Ala Unde 5:7 - Ala Wone Peenok Peebi Mbanak

⁷ Togop eeriyak kwe, at maluk eeremenggerak onggo kambin-ndomba Naliku ALA wo'niriyak eebe lek kenok ti, omaluk lek eerogo pikit nen towe puume mbere ilik, towe kurona mbere a, wonok pi wage logomenggerik, towe ambi omaluk lek eerogo puwak nduk pugwi nogo mendek pege, ndi, towe ore nogo nake warogo kani kunuwak nduk pugwi nogo mendek pege, eeruwak o.

Ala Unde 5:7 ပူးပေါင်းရင်းမြစ်များ

Ala Unde 12:6

Wulaga a, kolaga a, nda'nage logonet amiya eeremenggerak nogo, nggaruk ari tokkage kagak, Ne ndogop logorak, yugu nogo abu aret wonage logomenggerik, kwe nogo nen ndomba ndarak kagak tahun ambit eerak ambi warogo nake kani kuniyak nduk wagangge, ndi, towe puume ilik, towe kurona a, omaluk lek eerogo punuk, nimbirak lambuniyak ake ambi wagangge, eeke logomenggerik, wonok an ninom lambungge minggim nawooliya wurik tu unggwogo menggam aap an neebe unde wonage me taa'nogo pi nawak o.

Ala Unde 12:8

Ndi, kwe nogo ndomba paga eeriyak wonage lek kenok ti, towe puume mbere ilik, towe kurona mbere a, pipuk eeppunuk, towe ambi warogo kani kuniyak ake wagangge, ambi omaluk lek eerogo punuk, nimbirak lambuniyak ake wagangge, eeke logomenggerik, wonok aap an neebe unde owagam pi nage kenok, at an neebe unde nen nggami aanggo wakwi kwak, nimbirak lambunik logowak nduk warogo wo'nege kenok, oba maluk aremenggerak nogo obeelom aret arigin, yegerak, yoret o,” yinuk, yoreegerak.

Ala Unde 14:30

Ti'nuk, aap ti, amendek lek kenok, towe puume mbere ilik, towe kurona mbere a, nake pi woramenggerak nogo

Ala Unde 14:31

ambi omaluk lek eerogo punuk, nimbirak lambunik logorak nake puurak nogo inom, ambi nake warogo kani kuniyak nogo inom, pege logonet, gandum anggen yigirik nake puurak wonok woramenggerak nogo inom lambunogo an nake puwak o. Aap an neebe unde nogo nen ti eeremenggerak paga obeelom eeriyak nogo Naliku ALA nenggaanom paga nimbirak lambunik logowak nduk, nggami aanggo wakwi kwak ake eeremenggerak me, eebe obeelom aret arigin o.

Ala Unde 15:30

aap an neebe unde nogo nen towe ore nogo, kwe nogo omaluk lek eerogo puwak nduk nake wo'nege, ndi, towe ore nogo nake warogo kani kungge, eeruwak o. Ti eeriyak nogo ti, kwe amiya kuluk eeke logonet, eebe maluk aremenggerak nogo obeelom aruwak nduk, Naliku ALA nenggaanom paga ake eeriyak nogo ti aret.

Ala Unde 16:5

it aakumi Iterali inomaluk mbo puwak nduk an Ala nake wo'niriyak kambin ngguunok mbere inom, an Ala nake warogo kani kuniyak ndomba ngguunok ambi inom, wonok wogwe iinok wagangge,

Ala Unde 27:8

Ndi, aap kumbuk mbanemenggerak nogo, Ndogop puurak, koonak nogo, awu wonage lek kenok, aap an Ala wo'niriyak nduk, kumbuk mbanemenggerak nogo wonok aap an neebe unde inowagam nogwe iinok, aap an neebe unde nen aap nogo maloppunuk, at kumbuk mbanemenggerak amendek wonage nogo mugurok mban onggo puwak nduk, yogo logowak o.

