Ala Unde 27:3 - Ala Wone Peenok Peebi Mbanak

³ onggo koonak an nawooliya wurik me wonage nogo mugurok mban pogo logowak o. Aap ndarak kagaktahun 20 nen nok tahun 60 eerak kenok, onggo mbuti wu perak 50 pugwi,

Ala Unde 27:3 ပူးပေါင်းရင်းမြစ်များ

2 Endagembogut 12:4

At Yowat nen it aap Ala unde nogo yorage logonet, “It aakumi ineenggi lingginogo inendage liiru mbanggo logonet, wu kuwak eekwi inom, Ndogop pigin o, yinuk, kumbuk mbanemenggaarak ndak-ndak pi wogwe inom, iniki nen, Pi na o, yinuk, pi wogwe inom, wu Ala ake leenak Aliku ALA awi wurik me pi wogwe nogo ti mendek abok aret

Wundeegwaarak 30:13

Nawooliya wuremenggenom onggo koonogo puurak 1 syikal ti, 20 gera aret me, it aakumi ineebe lingginogo inendage liiru mbanggwi inalitak abok aret wu mbuti perak paga ogobakkigirik setengah syikal ti, aaninggin ambiret kagak abu'me lombok 6 gram negen wakkagak Naliku ALA nake leenogo pogo logowak o.

Wundeegwaarak 38:24

O mage logowam wuko logonet, mbuti emas wundeegerak apit ti, “Mbuti emas yi, Kaliku ALA kake o,” yinuk, titik eerogo Aliku ALA ake pi wogogwaarak nogo Ala awooliya wuremenggam syikal onggo koonogo puurak nogo ndak-ndak aaninggin wakkogo logonet, 29 talenta inom, tujuh ratus tiga puluh syikal inom, ti paga wuko logonet, lambuk togon ineenggi lingginik ti, mbuti emas aaninggin seribu aret me, lek age,

Ala Unde 27:14

Aap ambi nen awi wurik paga Naliku ALA nake leenogo puurak mbake kenok, aap an neebe unde nen o wurik nogo maluk a, abe a, maloppege logomenggerik, o wurik ndak-ndak aret onggo koonogo punuk, aap ambi kuniyak mbake kenok, onggo koonak ti aret pege logowak o.

Ala Unde 27:25

Yi mendek ndi mendek an Ala wo'niriyak nogo ti, nawooliya wurik me onggo koonogo pugu ti, wu syikal ambiret ti, gera 20 aret me, nogo ndak-ndak aret onggo koonogo pogo logowak o.

Ala Unde 27:4

Ndi, kumi kenok, mbuti wu perak 30 pugwi,

Ala Unde 5:15

“Aap ambi nen, Yi Ala ake pugu, eenggo'lek me, yale-pale eerogo pege kenok ti, maluk aret me, an nawooliya wurik me onggo, Mbuti perak ndogop puurak o, yinuk, koonak wonage nogo ndak-ndak aret ndomba ngguunok awinde-obaande eerak lek amuni mbanak kenok Naliku ALA nake pugu lalenemenggerak nogo obaane'me pi woraawak o. Ti eeko logorak nogo ti, nake pugu lalenemenggerak nogo maluk aret me, maluk ti, aberak logokwak, lek eerogo pikit nduk, obaane'me pogo logorak ti aret.

Ala Unde 6:6

Wogoge logomenggerik, maluk eeremenggerak nogo, lek eerogo pikit nen onggo Naliku ALA nake wo'niri woroorak ti, aanggumi kambin-ndomba ngguunok ambi awinde-obaande eerak lek amuni mbanak, Onggo ndogop puurak, yugu nogo ndak-ndak aret wonok, aap an neebe unde wogori woraawak o.

Linggineegwaarak 18:16

Ndarak iigak, tut ambit penengge kenok, an nawooliya wurik me onggo, Ndogop puurak, koonak nogo ndak-ndak it inobaane'me onggo wu syikal mendek 5 aret pogo logowak o. Wu syikal ambit ti, aaninggin wakkogo logonet, wu 20 gera aret.

Linggineegwaarak 3:47

Ala awooliya wurik me syikal ambiret onggo puurak wone yugu ndak-ndak aaninggin wakkogo logonet, wu 20 gera aret me, ineebe dua ratus tujuh puluh tiga ambik agaarak obaane'me inalitak wu syikal 5 aret wagangge logot o.