Ala Unde 4:3 - Ala Wone Peenok Peebi Mbanak

³ It an neebe unde inowe amburu oba kilippemenggerak nogo nen maluk eeremenggerak paga aakumi Iterali inoba arumenggerak me, at maluk eeremenggerak nogo omaluk lek eerogo pikit nduk, Naliku ALA nake tapi ngguunok awooluk awinde-obaande eerak lek amuni mbanak kenok mban wonok,

Ala Unde 4:3 ပူးပေါင်းရင်းမြစ်များ

2 Mbinineegwaarak 29:21

tapi ngguunok 7 wogonakwi, ndomba ngguunok 7 wogonakwi, ndomba ngguunok awooluk 7 wogonakwi, ndi, Ala awi wurik o magame maluk lenggennagagerak obeelom eerogo puurak ake inom, ndi, it aakumi at abu'me piinok menggerak kunduk, it Yekura kunduk, inomaluk lek eerogo piyoorak inake inom, Ala ake warogo wogogo logorak kambin ngguunok 7 wogonakwi, ee'nuk, nogo nogogwaarik, at endagembogut nogo nen it Karun paga wiganak Ala unde nogo yorage logonet, “Aliku ALA ake warogo wogogo menggam paga ninake warogo wogogo logonip o.”

Etara 8:35

Ti eeko nogogurik, nit wo'niren pinani nagagerak niniyokan wogogurak nogo nen Iterali ninogoba Ala ake warogo kani kunggo logonet, nit Iterali abok ninake tapi ngguunok 12 wakwi, kambin-ndomba ngguunok 96 wakwi, ndomba aagalogwe ngguunok 77 wakwi, ndi, ninomaluk lek eerogo pinanuwak nduk, kambin ngguunok 12 wakwi, eerogo punuk, ti abok aret Aliku ALA ake kani kuneegurak.

Wundeegwaarak 29:14

tapi ngguunok eebe inom, agabolo inom, aanagale inom, nogo ti, wonok nawooliya owa'nagat wuremenggenom endekem time kani nawak nduk, kuni wundumunggun o. Ti eeriyak ti, inomaluk mbo nappikit nduk, nake wo'niriyak nogo ti aret.

Wundeegwaarak 29:21

Ti eeppunuk, ndomba amiya kani kunggo logowam wonage nogo ambi wagangge, aap mippiigo logonet amburu kilippiigwi nogo mendek ambi wagangge, ee'nuk, aap Karun apuri inom inoba werenogo piige, inayum yirikak paga werenogo piige, eerumunggun o. Ti eeremenggendak nogo ti, aap Karun apuri ineebe inom, inayum inom, an neebe unde logonet abu leenak logowak nduk, eerumunggun o.

Wundeegwaarak 29:7

Eeke logomenggendik, aap mippiigo logonet, amburu kilippiigak toolak nogo wagangge logomenggendik, anobak paga kilirogo wuppi woraamunggun o.

Wundeegwaarak 30:10

Tahun ambit eerak paga obari abe kaga kani kunggo logowam maluk agaarak kero obeelom aruwak nduk, aakumi inomaluk lek aruwak nduk nggami aanggo wakwi kwak an nake warogo wo'nugwi amiya nogo, at Karun nen wonok eyo owak mippuurak irip to eerogo puurak nogo paga lambunogo pit nage logowak o. Ti eeriyak nogo ti, Naliku ALA nake leenak abu mage lombok logorak me, tahun ambit eerak paga kapuri nda'naremenggaarak kinom mondok-mondok eeko logomunggup o,” yinuk, yoreegerak.