Ala Unde 5:11

Ndi, amendek towe puume mbere ilik, towe kurona mbere a, wonage lek kenok, at maluk eeremenggerak nogo lek eerogo pikit nduk, an nake gandum anggen abu obeelom yigirik 2 liter negen aret pi woraawak o. At omaluk lek eerogo pikit nduk, nake puurak aret me, amburu obaga labungge, kani kunggwi iinok, obari abe kaga nogo obaga yumbunogo pege, eeriyak mage o.

Ala Unde 7:1

Yoge nagagerik, wone ambi at Karun apuri inom yoraawak nduk, at Aliku ALA nen Muta yoge logonet, “Ala ake pugu ti, abu alik leenak lombok me, lalembunuk, iniki abe'nagak mban eekwi iinok, lek aruwak nduk obaane'me punuk, eeko logorak wone nogo yi aret.

Ala Unde 9:3

Pi wage logomenggendik, it aakumi Iterali mendek yoroorak nogo yi aret. O yogondak at Aliku ALA nigiya wambi woraagin me, inomaluk lek eerogo piyaawak nduk, Aliku ALA ake warogo puurak kambin ngguunok ambi waganggwi, Aliku ALA ake warogo kani kuniyak tapi aagaluk ambi inom, ndomba ambi inom, tahun ambit eerak inawinde-inobaande eerak lek amuni mbanak kero waganggwi, ndi, Ala inom lambunik logowak nduk, ake warogo puurak tapi ambi inom, ndomba ngguunok ambi inom, waganggwi, ee'nuk, Ala enggaanom paga ake warogo wogogo logonet, gandum anggen yigirik amburu paga amok mbanogo worarak nogo inom aret ake pi woraawak o,” yinuk, yoreegerak.

Linggineegwaarak 6:10

Ndi, nogo 7 yippunuk, ko'lu paga towe puume mbere a, towe kurona mbere a, wonok an ninom lambungge minggim nawooliya wurik me aap an neebe unde wonogwe me pi woraawak o.

Linggineegwaarak 6:11

Pi wage kenok, it an neebe unde nogo nen towe ambi nogo wappunuk aap nogo omaluk lek eerogo pikit nduk, wo'nege, ndi, towe ambi nogo aap kambemenggerak obari eeruwak paga ninggiremenggerak nogo maluk aret aremenggerak me, lek eerogo punuk, ninom lambuniyak nduk, nggami aanggo wakwi kwak, warogo kani kungge, eeppunuk, ne ti eyom paga aret eeruwak nogo obaane'me obeelom wunduwak nduk, an nake leenogo pege logowak o.

Matiyut 10:16

Wone ambinom yorage logonet, “Kit ndomba kokwak yi, it aakumi nggeewo endekem mendek pogom wonogwe me, inowagam nappinagage agarik o. Nappinagaminggirak inenggela'me logonet, waalo yimela-nimela nege menggi kwak nugu logonet, towe puume enegen waanggo pogom nugu logomunggup o.

Matiyut 21:12

At Yetut nogo nen Ala awi wurik me unggwage nagagerik, it Ala awi wurik me time at ambi ageerok at ambi onggo kunggolagak eekwi nogo mugogo wumbiige, it wu onggo-onggo eeko menggaarak inageyo ndoonak inom, it towe puume onggo mbanggo menggaarak inageyo kwi'ndak menggaarak inom, a'nggan nggininogo wuppege, eeke nagagerik,

Matiyut 3:16

“E o,” yinuk, yiime wuppege mbareegi, Yetut yiime nen awo wundi wage kagak, mbogut keyaappege mbareegi, Aberiniki towe puume pogom wiga agan Yetut oba nabi wage kagagerak.

Lukat 2:24

ndi, ambi yorage logonet, “Towe puume mbere'ndak ilik, towe kuroma mbere a, an kinogoba nake warogo puwak o,” yinuk, yorage, eereegerak liiru mbanak nogo ndak-ndak eeruwok nduk, wonok wogogwaarak.

2 Korindut 8:12

Ninamendek lek me, wogoga'lek kenok ti paga, Ala nen eebi ninombake menggerak lek o. Wonage kagak wogoga'lek kenok perak, eebi ninombake menggerak me, eebe wonage kenok wogogwi, “Wogorikit lak eebe lek me, ao,” mbakwi, ti imbirak wogogwi mban aret me, inikilom mbake menggerak.