Ala Unde 3:17 - Ala Wone Peenok Peebi Mbanak

¹⁷ It aakumi Iterali logowam time inapuri-inombowologwe wigannarit nogo logogun inom wone yugu yi, mondok-mondok eeko logonet, amok inom, amiya inom, nonggo logorak mondok mage, yegerak, yoret o,” yinuk, yoreegerak.

Ala Unde 3:17 ပူးပေါင်းရင်းမြစ်များ

Wakkagagerak 9:4

Wokkiragarak kwe, ineenik eeke menggerak alom ti, inamiya aret me, yi mendek ndi mendek amiya wungga'lek kagak warak kenok perak, noorak mage o.

2 Mbinineegwaarak 29:35

Ala ake warogo kani kuniyak inom, Ala inom lambunik logorak ake warak amok inom, ndi, Ala ake warogo kani kunggo logonet ake amburu kilirogo pit noorak inom, ambik aret wonagagerak. Ti eerit wogogwaarak paga Aliku ALA awi wurik me eeko nogogwaarak nogo, eeko logowok nduk, warenogo pereegwaarak.

Nekemiya 8:10

Yorogo nogogwaarik, at Nekemiya nen, “Kit kiname nogo logomonggotik, kiniki ale'nggen paga kinambi-kinagi abe mendek nonggo logonet, ando mogonogo it aakumi ineenggi lek kenok wogoraamunggup o. O yogondak ninogoba Aliku ALA ake punik aret me, kiniki wakkolaagup o. At Aliku ALA nen kinale'nggen eeppinagage ti paga kiniki nu'lek aret logomunggup o.”

Wundeegwaarak 27:21

An nawooliya wuriyak inikime naloobut mbanemenggaarak logowam akem pa'nggwe time wonage kagak, oolo yum tuguniyak endekem nggwe Ninom Lambungge Logowam Magame nogome Karun apuri inom nen an nenggaanom paga o kiyoma nen kuubondendok kuli, ndi wuninik mban logowak nduk, unde logowak o. Ti eeriyak ti, aakumi Iterali inapuri inombowologwe wiganit nogwe nogo inom mondok-mondok eeko logowak nduk wone yi koonogo pigi o,” yinuk, yoreegerak.

Wundeegwaarak 28:43

Penggaarogo pemenggaarak me, aap Karun apuri inom nen an ninom lambungge logowam nawooliya wuremenggenom unggwi nogwe ilik, o mage me aakumi inake ambi eeruwak nduk, nake warogo kani kunggo logowam panggo yi nogwe a, eeko logonet, inaawi ogo'net kin iigwi iinok, ti maluk aret me, an nen inoorukwak, inayum ti yippunuk, eeko logowak o. Ndi, wone yagarak ti, Karun kunduk, apuri ndaganabit namenggerak kunduk, mondok-mondok eeko logowak nduk, wone lengganogo yokkigi o,” yinuk, yoreegerak.

Yetikiyen 33:25

Aliku Itok Menggerak ALA nen yegerak nogo yi aret o, yinuk, yorage logonet, It Iterali ti nen inaanggumi warak inamiya inom nunggwi, inagugi yeenggwaaraawak nduk wiigwi, aakumi inookwi, eeko logonet, Nit nggween yi, unde eeppatinuk logowok o, yinuk, yogwe ti, op aret yogo agaarik?

Yetikiyen 44:15

“It Iterali mendek nen an mbo paninuk nomo agan tu alik paga nogwe iigak, an nawi wurik alik leenak me yabu li'lak eeko nogogwaarak it aap neebe unde Lewi mendek inanebunu Tarok paga wiganak nogo nen mban an nowagam wa'nuk, nenggaanom paga nake eekwi, nenggaanom paga nake warak amok inom, amiya inom, pugwi, eeko logowak o, yinuk, Naliku Nitok Minggirak an ALA nen aret yagi o.

Yetikiyen 44:7

It nen yi eekak ndi eekak ogole warak mendek eerit nogo logonet, aakumi inambik inagabolo mbanak lek iniki omaawi mendek nawi wurik alik leenak nogome wogoren piya unggwogo mbareegwa, nawi wurik maluk eerogo pugwi iigak, it an napuri ti, nale'nggen mbarikit nduk, mbi inom, amok inom, amiya inom, wo'nugo logonet kwe, ninom wone abuk nggaruk togon koonogo pereegurak nogo, lek eerogo pugwi,

Ala Unde 10:15

Amok leenak kani kuniyak wonok wogo logonet, aawi kinik Ala ake puurak nogo inom, ape uruwak Ala kaawak nduk, titik iriyak nogo inom, lambumbunuk wonok wogo logomenggaarik, amok kani kumbunuk, aawi kinik inom, ape uruwak inom, Yi Kaliku ALA kake o, yinuk, titik nugu logomenggaarik, Aap an neebe unde wogorogo logowak o, yinuk, Aliku ALA nen yereegerak nogo ndak-ndak aawi inom, ape uruwak inom, Ala titik ogo logomonggotik, nonggo logomunggup o.”

