Ala Unde 5:4 - Ala Wone Peenok Peebi Mbanak

⁴ Ndi, aap ambi nen obeelom eeppiyoorak a, maluk eeppiyoorak a, nano mendek eeriyak abok aret iniki liippega'lek kagak, Abet aret eerigin o, yinuk, kumbuk mbanogo punuk, ugun wonage me, Kat yagandak nogo nonggop o? yogwi iinok, aap nogo nen mbake logonet, An yagarak ndak-ndak eerulik me, maluk aret eekirak kagi, mbaruwak o.

Ala Unde 5:4 ပူးပေါင်းရင်းမြစ်များ

2 Tamuwen 21:7

Yorage nagagerik, Tawun aput Yonatan nogo Ndawut imbirak Aliku ALA endage paga, “Yogop eeko logowok o,” yinuk, kumbuk mbanogo pereegwaarak me, aap endagembogut nen Yonatan aput Mepibotet abuwa nen wogoroolik.

2 Endagembogut 6:31

Inigen kogwe iigak, at aap endagembogut nogo nen ari logonet, “Aap Tapat aput Elita anobak mbangga'lek teppege neenok, Ala nen aaninggin noba panege, nooke, eeriyak op, yogirak me, togop eeppanukwak, o yogondak enggaanok mbanogo pigin aret o.”

Ala Unde 5:13

Ndi, aap ti maluk eeremenggerak nogo an nen lek eerogo punuk, nimbirak lambunik logokit nduk, aap an neebe unde nen nggami aanggo wakwi negen eekwi iinok, omaluk lek eerogo puurak nogo ti aret. Yi mendek ndi mendek anggen yigirogo nake pogo logonet, eeko mengga kwak, aap gandum anggen yigirik pi woramenggerak ando ndiinik nogo ti, aap an neebe unde ake aret teppogo logowak, yegerak, yoret o,” yinuk, yoreegerak.

Ala Unde 5:3

Ndi, aap ambi nen liippega'lek logonet, aakumi inoona mendek mbaanggoorak mage yugu nogo mendek mbaanggage kenok, at oba obari aret lenggembunuk, eebe maluk aremenggerak me, eenu age logomenggerik, Yi maluk aret eekirak kagi, mbaruwak o.

Linggineegwaarak 30:6

Ndi, Ndogop eerigin o, yinuk, kumbuk mbangge ilik, perak togon, Abet aret eerigin o, yinuk, wone abuk nggaruk togon koonogo pege a, eeppunuk, ogonggelo kolage logomenggerik,

Linggineegwaarak 30:8

Ndi, kolaga'lek kagak yemenggerak nogo ogonggelo konembunuk, Togop eeriyak mage kagak eekendak o, yinuk, at kumbuk mbanemenggerak a, perak togon wone abuk nggaruk togon koonogo pemenggerak a, lek eerogo pege kenok, Aliku ALA nen kwe ti, maluk yorigin lek, teppigin aret o.

Matiyut 14:7

at Keroret nen ombo owak mbangge logonet, “Nano mendek ambi nggino yo'nege keenok, ti aret wokkirigin o.”

Matiyut 14:9

Yoge mbareegi, aap endagembogut Keroret nogo abuwa nen iniki abu maluk agagerak kwe, it laago lakome wogogwaarak inenggaanom paga ombo owak mbaneegerak me, agabiti nen, “Yo'negerak nogo aret eeri nak o,” yinuk, aap ambi nen Yaya anobak mbanogo wogori woraawak nduk, nappereegerak.

Marakut 6:23

yoge nagagerik, “Kat an nano wokkiriyak mbakendak o? O yime an unde minggirak me, Kuli ogoorogo panu o, yo'nege keenok, an nen peenok ogoorogo pagakit o,” yinuk, ombo owak mbaneegerak.

Nappiigak 23:12

Ko'lu o weege mbareegi, it Yakuri mendek kuwak eeppunuk wone kote mbanggo logonet, “At Pawulut waka'lek kagak, nit mbi inom, yi inom, ti noorak mondok lek o,” yinuk, Ala endage kumbunuk kumbuk mbaneegwaarak.

Yotuwa 2:14

Yorage mbareegi, aap mbere nogo nen kwe nogo yogo logonet, “Nit kinili yogwe me ninookwi iinok, nit kit kinake kambuurak op aret o. Ndi, nit eeruwok nduk wogoorak nogo perak, aakumi mondok yoraga'lek puk aret wonage keenok, Aliku ALA nen o yi wo'nirage nogo eyom paga kinabuwa nen yokkogoorak yi, a'me lik yuwak nduk, abet aret kinili yogo logogun o.”

Yotuwa 9:15

at Yotuwa nen, “Ninom mondok kunik logowok nduk, kineenik teppinagago o,” yinuk, inom wone abuk nggaruk togon mbangge mbareegi, it aap inoweewi wone koongga nogo nen, “Ala owak o,” yinuk, kumbuk mbanogo pereegwaarak.

Owak Loongga 21:18

nit Iterali mendek nogo nen, Aap ambit ambi nen apuluk kolaga it aap Mbeniyamin mendek wogorage kenok, pulunik aret logowak o, yinuk, muk kumbuk mbanggoorak me, it inakuwi kolaawak nduk, ninapuri komologwe wogoroorak lek me, wone nonggop koonuwi o.”

Owak Loongga 21:7

“Ninapuri komologwe kenok, it Mbeniyamin mendek wogorogo logogun mondok lek o, yinuk, Aliku ALA endage paga wone kumbuk mbanggoorak me, it Mbeniyamin mendek inoorulik ineenik wonogwe nogo ti, inakuwi kolaawak nduk, ngga nen kwaarogo wogoraagun?”

Owak Loongga 9:19

An togop aret mbakirak kwe, o yogondak aap Yeru-Mba'an apurilogwe inom eeppiigotak nogo ti, pilit lek kiniki abe paga eeriyak mbakotak nogo ndak-ndak aret eekotak kenok, Abimelek nen eeppinagage paga kiniki ale'nggen ombakwi, ndi, kit nen at eeppugwi paga at iniki ale'nggen kinombake, eeko logonip o.

1 Tamuwen 1:11

“Ai, nogoba. Kat Komaawi Lombok Menggendak Kaliku ALA aret me, kayeloman niniki tebenak wonage yi, liippanege, ndi, an kayeloman kee'nggot aga'lek abe'nake, eeke logomenggendik, naagaluk aap ambi wo'niru o. Wo'nege keenok, at eenik kagak eeruwak mbangga'lek mondok-mondok Kaliku ALA kake leenogo teppagagin o,” yinuk, wone abuk nggaruk togon kumbuk mbanogo Aliku ALA yoreegerak.