Ala Unde 3:3 - Ala Wone Peenok Peebi Mbanak

³ Pit nogwe iinok, an ninom lambuniyak nake warak kani kuniyak nduk, aap nogo nen aanogum paga nabenak agaraarin inom, aan paga mendek amok inom,

Ala Unde 3:3 ပူးပေါင်းရင်းမြစ်များ

Ndawi 119:70

Inamok me inookaatak andi lek menggi kwak, It aap ti, iniki togop aret menggaarak kwe, An perak, koone yugu Muta liiru mbaneegerak nogo An ninikilom minggirak o.

Wundeegwaarak 29:13

Pege logomenggendik, tapi wariyak aan paga mendek amok inom, ogogun paga nabenak ape inom, apenggen imbirak amok inom, abok aret wagangge logomenggendik, kani kunggo logowam nogome kani kuniyak kwe,

Wundeegwaarak 29:22

Ti eeke logomenggendik, ndomba nogo amok wagangge, ageewak amok inom wagangge, aan paga mendek amok wagangge, ogogun paga nabenak ape wagangge, apenggen imbirak amok inom wagangge, ndi, aap an Ala neebe unde mippiigwi iinok, ndomba ngguunok wariyak yi aret me, aawi abe'nggan kinik wagangge, ee'nuk,

Kini Wuppiige 23:26

Napuluk yi wae. Kiniki an paga panggombege, An eerit nage nogo kenegen liippaninuk eeke, Eeke logot o.

Yetaya 6:10

Ndi, it aakumi ti, inigen kogwe, inaruk konenggwi, iniki liippatinuk yunggup-melak eekwi, Eekwi iinok, An nen obeelom eeginake neyo, inogogumbuk ogwe, Inaruk logu kwak ogwe, inigen mbuk kwak ogwe, Eeruwak nduk eeppiya nage, Eeru o.”

Yetikiyen 36:26

iniki ngget eerogo piige, iniki koonggwi nogo alik eerogo piige, eeke logonet, inogogumbuk iniki yugum pogom wonogwe nogo mbo punuk, iniki yanggonak logonet eeko menggaarak mendek eerogo piyaagin o.

Yetikiyen 44:15

“It Iterali mendek nen an mbo paninuk nomo agan tu alik paga nogwe iigak, an nawi wurik alik leenak me yabu li'lak eeko nogogwaarak it aap neebe unde Lewi mendek inanebunu Tarok paga wiganak nogo nen mban an nowagam wa'nuk, nenggaanom paga nake eekwi, nenggaanom paga nake warak amok inom, amiya inom, pugwi, eeko logowak o, yinuk, Naliku Nitok Minggirak an ALA nen aret yagi o.

Ala Unde 1:12

Werenogo pit nogwe iinok, it inaanggo unde nogo nen eebe mbanogo pugwi iinok, aap an neebe unde nogo nen mbanak nogo inom, anobak inom, amok inom, kani kunggo menggam kani mbelaarak awo wunuk ari me taa'nogo mot-mot mbiginogo pogo logowak o.

Ala Unde 1:8

kani kuniyak tapi mbanak amok inom, anobak inom, abu koonogo punuk, kani awo wunuk ari me, taati pugwi iinok,

Ala Unde 16:25

Ndi, inomaluk lek eerogo piyoorak ake warak amok nogo ti, wonok an Ala nake kani kunggo menggam time kani kunuwak o.

Ala Unde 3:16

amok abok aret ti, Naliku ALA namendek aret me, mbi nake pogo mengga kwak, nake kani kunemenggaarak obari abe kage logonet, nale'nggen kaakit nduk, kani kunggo logowak o.

Ala Unde 3:2

ninom lambungge minggim nawooliya wurik tu unggwogo menggam taati nen nake puurak tapi nogo anobak paga ineenggi tebenogo punuk, warogo puwak o. Warogo pugwi iinok, it aap neebe unde Karun apuri nen amiya nogo waganogo kani kunggo menggam irip aru-ogwe, ambe agi-ogu, eyo nabenak paga abok aret werenogo pit nawak o.

Ala Unde 3:4

apenggen imbirak amok inom, ogogun paga nabenak ape inom, abok aret leenogo pege kenok,

Ala Unde 7:30

Yi mendek ndi mendek kani kunuwak nduk, at lombok eenggi paga Naliku ALA nake pi wage logomenggerik, nake warak amok inom, ape uruwak inom, eenggime woppunuk, Yi Kaliku ALA kake aret o, yinuk, titik eerogo pugwi nogo mendek aret pege logowak o.

Ala Unde 7:5

aap an neebe unde nen amok leenak nogo kani kunggo menggam Naliku ALA nake kani kunuwak o. Ti eeko logorak nogo ti, an nake pugu lalembunuk aberak mban wonage nogo lek aruwak nduk, obaane'me punuk, nake warogo wo'nogo logorak ti aret.

Ala Unde 9:10

Pege nagagerik, at Aliku ALA nen Muta yoreegerak nogo ndak-ndak aret omaluk lek eerogo puwak nduk, tapi warak amok inom, apenggen inom, ogogun paga nabenak ape inom, waganogo kani kunggo menggam kani kungge nagagerik,

Matiyut 13:16

Kit perak, kinigen kogwe, kinaruk konenggwi, eeko monggotak me, kiniki ale'nggen aret mbako logonip o.

Matiyut 15:8

It aakumi yi, inambe paga nen an wogoppanugwi kwe, Iniki perak, ninom ogoorak aret wonogwe o.

Oroma 5:5

Ndi, niniki lunik togop aret wonogwe me, at Ala nen Aberiniki wo'niragagerak ti paga Ala iniki kunik nen mondok alik negen ninabuwa mbake menggerak nineenu logonet, niniki lunik wonogwe nogo kolaagun aret mbakwi me, niniki piirik wonogwe lek o.

Oroma 6:6

Nit maluk ayeloman logonet, niniki maan mendek nen maluk mban eeriyak ee'ninake nogo, ambinom eerit noorak ee'ninake kero, omaawi lek eerogo puwak nduk, Keritut ninom eyo karo-karo paga ninooreegwaarak nineenu me, yokkirogo ogoorik o.

Pelaareegerak 30:6

Eerogo pinagage kenok, kit kineenik wonogo logonet, kiniki kineebe abok aret at Aliku kinogoba Ala kiniki kunik logomunggup nduk, at Aliku ALA nen kit inom, kinapuri-kinombowologwe inom, aakumi inagabolo mbanggo mengga kwak kiniki omaawi wonage nogo lek eerogo mbo pege,

1 Tamuwen 2:15

ndomba-tapi warogo amok leenogo Ala ake kani kunogo wogoriyak nogo, awo kani kungga'lek kagak, Ala unde ti, inayeloman nogo nen wage nagaatik, it aap Ala ake warogo wogogwi nogo yorage logonet, “It nogobamini Ala unde nogo ndomba-tapi enggaanggum niyo paga larak wogorogwe nogo ineebi me, worarogo nawak nduk, ki aret wo'ninip o.”