Ala Unde 4:13 - Ala Wone Peenok Peebi Mbanak

¹³ Ndi, Naliku ALA nen, Yogop eeriyak mage, ndogop eeriyak mage, yoragagirak nogo it aakumi Iterali wonogwe abok aret nen ineenggo'lek logonet eekwi iinok ti, maluk aret eeremenggaarak me,

Ala Unde 4:13 ပူးပေါင်းရင်းမြစ်များ

Etara 10:19

It nogo nen, “Nit ninakuwi abet aret ponggonogo wumbiyaagun o,” yinuk, inoweewi kumbi wappiinok, eereegwaarak nogo Ala aberak logokwak, inomaluk lek eerogo piyaawak nduk, inaanggumi inenggela'me nen ndomba ngguunok ambi waganogo Ala ake warogo wogoreegwaarak.

Ndawi 19:13

Ndi, “Maluk eerikit,” mba'nuk eeke neyo, kat unde wo'nake, Maluk nogo nen, “Maluk mban eeru o,” yo'nege kero, narum wonage, Eeke logot o. Togop eeke keenok, maluk ambi noba lenggenak kagak nage, Ndi, maluk nggwok ambi eeke, Eerigin lek Ugun aret logogin o.

Yetikiyen 45:22

Ne ti paga aret aap endagembogut nen at omaluk lek eerogo puurak ake inom, it aakumi o time wonogwe abok aret inomaluk lek eerogo piyoorak inake inom, tapi ngguunok ambi warogo lariyak ake koonogo pogo logowak o.

Oteya 5:15

“Ti eeke neenok, it nen, Nit maluk aret eeko o, yinuk, inomaluk awo pagangga'lek iigak, an wonage minggim ari naminggirak wonage logogin o. Wonage neegak, it an mu'neren wogwe, Aaninggin-paaninggin inoba kwi'naremenggerak ti paga, At ninom lambunuwok lak, ao, yinuk, an kwaa'nabit nugwi, Eerugun o, yinuk, yegerak me, yokkiragi o,” yoragagirak.

Ala Unde 16:5

it aakumi Iterali inomaluk mbo puwak nduk an Ala nake wo'niriyak kambin ngguunok mbere inom, an Ala nake warogo kani kuniyak ndomba ngguunok ambi inom, wonok wogwe iinok wagangge,

Ala Unde 4:21

Ndi, tapi eebe nogo apit aret waganogo owa'nagat wurik endekem nggwe nogome pi nage logomenggerik, inomaluk lek eerogo piyaawak nduk, aa'nduk tapi eeremenggerak nogo ndak-ndak aret kani nawak nduk, kumbuwak o. Ti eeko logorak nogo ti, aakumi Iterali wonogwe abok aret inomaluk lek eerogo piyaakit nduk, an nake warogo pogo logorak nogo ti aret.

Ala Unde 5:17

Naliku ALA nen, Yogop eeriyak, ndogop eeriyak, wone yoragagirak nogo aap ambi nen eenggo'lek ugun logonet, lalengge kenok, at maluk aret eeremenggerak me, aaninggin at oba aret logowak o.

Ala Unde 6:4

maluk aret me, kiraakerak kenok a, wi-wi eerikit nduk, wu kunggolegerak kenok a, arum logowak nduk wogoremenggerak kobak age kenok a, aap ambi amendek kobak aremenggerak kwaaremenggerak kwe,

Linggineegwaarak 15:22

Yoge nagagerik, wone ambi yoraawak nduk, yoge logonet, “At Aliku ALA nen wone, Yogop ee'nu ndogop ee'nu, yinuk, Muta yoge kagak, yoragagerak paga nen nugwa inapuri-inombowologwe peebi nda'narit nogo logogun kuli abok aret it ambi nen, Wone yi taganogo pigin, mbaka'lek kagak eekwi iinok, eeko logorak yi aret.

1 Korindut 11:27

Togop me, kit ninowe ambi larak inom, amburu toolak inom, we wuppagagi-perambagagi nunggwi kiinok, ninowe eebe inom, amiya inom, maluk eerogo pogo logonet, aret nonggo monggotak kiigo o.

1 Timotiyut 1:13

An aa'nduk noone maluk at yoge, nanini wulo logonet, at oone waganggwi mendek inoorit nage, at miyuk-meya eerogo pege, eeke nagagirak kwe, abet mbaka'lek ugun neenggo'lek logonet, eeke nagagirak me, Ala nabuwa mba'nuk, teppaneegerak o.

Yotuwa 7:11

Aakumi Iterali ti, an ninom wone abuk nggaruk togon koonogo punuk, eeko logowak nduk, yoragagirak nogo liirogon konenulik taganogo mbo punuk, maluk eekaarak o. Nambokan laganggo logonet, an lombok namendek kumaako nagaarik, inamendek enggela'me kumaappatinuk, wonogwe ti o.