Yetikiyen 40:39

Ala ake warogo kani kunggwi, inomaluk lek eerogo puwak nduk ake warogo wogogwi, Ala ake pugu lalembunuk, iniki abe'nage kenok, obaane'me pugwi, eekak yuurak ko nggorek me unggwogo logorak wone mbanggo logowam time peenok-peenok eyo mbere'mbo ndoonak wonage kage,

Yetikiyen 43:19

It aap Ala unde Lewi mendek inanebunu Tarok paga wiganak ti nen mban an nenggaanom paga aakumi inake eekak yuurak me, aakumi inomaluk lek aruwak nduk, tapi ngguunok awooluk kero, wonok ira wogwe iinok,

Yetikiyen 44:27

Ndi, an nawi wurik alik leenak oore'nggam akem time nawi wurik alik leenak me eeko logowok nduk, unggwogo logonet, it inomaluk lek eerogo piyoorak inake warogo wo'niruwak o, yinuk, Naliku Nitok Minggirak an ALA nen aret yagi o.

Ala Unde 1:10

Ndi, it ambi nen inaanggumi kambin a, ndomba a, an nake warogo kani kuniyak mbakwi kenok ti, ngguunok awinde-obaande eerak lek amuni mbanak kenok mban wonok,

Ala Unde 1:3

It ambi nen an nake tapi ambi warogo kani kuni woroorak mbakwi kenok ti, Naliku ALA niniki ale'nggen nen waakit nduk, tapi ngguunok awinde-obaande eerak lek amuni mbanak kenok mban wonok ninom lambungge menggim nawooliya wurik tu unggwogo menggam pi wogo logowak o.

Ala Unde 16:11

Ti eeppunuk, at Karun akwe-apuri inom inomaluk lek eerogo piinok, an ninom lambunikit nduk nggami aanggo wakwi kwak warogo wo'niriyak tapi ngguunok nogo, at Karun omaluk lombok lek eerogo puwak nduk warogo pege logomenggerik,

Ala Unde 16:3

At Karun nen o mage lombok menggim time unggwage logonet kenok, inomaluk lek eerogo piyaawak nduk, warogo Naliku ALA nake wo'niriyak tapi ngguunok awooluk wagangge, an Ala nake warogo kani kuniyak ndomba ngguunok ambi wagangge, ee'nuk mban unggwage logowak o.

Ala Unde 16:5

it aakumi Iterali inomaluk mbo puwak nduk an Ala nake wo'niriyak kambin ngguunok mbere inom, an Ala nake warogo kani kuniyak ndomba ngguunok ambi inom, wonok wogwe iinok wagangge,

Ala Unde 16:6

ndi, at inom, at akwe-apuri inom, inomaluk lek eerogo piinok, an ninom lambunik logorak nggami aanggo wakwi negen ake tapi ngguunok warogo an Ala wo'niriyak nogo wagangge, eeruwak o.

Ala Unde 4:14

Nit maluk aret eekoorak kogo o, yinuk, ineenu ogo logomenggaarik, inomaluk lek eerogo piyaakit nduk, tapi ngguunok awooluk ambi wonok an ninom lambungge minggim nawooliya wurik me tu unggwogo menggam pi wogo logomenggaarik,

Ala Unde 4:23

iniki nen, Ti maluk aret eekirak kagi, mba'nuk, eenu age logomenggerik, omaluk lek eerogo puwak nduk, kambin ngguunok awinde-obaande eerak lek amuni mbanak ambi wonok

Ala Unde 4:28

iniki nen, Ti maluk aret eekirak kagi, eenu age logomenggerik, omaluk eeremenggerak nogo lek eerogo puwak nduk, kambin kooli awinde-obaande eerak lek amuni mbanak kenok mban wonok

Ala Unde 4:5

Wake kenok, aap an neebe unde nogo nen amiya nogo wonok an ninom lambungge minggim nawooliya wurik inikime time unggwi nanuk,

Ala Unde 5:6

omaluk lek eerogo pikit nduk, ndomba kooli a, kambin kooli a, warogo at maluk eeremenggerak nogo onggo Naliku ALA nake pi woraawak o. Pi wage kenok, omaluk lek eerogo punuk, nimbirak lambunik logokit nduk, aap an neebe unde nen nggami aanggo wakwi negen aret eeruwak o.

