Ala Unde 27:8 - Ala Wone Peenok Peebi Mbanak

⁸ Ndi, aap kumbuk mbanemenggerak nogo, Ndogop puurak, koonak nogo, awu wonage lek kenok, aap an Ala wo'niriyak nduk, kumbuk mbanemenggerak nogo wonok aap an neebe unde inowagam nogwe iinok, aap an neebe unde nen aap nogo maloppunuk, at kumbuk mbanemenggerak amendek wonage nogo mugurok mban onggo puwak nduk, yogo logowak o.

Ala Unde 27:8 ပူးပေါင်းရင်းမြစ်များ

2 Endagembogut 7:5

Togop aret yogo nogogwaarik, o kiip arikit nduk ambe ndonggo agan nage kagak, it aap Aram mendek inawooliya wuppunuk wonogwe me, nogogwaarak. Nogo nogogwaarik, time ineebe ambi wonogwe lek aret iyareegwaarak.

Yeremiya 5:7

Aliku ALA nen ari logonet, “O kota Yerutalem aagalogwe nen an mbo paninuk, it an kwak lek inagugi inendage kumbunuk, kumbuk mbanggwi, It inambi wogorage paga ndonggorogon nunggwi kwe, Aap nen akwe mbo punuk, ugun eerit nege menggi kwak, An mbo paninuk ugun eerit nugwi, Kumi terak eeginako menggam ninggiri unggwogwe, Eekwi me, An nen nonggop togon at omaluk ti, lek eerogo puurak mbake agaarik?

Ala Unde 12:8

Ndi, kwe nogo ndomba paga eeriyak wonage lek kenok ti, towe puume mbere ilik, towe kurona mbere a, pipuk eeppunuk, towe ambi warogo kani kuniyak ake wagangge, ambi omaluk lek eerogo punuk, nimbirak lambuniyak ake wagangge, eeke logomenggerik, wonok aap an neebe unde owagam pi nage kenok, at an neebe unde nen nggami aanggo wakwi kwak, nimbirak lambunik logowak nduk warogo wo'nege kenok, oba maluk aremenggerak nogo obeelom aret arigin, yegerak, yoret o,” yinuk, yoreegerak.

Ala Unde 27:7

Kumi-aap inanggok ndarak iigak tahun 60 ilik, tahun ambik eerak a, aap kenok, mbuti wu perak 15 pugwi, kumi kenok 10 pugwi, eeko logowak o.

Ala Unde 27:9

Aakumi nen inaanggo ambi Naliku ALA nake op wo'niriyak mendek, Yi Kaliku ALA kake o, yinuk, kumbuk mbanogo wo'niri wage kenok ti, Naliku ALA nake nggomoorogo panemenggerak me, ti paga ambi eeriyak lek mondok nake leenak aret logowak o.

Ala Unde 5:11

Ndi, amendek towe puume mbere ilik, towe kurona mbere a, wonage lek kenok, at maluk eeremenggerak nogo lek eerogo pikit nduk, an nake gandum anggen abu obeelom yigirik 2 liter negen aret pi woraawak o. At omaluk lek eerogo pikit nduk, nake puurak aret me, amburu obaga labungge, kani kunggwi iinok, obari abe kaga nogo obaga yumbunogo pege, eeriyak mage o.

Ala Unde 5:7

Togop eeriyak kwe, at maluk eeremenggerak onggo kambin-ndomba Naliku ALA wo'niriyak eebe lek kenok ti, omaluk lek eerogo pikit nen towe puume mbere ilik, towe kurona mbere a, wonok pi wage logomenggerik, towe ambi omaluk lek eerogo puwak nduk pugwi nogo mendek pege, ndi, towe ore nogo nake warogo kani kunuwak nduk pugwi nogo mendek pege, eeruwak o.

Marakut 14:7

It aap inamendek lek ti, kinom mondok logomunggup me, yi mendek ndi mendek wogoroorak mba'nuk, wogoroorak ti op aret kwe, an perak, kit ninom mondok logogin lek me, kwe yi, an ee'naburak iniki abu koombunuk ee'nakerak kagi o. An kambiminggirak ndoome mambaniyak me, awo mambanega'lek iigak, amburu obari abe mendek yi, kilippanegerak me, kwe yi, teppinip o.

2 Korindut 8:12

Ninamendek lek me, wogoga'lek kenok ti paga, Ala nen eebi ninombake menggerak lek o. Wonage kagak wogoga'lek kenok perak, eebi ninombake menggerak me, eebe wonage kenok wogogwi, “Wogorikit lak eebe lek me, ao,” mbakwi, ti imbirak wogogwi mban aret me, inikilom mbake menggerak.