Ala Unde 10:9

“Kat kapurilogwe kinom kinoorukwak, niyo anggur amburu ilik, amburu kumili aganake menggerak nogo mendek a, neenok, an ninom lambungge minggim nawooliya wurik me time unggwi noorak mondok mage o. Wone lengganogo yokkirage yi nogo ti, kapuri-kombowologwe nda'narit nogo logogun kinom mondok eeko logorak wone ti aret.

Ala Unde 16:29

Wone ambi mondok-mondok eeko logorak nogo yi o. Naliku an ALA nen kinomaluk abu lek eerogo punuk nake nggomoorak wonogwe kiyaakit nduk, tut 7 penenak tanggal 10 yi paga kit Iterali mendek kinomaluk apit aret lek eerogo pinaganuk, an ninom lambunikit nduk, nggami aanggo wakwi kwak kineebe an nake nggomoorogo pinagarak me, tut 7 penenak tanggal 10 ti paga ari wage kenok, kit aakumi Iterali mendek inom, aakumi nggiru kinenggela'me menggaarak inom, kit abok nen yi eekak ndi eekak eeka'lek kinambe mage negen mbi nengga'lek puk logomunggup o.

Ala Unde 16:34

Ti eeko logorak nogo ti, it aakumi Iterali mendek inomaluk abok aret lek eerogo piinok, an ninom lambunikit nduk, tahun ambit paga ne ambit mban eeko logowak o. Wone yi nogo ti, mondok-mondok eeko logomunggup nduk, yokkiragi o,” yinuk, yoreegerak. Yoge mbareegi, at Muta nogo at Aliku ALA nen yoreegerak nogo abok aret Karun yoge mbareegi, Karun nen ndak-ndak aret eereegerak.

Ala Unde 17:7

Kwe ambi ogonggelo mbo punuk, aap alik ambi imbirak lambungge menggi kwak, it aakumi Iterali mendek nen inogoba Ala an mbo paninuk, inagugi kambin pogom ake warogo pugwi nogo, ambinom ake pogo logorak mage o. Wone yi nogo ti, it aakumi Iterali mendek inom, inapuri-inombowologwe nda'narit nogo logogun nogo inom, mondok-mondok eeko logowak o, yinuk, yoroorak.

Ala Unde 19:26

Yi mendek ndi mendek amiya wungga'lek kagak warak mbanak noorak mage o. Tili paganggwi, ninggirak iyak wukwi, eeriyak mage mban o.

Ala Unde 23:14

Inogoba Ala an nake pi woroorak nogo pi waga'lek logonet, oroti inom, gandum anggen ki inom, worarak inom, nonggo logorak mage o. Eeko logorak yoragarak yi ti, it logowam time abok aret wonogo logonet, it inom, inapuri-inombowologwe nda'narit nogo logogun inom, mondok-mondok aret eeko logowak, yegerak, yoret o,” yinuk, Muta yoreegerak.

Ala Unde 23:21

Ne ti eyom paga aret yabu eeka'lek, Ala alut eeruwok nduk, kuwak eeruwok o, yinuk, kuwak eeppunuk nalut eeko logowak o. Ti eeko logorak ti, it logowam time abok aret wonogo logonet, it inom, inapuri-inombowologwe nda'narit nogo logogun inom, mondok-mondok eeko logowak o.

Ala Unde 3:16

amok abok aret ti, Naliku ALA namendek aret me, mbi nake pogo mengga kwak, nake kani kunemenggaarak obari abe kage logonet, nale'nggen kaakit nduk, kani kunggo logowak o.

Ala Unde 4:1

At Aliku ALA nen Muta yoge logonet,

Ala Unde 6:15

it ambit nen nake pugu gandum anggen abe yigirik amburu inom, obari abe kaga nogo inom, ne ambit eenggime woppunuk, Anggen yigirik yi abok kake aret o, yinuk, Naliku ALA nake kani kunemenggerak obari abe kage logonet, nale'nggen kaakit nduk, nake kani kunuwak o.

Ala Unde 6:18

Kani kuniyak nduk, nake puurak nogo abok aret ti, Karun inom, apuri-ombowologwe wigannarit nogo logogun inom, inake aret me, aakumi ugun mendek nen nunggwi iinok, maluk eekkolookwak, noorak mage o. Ata, Karun inom, apuri-ombowologwe wigannarit nogo logogun inom, nogo nen aap kenok mban nonggo logowak, yegerak, yoret o,” yinuk, yoreegerak.

Ala Unde 6:22

It aap an neebe unde inobaane'me inapuri ndarak nen an neebe Ala unde logowak nduk, mippiigo logonet kenok ti, Gandum anggen yigirik Naliku ALA nake pugwi nogo mondok aret pogo logowak o, yinuk, koonogo pereegirak nogo, nake pogo logomenggaarik, pugu nogo apit aret kani kunuwak o.

Ala Unde 7:23

“It aakumi Iterali wone yoroorak nogo yi aret. Lembu-tapi inom, kambin-ndomba inom, abok aret inamok nonggo logorak mage aret.