Ala Unde 6:18

Kani kuniyak nduk, nake puurak nogo abok aret ti, Karun inom, apuri-ombowologwe wigannarit nogo logogun inom, inake aret me, aakumi ugun mendek nen nunggwi iinok, maluk eekkolookwak, noorak mage o. Ata, Karun inom, apuri-ombowologwe wigannarit nogo logogun inom, nogo nen aap kenok mban nonggo logowak, yegerak, yoret o,” yinuk, yoreegerak.

Ala Unde 8:12

Werenogo pege nagagerik, Karun nogo Ala ake leenak logowak nduk, amburu toolak nogo ando waganogo Karun anobak paga kilippereegerak.

Ala Unde 9:2

Muta nen Karun yoge logonet, “Kat kalik komaluk lek eerogo pagawak nduk, kaanggumi inawinde-inobaande eerak lek amuni mbanak kero tapi ngguunok awooluk ambi wagangge, ndomba ngguunok warogo kani kuniyak ake ambi wagangge, eeke logomenggendik, at Aliku ALA enggaanom paga ake pi mok o.

Ala Unde 9:3

Pi wage logomenggendik, it aakumi Iterali mendek yoroorak nogo yi aret. O yogondak at Aliku ALA nigiya wambi woraagin me, inomaluk lek eerogo piyaawak nduk, Aliku ALA ake warogo puurak kambin ngguunok ambi waganggwi, Aliku ALA ake warogo kani kuniyak tapi aagaluk ambi inom, ndomba ambi inom, tahun ambit eerak inawinde-inobaande eerak lek amuni mbanak kero waganggwi, ndi, Ala inom lambunik logowak nduk, ake warogo puurak tapi ambi inom, ndomba ngguunok ambi inom, waganggwi, ee'nuk, Ala enggaanom paga ake warogo wogogo logonet, gandum anggen yigirik amburu paga amok mbanogo worarak nogo inom aret ake pi woraawak o,” yinuk, yoreegerak.

Linggineegwaarak 16:22

Yoragagerak kwe, at Muta Karun imbirak nen inete wanduk ngginna'nuk, Ala yogo logonet, “Ninogoba Ala wae. Aakumi ineenik unde menggendak kat Ala aret me, aap ambit maluk eekerak paga aakumi kuwak aago yi abok aret nonggop togon lek eerogo piyaamunggun o?”

Linggineegwaarak 8:8

Ti eeppunuk, tapi awooluk ngguunok warogo gandum yigirik abu abe tayitun amburu inom nenggelak-kenggelak eerogo punuk, ake puurak waganggwi, inomaluk lek eerogo piyoorak ake tapi ngguunok awooluk alik ambi waganggwi, eeruwak nduk, yoramenggendak ee'nuk, wonok wogwe iinok,

Oroma 8:3

Wone Muta yoreegerak nogo eeriyak op mbakwi kwe, niniki maan mendek nen, “Eeriyak lek o,” yo'nirage paga eeriyak meek kenok, at Ala nen kooneegerak nogo ti, nit maluk eekwi nogo lek eerogo puwak nduk, at aput lombok aap pogom logonet, maluk eeriyak kagak kwe, eeka'lek wonagagerak paga ninomaluk lek eerogo pereegerak o.

2 Korindut 5:21

At Ala nen nit Keritut ninom kunik niige logomenggerik, “Aap yi, iniki abe koonak aret kagi o,” yinuk, yo'niraawak nduk, Keritut maluk eeke logolik kwe, nit ninomaluk nogo at oba lenggenogo pereegerak.

Iberani 5:3

Aakumi maluk eekwi nogo, inake warogo Ala wogoge logonet, at togon aap nggween paga mendek maluk eeke menggerak aret me, omaluk lek eerogo puwak nduk, ake warogo Ala wogoge menggerak.

Iberani 9:12

Ndi, at yum oolo ogoorak kagak Mage Lombok Menggim unggwi nage logonet, tapi inom, ndomba inom, amiya wonok unggulik o. Ata, at amiya lombok wonok ne ambit aret pi unggwage nagagerik, nit mondok-mondok ninagap ndarak logowok nduk, ninonggo mbanogo pereegerak o.