippunuk, wun pugu nogo nawooliya wurik me nen owa'nagat wurik endekem pogo menggam magame nogome aret pi nogo logowak o.

Ala Unde 6:13

Kani kunggo menggam kani kunik wonage ti, noguk yuwak nen mbo puurak mage o. Ata, mondok wunuk ari mban logowak nduk, liirogon unde logowak, yegerak, yoret o,” yinuk, yoreegerak.

Ala Unde 6:9

“Karun apuri inom nake warogo kani kunggo logonet, eeko logorak wone lengganogo yoroorak nogo yi aret. Nake warogo kani kunggo logorak nogo ti, kani kunggo menggam pi wogwe iinok, kani nengge kagak, o aret weeruwak nen it an neebe unde nen kani nogo wunuk ari logowak nduk, arum liirogon aret logowak o.

Ala Unde 9:24

enggela'me nen kani omoonuk wunuk agan wundi wage logonet, ake warak kani nawak nduk kani kunggo menggam pugu nogo inom, amok leenak pugu nogo inom, abok aret ne ambit wunuk togon nengge it aakumi nogo inigen kogo nogogwaarik, inale'nggen nen keekok yogo nogogwaarik, inendobanggun yindumbunuk, alut eereegwaarak.

Iberani 10:27

“Ala nen ninowak loonogo punuk, anini ninoba pinanege logonet, kani eyak mondok alik paga at inom ogoorak wonogwe nogo, ineebe pup eerogo piyoorak nogo ti, nit ninom lek eerogo pinanigin kagi,” yinuk, ninagabiti mbako logowok o.