Ala Unde 4:21 - Ala Wone Peenok Peebi Mbanak

²¹ Ndi, tapi eebe nogo apit aret waganogo owa'nagat wurik endekem nggwe nogome pi nage logomenggerik, inomaluk lek eerogo piyaawak nduk, aa'nduk tapi eeremenggerak nogo ndak-ndak aret kani nawak nduk, kumbuwak o. Ti eeko logorak nogo ti, aakumi Iterali wonogwe abok aret inomaluk lek eerogo piyaakit nduk, an nake warogo pogo logorak nogo ti aret.

Ala Unde 4:21 ပူးပေါင်းရင်းမြစ်များ

Etara 8:35

Ti eeko nogogurik, nit wo'niren pinani nagagerak niniyokan wogogurak nogo nen Iterali ninogoba Ala ake warogo kani kunggo logonet, nit Iterali abok ninake tapi ngguunok 12 wakwi, kambin-ndomba ngguunok 96 wakwi, ndomba aagalogwe ngguunok 77 wakwi, ndi, ninomaluk lek eerogo pinanuwak nduk, kambin ngguunok 12 wakwi, eerogo punuk, ti abok aret Aliku ALA ake kani kuneegurak.

Wundeegwaarak 29:14

tapi ngguunok eebe inom, agabolo inom, aanagale inom, nogo ti, wonok nawooliya owa'nagat wuremenggenom endekem time kani nawak nduk, kuni wundumunggun o. Ti eeriyak ti, inomaluk mbo nappikit nduk, nake wo'niriyak nogo ti aret.

Yetikiyen 45:22

Ne ti paga aret aap endagembogut nen at omaluk lek eerogo puurak ake inom, it aakumi o time wonogwe abok aret inomaluk lek eerogo piyoorak inake inom, tapi ngguunok ambi warogo lariyak ake koonogo pogo logowak o.

Ala Unde 16:15

Ti eeppege logomenggerik, it aakumi Iterali mendek inomaluk lek eerogo piyaawak nduk, an Ala wo'niriyak kambin ngguunok nogo warogo punuk, amiya wonok yum tugunik kagak aken nggwe mage lombok menggim time pi unggunuk, tapi amiya werenogo pit namenggerak nogo ndak-ndak kambin amiya nogo an ninom lambungge minggim abit nobarak paga inom, enaame paga inom, werenogo pit nage logowak o.

Ala Unde 16:21

eenggi imbirak waganogo kambin eenik wonage nogo anobak paga lumbunuk, it aakumi Iterali mendek maluk eeko logomenggaarak inom, mage yugu kagak taganogo punuk eeko logomenggaarak inom, inake inomaluk abok aret paganogo kambin nogo oba pege logomenggerik, aap ambi leenogo pugu nogo nen kambin nogo teerogo karume time pi nawak nduk, wogoruwak o.

Ala Unde 16:27

Ndi, tapi ngguunok inom, kambin ngguunok inom, inomaluk lek eerogo punuk ninom lambunikit nduk, nggami aanggo wakwi kwak warogo punuk, amiya wonok mage lombok menggim unggwi woramenggerak nogo agabolo inom, enggaanggum inom, aanagale inom, abok aret wonok endekem kani kuni wunduwak o.

Ala Unde 4:13

Ndi, Naliku ALA nen, Yogop eeriyak mage, ndogop eeriyak mage, yoragagirak nogo it aakumi Iterali wonogwe abok aret nen ineenggo'lek logonet eekwi iinok ti, maluk aret eeremenggaarak me,

Ala Unde 4:20

Kani kumbunuk, tapi ngguunok eebe nogo eeriyak ti, aap ambi nen maluk eeke kenok omaluk lek eerogo puwak nduk, tapi ngguunok eeriyak yagarak togop nogo aret eeruwak o. Ti eeko logorak nogo ti, an nen inomaluk lek eerogo piinok, ninom lambunik logokit nduk, aap an neebe unde nen nggami aanggo wakwi kwak eeko logorak nogo ti aret.

Ala Unde 6:11

inayum yirik nogo nggoorogo pogo logomenggaarik, inayum we ugun mendek nogo yippunuk, wun pugu nogo nawooliya wurik me nen owa'nagat wurik endekem pogo menggam magame nogome aret pi nogo logowak o.

Ala Unde 6:23

Togop me, it aap an neebe unde leenogo mippiigwi nogo inalitak lombok nen gandum anggen yigirik Naliku ALA nake pi wogwe iinok, ambi noorak mage. Apit aret kani kunuwak o,” yinuk, yoreegerak.

Ala Unde 8:17

tapi ngguunok eebe inom, agabolo inom, aanagale inom, nogo ti, wonok at Aliku ALA nen Muta yoreegerak nogo ndak-ndak owa'nagat wurik me endekem time kani kuni wundeegerak.

Linggineegwaarak 15:24

Aakumi Iterali mendek ugun iigak, it ambi nen an noone yugu ineenggo'lek logonet, maluk eekwi kenok, Naliku an ALA obari obeelom kage logonet, nale'nggen kaakit nduk, it Iterali mendek abok aret nake warogo kani kuniyak tapi ngguunok ambi waganggwi, gandum anggen yigirik inom, amburu nonggo menggerak mendek inom, nake kilirogo puurak koonak nogo waganggwi, ndi, inomaluk lek eerogo puwak nduk, nake warogo wo'niriyak kambin ngguunok ambi waganggwi, eerogo nake pi wogwe iinok,

2 Korindut 5:21

At Ala nen nit Keritut ninom kunik niige logomenggerik, “Aap yi, iniki abe koonak aret kagi o,” yinuk, yo'niraawak nduk, Keritut maluk eeke logolik kwe, nit ninomaluk nogo at oba lenggenogo pereegerak.

Iberani 13:11

At Ala unde inowe nggwok nogo nen aakumi inomaluk lek aruwak nduk, Ala ake ndomba wappunuk, amiya wonok Mage Lombok Menggim pi unggwage kagak, eebe yagat endekem kani kunggo nogogwaarak nogo ndak-ndak,