Ala Unde 4:29 - Ala Wone Peenok Peebi Mbanak

²⁹ an nake warogo kani kunggo menggam pi woraanuk, omaluk lek eerogo puwak nduk, kambin wariyak nogo anobak eenggi tebenogo punuk, waruwak o.

Ala Unde 4:29 ပူးပေါင်းရင်းမြစ်များ

2 Endagembogut 12:16

It aakumi inomaluk aberak wonogwe iyo, Ala ake warogo wogogo logonet wu pugwi inom, ndi, inomaluk lek eerogo piyaawak nduk, Ala ake warogo wogogo logonet wu pugwi inom, ti, it Ala unde inamendek aret me, Aliku ALA awi wurik me pi wogo logolik o.

2 Mbinineegwaarak 29:23

inomaluk lek eerogo piyoorak ake kambin nogo, aap endagembogut inom, it kuwak aago wonogwe inom, inowagam piya woraanuk, kambin inoba ineenggi tebembiirogo iigak,

Ala Unde 1:11

kani kunggo menggam o omarip paga pa'nggwe Naliku ALA nenggaanom taati aret warogo pugwi iinok, it aap an neebe unde Karun apuri nogo nen amiya nogo waganogo kani kunggo menggam irip aru-ogwe, ambe agi-ogu, eyo nabenak paga abok aret werenogo pit nogo logowak o.

Ala Unde 1:4

Pi wogwe iinok, an nen inomaluk lek eerogo punuk, ninom lambunik logokit nduk, it aap ti ineenggi tapi nogo anobak pippunuk logonet, nggami aanggo wako mengga kwak,

Ala Unde 1:5

Naliku ALA nenggaanom paga warogo pugwi iinok, an neebe unde Karun apuri nen tapi amiya nogo waganogo nawooliya wurik tu unggwogwe me, kani kunggo menggam irip aru-ogwe, ambe agi-ogu, eyo nabenak paga abok aret werenogo pit nogo logowak o.

Ala Unde 4:15

it aakumi Iterali inoweewi nogo nen Naliku ALA nenggaanom paga tapi ngguunok nogo anobak ineenggi tebenogo punuk, nenggaanom paga waruwak o.

Ala Unde 4:24

an nake warogo kani kunggo menggam pi woraanuk, Naliku ALA nenggaanom paga taati kambin nogo anobak eenggi tebenogo punuk, waruwak o. Ti eeko logorak nogo ti, omaluk lek eerogo pikit nduk, nake warogo pogo logorak nogo ti aret.

Ala Unde 4:33

an nake warogo kani kunggo menggam pi wage logomenggerik, omaluk lek aruwak nduk, ndomba wariyak nogo anobak eenggi tebenogo punuk, waruwak o.

Ala Unde 4:4

an ninom lambungge minggim nawooliya wurik me tu unggwogo menggam nenggaanom paga taati pi wage logomenggerik, nake puurak nogo anobak paga eenggi tebenogo punuk, Naliku ALA nenggaanom paga waruwak o.