Ala Unde 7:34

Ninom lambunik logowok nduk, nake warogo wo'nogo logonet, ape uruwak an Ala kaakit nduk titik nugwi inom, aawi mbanak wo'nugwi inom, nogo ti, it aakumi Iterali nen aap an neebe unde Karun apuri inom wogorogo logowak nduk koonogo pigirak me, it aret wogorogo logowak, yegerak, yoret o,” yinuk, Muta yoreegerak.

Ala Unde 7:36

At Aliku ALA nen, “It Iterali nen an nake puurak nogo, ando mogonogo aap an neebe unde wogorogo logowak o,” yinuk, wone lengganogo yoragagerak ti, aakumi Iterali nen aap Ala unde Karun inom, apuri-ombowologwe inom, mippiinet wundi wogo logonet, mondok-mondok wogorogo logowak nduk koonogo pereegerak ti aret.

Linggineegwaarak 19:21

Ndi, aap niyo inabin koorinaka paga werenogo piige logomenggerak nogo kunduk, niyo paga ayum kookkolaawak o. Ndi, niyo inabin koorinaka nogo aap ambi nen mbaanggage kenok, oba maluk aremenggerak kagak, oonegen aret kilu yi nawak o. Aap ambi obari oba lenggenak wonage nogo nen yi mendek ndi mendek mbaanggage kenok, yi mendek ndi mendek nogo maluk aret age, ndi, yi mendek ndi mendek maluk aremenggerak nogo aap ambi mbaanggage kenok, at kunduk, oba maluk aret age, eeremenggerak me, maluk oba aremenggerak wonage kagak, oonegen aret kilu yi nawak o. Wone yi, it Iterali mondok-mondok eeko logowak, yegerak, yoret o,” yinuk, yoragagerak.

Matiyut 16:24

Yoge nagagerik, Yetut nen it at oone waganggwi nogo yorage logonet, “Kit an ninom nugu logorak mbakwi kenok, yi eekak ndi eekak eeriyak mbakwi nogo mbo punuk, eyo karo-karo paga nabembinagarak nogo ko'nok, ninom aret nugu logowok o.

Nappiigak 15:29

Kugi aanggo warak nunggwi, amiya nunggwi, yi mendek ndi mendek amiya wungga'lek kagak warak kenok, nunggwi, mbabi eekwi, eekwi nogo, kit eeriyak lek mbo pogo logonip o. Mbo pumonggotak ti paga, wone yugu nogo, Abu aret eeko agaarik o, yinuk, kinombako logogun o. Ninoreewi wa. Abu aret yokkirogo o,” yinuk, liiru mbanogo punuk, nappiyareegwaarak.

Epetut 1:7

At Ala ninabuwa mba'nuk, iniki warak lombok logonet, mondok liippinanege nagagerik, oba ngginik kagak eeppinanit wundi wage menggerak nogo ndak-ndak, at amiya paga ninonggo mbambunuk, keele piinogo pinanege nagagerik, ninomaluk mondok lek eerogo pinaneegerak.

Epetut 5:26

Nit Ala apuri yi awi ndi awi monggoorak ninake kambeegerak nogo ti, “An napuri inoba mili lenggenak yinik-pinik aago ineebe yinuk-punuk eerak iigak koloorak neebi o. Ata, ineebe kikak naka'lek mondok alik leenak abe kigirikwe lombok iinok kolaakit o,” yinuk, ngguu'mo wappiigo mengga kwak, at oone waganggwi paga ninomaluk lek eerogo pinanege logomenggerik, Ala ake leenak logowok nduk, ninabuwa mbake logonet, ninake kambeegerak o.

Pelaareegerak 12:16

Nonggo logonet, amiya perak, noorak mondok mage o. Ata, niyo negen kilirogo nggween paga time aret nappogo logomunggup o.

Pelaareegerak 12:23

Togop aret kwe, ineebe ineenik aganake alom ti, amiya aret me, eebe nonggo logonet, ineenik aganaka amiya nogo inom nonggo logokwak, liippunuk, nonggo logomunggup o.

Pelaareegerak 12:24

Togop aret me, amiya inom nenggak yuurak mondok mage o. Amiya ti, niyo negen nggween paga aret kilirogo nappogo logomunggup o.

Pelaareegerak 15:23

Nonggo logonet kwe, amiya perak, nonggo logorak mondok mage o. Ata, niyo negen nggween paga kilirogo nappogo logomunggup o,” yinuk, yoragagerak.

Pelaareegerak 32:14

Inaanggumi lembu-tapi, kambin-ndomba inelak amburu nunggwi, Yilak amburu loonggo warak nunggwi, Inaanggumi kambin-ndomba inaagalogwe piirigalo mban nda'nogwe, Ndomba ngguunok abe awi o Mbatan mendek mban nda'nogwe, Gandum anggen abe li eerogo mban yege, Anggur amburu abu abe laambu toologo nunggwi, Eeko logowak nduk, Eeppiyareegerak o.

1 Timotiyut 4:4

Yi mendek ndi mendek Ala nen wakkagagerak nogo ti, obeelom mban aret wakkagagerak me, nit niniki nen, “Wa,” mbako logonet, waganggwi kenok ti, mage lek o.