Ala Unde 5:2 - Ala Wone Peenok Peebi Mbanak

² Ndi, ne ambi paga aap ambi nen yi mendek ndi mendek inigen mbolok kwi penaame mendek ilik, inigen waanggo oome mendek a, inaanogum paga nugu menggaarak mendek a, abok aret ineebe mbaaniyoorak mage yugu kagak, kambemenggaarak enegen kaga'lek logonet, mbaaniyamenggerak paga obari oba lenggenemenggerak nogo paga eebe maluk aret aremenggerak kenok, Yi maluk aret eekirak kagi, mbaruwak o.

Ala Unde 5:2 ပူးပေါင်းရင်းမြစ်များ

Ndawi 19:12

Aap ta nen at tu abe kagak nomoninuk nage nogo eenu mbakop? An liippega'lek we ugun aret eerit nage nogo, Maluk neegendak kenok, nomaluk ti mbo nappege,

Yetaya 52:11

Wundi woraanip o. Wundi woraanip o. O time nen wundi woraanip o. Maluk mendek ambi kineenggime lek wundi wogwe, Aliku ALA awi wurik me yi mendek ndi mendek eekak wonok wogwe nogo Kinoba mbeenogo patinuk wonok wundi wogwe, Eeko logonip o.

Ala Unde 11:11

Ogole o, yinuk, nonggo logorak mage me, enggaanggum nengga'lek mbo pugwi, ineebe kambak kenok, Ogole o, yinuk, mbo pugwi, eeko logowak o.

Ala Unde 11:8

Yi mendek ndi mendek noorak mage aago ti enggaanggum nunggwi, warak kenok mbaanggogwe, eeriyak mage o.

Ala Unde 4:13

Ndi, Naliku ALA nen, Yogop eeriyak mage, ndogop eeriyak mage, yoragagirak nogo it aakumi Iterali wonogwe abok aret nen ineenggo'lek logonet eekwi iinok ti, maluk aret eeremenggaarak me,

Ala Unde 5:17

Naliku ALA nen, Yogop eeriyak, ndogop eeriyak, wone yoragagirak nogo aap ambi nen eenggo'lek ugun logonet, lalengge kenok, at maluk aret eeremenggerak me, aaninggin at oba aret logowak o.

Ala Unde 5:3

Ndi, aap ambi nen liippega'lek logonet, aakumi inoona mendek mbaanggoorak mage yugu nogo mendek mbaanggage kenok, at oba obari aret lenggembunuk, eebe maluk aremenggerak me, eenu age logomenggerik, Yi maluk aret eekirak kagi, mbaruwak o.

Ala Unde 5:4

Ndi, aap ambi nen obeelom eeppiyoorak a, maluk eeppiyoorak a, nano mendek eeriyak abok aret iniki liippega'lek kagak, Abet aret eerigin o, yinuk, kumbuk mbanogo punuk, ugun wonage me, Kat yagandak nogo nonggop o? yogwi iinok, aap nogo nen mbake logonet, An yagarak ndak-ndak eerulik me, maluk aret eekirak kagi, mbaruwak o.

Ala Unde 7:21

Aap a, wam a, inaanogum paga nugu menggaarak mendek a, ogole warak me mbaanggoorak mage yugu nogo mendek oba wonage kagak aap ambi nen mbaanggage logomenggerik, ti'nuk, Ala nimbirak lambunik logokit o, yinuk, Naliku ALA nake warak mbanak nogo nengge kenok, oreewi inenggela'me nen enggaawak lek eerogo endekem wumbogo logowak, yegerak, yoret o,” yinuk, yoreegerak.

Agayi 2:13

Yogo mbareegwa, at Agayi nen ambinom yorage logonet, “Ndi, aap ambi nen aap kanggerak eebe mbaanggage kenok, lu obaga aremenggerak me, yi mendek ndi mendek larak ti, mbaanggage kenok, yi mendek ndi mendek larak abok ti, lu labunik aret arigin ilik, lek a?” Yorage mbareegi, it aap Ala unde nogo nen, “Ti abet aret ubi! Lu aret arigin o.”

Lukat 11:44

It aakumi kanggaatak inowak paga mbaka'lek iniyok ugun aan lebenogo pit nogo mengga kwak, kit aret me, kinabuwa!”

Pelaareegerak 14:8

Ndi, wam nogo ti, iniyok abe nggaganak aret kwe, iri'ngga lunggunogo wurako nagaatik, kilirogo laganggulik kenok, kit noorak mage yugu me, enggaanggum nunggwi, warak kenok mbaanggogwe, eeriyak mage o.