Ala Unde 3:12 - Ala Wone Peenok Peebi Mbanak

¹² Ndi, kambin nake warogo puurak mbakwi kenok, Naliku ALA nenggaanom paga eeriyak me, wonok

Ala Unde 3:12 ပူးပေါင်းရင်းမြစ်များ

Yetaya 53:2

Aliku ALA ayeloman nogo at enggaanom paga eyo agarip lagangge menggi kwak tawe age, Agarip nggween woloonak paga mbilangge menggi kwak kin ari wage, Eereegerak. At enete kigirikwe ayuk warak me pekkoorak ee'ninake, At eebe abe me ninom logorak ee'ninake, Eeka'lek aret wonogogurak.

Yetaya 53:6

Nit abok aret ndomba kobak aago negen wonogo logonet, tu abe kagak alik paga nogwe, Ninalitik-ninalitak niniki koombunuk eerit nogwe, Eeko nogogurak paga Nit abok aret maluk eekwi onggo, “At nen aret mbanuwak o,” yinuk, Aliku ALA nen at oba pereegerak.

Ala Unde 1:10

Ndi, it ambi nen inaanggumi kambin a, ndomba a, an nake warogo kani kuniyak mbakwi kenok ti, ngguunok awinde-obaande eerak lek amuni mbanak kenok mban wonok,

Ala Unde 1:2

“It aakumi Iterali yoroorak nogo yi o. It Iterali mendek ambi nen Naliku ALA nake warogo wo'niriyak mbakwi kenok ti, inaanggumi lembu-tapi ilik, kambin-ndomba a, an nake aret wo'niri wogo logowak o.

Ala Unde 1:6

Werenogo pit nogwe iinok, it aap nogo nen tapi nake warogo kani kuniyak nogo agabolo mbelanogo punuk, eebe liirogon aret mbanogo pogo logowak o.

Ala Unde 10:16

Yorage nagagerik, at Muta nen inomaluk lek eerogo piyoorak nduk, warogo Ala ake wogoriyak kambin ngguunok nogo kwaareegerak mendek, kambin nogo muk kani kuneegwaarak mbareegi, Karun apuri Eleyatat Itamat imbirak inoorulik teppiyareegerak nogo mberirage logonet,

Ala Unde 3:1

Yoge nagagerik, wone ambi yoraawak nduk, at Aliku ALA nen Muta yoge logonet, “It ambi nen, Ala nimbirak lambunik logokit o, yinuk, warogo an nake wo'niriyak mbakwi kenok, tapi ngguunok a, kooli a, nake puurak op mban aret kwe, awinde-obaande eerak lek amuni mbanak kenok mban Naliku ALA nenggaanom paga eeriyak me, wonok

Ala Unde 9:15

Kani kumbege nagagerik, aakumi Iterali inake wariyak kambin wonok wogogwaarak nogo Karun iri wogo mbareegwa, wagangge nagagerik, kambin aa'nduk eereegerak togop ndak-ndak aret aakumi Iterali inomaluk lek eerogo puwak nduk warogo Ala ake pereegerak.

Ala Unde 9:3

Pi wage logomenggendik, it aakumi Iterali mendek yoroorak nogo yi aret. O yogondak at Aliku ALA nigiya wambi woraagin me, inomaluk lek eerogo piyaawak nduk, Aliku ALA ake warogo puurak kambin ngguunok ambi waganggwi, Aliku ALA ake warogo kani kuniyak tapi aagaluk ambi inom, ndomba ambi inom, tahun ambit eerak inawinde-inobaande eerak lek amuni mbanak kero waganggwi, ndi, Ala inom lambunik logowak nduk, ake warogo puurak tapi ambi inom, ndomba ngguunok ambi inom, waganggwi, ee'nuk, Ala enggaanom paga ake warogo wogogo logonet, gandum anggen yigirik amburu paga amok mbanogo worarak nogo inom aret ake pi woraawak o,” yinuk, yoreegerak.

Linggineegwaarak 15:6

ndomba ngguunok paga nake warogo wo'nogo logonet, gandum anggen abu abe yigirogo 5 liter negen waganogo tayitun amburu 1 liter irimbaga negen inom nenggelak-kenggelak eerogo punuk, nonggo menggaarak anggur amburu nake kilirogo pegak pi woroorak nogo mendek 1 liter irimbaga negen inom wonok, Naliku an ALA obari abe kage logonet, niniki ale'nggen kaakit nduk, nake pi wogwe,

Oroma 8:3

Wone Muta yoreegerak nogo eeriyak op mbakwi kwe, niniki maan mendek nen, “Eeriyak lek o,” yo'nirage paga eeriyak meek kenok, at Ala nen kooneegerak nogo ti, nit maluk eekwi nogo lek eerogo puwak nduk, at aput lombok aap pogom logonet, maluk eeriyak kagak kwe, eeka'lek wonagagerak paga ninomaluk lek eerogo pereegerak o.

2 Korindut 5:21

At Ala nen nit Keritut ninom kunik niige logomenggerik, “Aap yi, iniki abe koonak aret kagi o,” yinuk, yo'niraawak nduk, Keritut maluk eeke logolik kwe, nit ninomaluk nogo at oba lenggenogo pereegerak.