Ala Unde 26:6 - Ala Wone Peenok Peebi Mbanak

⁶ Inale'nggen paga iname ugun obeelom logowak nduk, eeppiyaagin me, inagabiti mbaka'lek iniki ugun nogo yugun o. Ndi, ta'ngge anini warak mendek iname nen mugogo nappege, inom wim mbanak nogo wogwe iyo non mbanogo piige, eeke neegak,

Ala Unde 26:6 ပူးပေါင်းရင်းမြစ်များ

2 Endagembogut 2:24

Yogwe iigak, at Elita nogo ena logurogon pegiige logonet, at Aliku ALA endage paga pulunogo piige mbareegi, wam nggwiya negen beruang ineebe mbere eyonggaame nen nggigik togon wundi wogo logonet, wologwe-aabologwe ineebe 42 ineyak nibik-nobak eerogo piinet nogogwaarak.

1 Mbinineegwaarak 22:9

Peebi kat kaput aap ndaremenggendak nogo ti, aakumi iniki ugun nu'lek logowak nduk eerogo piiga aret logogin o. At inom wim mbanak enaagan-ambokan wonogwe nogo, at ineebi mbarugun lek inom lambunik logowak nduk, eerogo piyaagin o. At endage ti, Talomo aret. Ndi, at inowe endagembogut logonet, wone lengganogo yorage kagak aakumi Iterali mendek abok aret wone ambi inoba aga'lek iniki ugun tayenak aret logogun o.

2 Mbinineegwaarak 20:30

At Yotapat ogoba Ala nen at Yotapat iniki tayenak ugun logowak nduk, enaagan-ambokan awim wogwe iyo, non mbanogo piyareegerak me, at Yotapat abu'me piinok wonage menggim abolok lek obeelom aret wonagagerak.

Ayup 11:19

Kat nogo yege me, It ambi nen piyakkakwi lek ugun logonok nduk eeppagage, Eeke kenok, Aakumi ambik inale'nggen nen keyage wokkako logogun o.

Ndawi 144:14

Ninaanggumi lembu-tapi inabila nggween paga nikkenok nugu nagaatik, Aambiranogo piiga'lek obeelom mban ndaganakwi, Eeko logogun o. Ndi, ninawim nen ninawi paga kwi'nari unggwogwe, Ninookwi iinok, le yogwe nogo konenggwi, Eeka'lek Ninale'nggen paga mban wonogo logogun o.

Ndawi 147:14

At nen kiniki ugun tayenak logomunggup nduk, Kinawi paga obeelom eerogo pege, Ndonggorogon nonggo logomunggup nen Kinambi gandum abe kenok mban wokkirage, Eeke menggerak o.

Ndawi 29:11

Aliku ALA nen at apuri omaawi eeppiige, Iniki ugun tayenak logowak nduk, Aliku ALA ale'nggen inoba piige, Eeke menggerak o.

Ndawi 3:5

An nogo yikit nduk winnage, ti'nuk, neenik age, Eeke neegak, Kaliku ALA nen niniki eyak wappanege menggendak o.

Ndawi 4:8

Togop aret me, Kaliku ALA wae. Niniki ugun tayenak logokit nduk, Kat nen mban eeppanege menggendak me, Niniki ugun aret winna'nuk nogo yege logogin o.

Ndawi 85:8

At Aliku ALA nen, “An napuri nake leenak menggaarak nogo, Iniki ugun tayenak logowak nduk eeppiyaagin koonogo pigirak me, Iniki lek logonet, eerit nogo nogogwam iniyokan yungguninuk maluk eerit nagwaarik o,” Yinuk, an yo'nege nogo naruk konengge agarik o.

Wundeegwaarak 23:29

Wumbiyoorak yagarak ti, tahun ambit paga wumbiige neenok, nggween tenak aremenggerak paga yi mendek ndi mendek inigen mbolok kwi eyonggaame mendek nen inawi yagabit eekkola unggukwak nduk,

Kini Wuppiige 3:24

Kogut naga'lek kagak ugun winnage, Nogo nggaruk lek yippunuk, kale'nggen paga keenik age, Eeke logomunggun o.

Kini Wuppiige 6:22

Ti eeke keenok, wone ti nen nage keegak, tu nikkeren nage, Nogo yege keegak, karum wonage, Keenik age keenok, “Ndogop eeriyak,” yokkege, Eeke logogin o.

Yetaya 35:8

O time tu nggwok wonage logogin me, tu endage, “Aap Iniki Kikak Naka'lek Nogo Menggam,” yogo logogun o. It aakumi inabin koorak lek maluk eeko menggaarak kenok, tu ti paga nogo logogun lek o. Ata, it tu ti paga noorak uugwe mbakwi kenok mban nogwe, It aap iniki yuundurak kwe, tu kin aret me, kobak aga'lek nogwe, Eeko logogun o.

Yetaya 35:9

Tu ti paga singa inooriyak nduk nage, Wam nggwiya anini nen nibininabikit nduk nage, Eeko logogun lek me, It ti mendek ti, ambi iigo logogun lek o. It aap Ala nen inagap ndaremenggerak nogo mban tu ti paga wogwe,

Yetaya 45:7

O liingge wakkage, oonikiya wakkage, Obeelom eerogo piige, maluk eerogo piige, Eeke minggirak yi abok aret ti, Naliku ALA nen aret eeke minggirak o,” yinuk, yoge kagarak.

Yetaya 9:7

At wone lengganogo yorage logowam nggwok wiganinuk nage, Aakumi inom lambunik iniki ugun tayenak wonogwe nogo lek aga'lek kundugu wonage, Eeke logogin o. At Ndawut paga wiganak aret me, At wone lengganogo yorage menggim mi'na'nuk, At abu'me piige menggim wone lengganogo yorage logogin o. At obeelom mban eeppiinet nage, a'me nggelok mban inawone mbangge, Eeke logomenggerak paga At abu'me piige menggim akom kwippiige, Omaawi nu'lek eerogo pege, Eerogo pege kenok, Mondok-mondok aret logogin o. At Omaawi Lombok Menggerak Aliku ALA nen, “Mondok eerikit aret,” mbarit unggwage me, aret eeke logogin o.

Yeremiya 30:10

“Togop me, nayeloman Yakup paga ndarak ti, inagabiti mbakwi, Iterali paga wiganak ti, inaganak wakwi, Eerugwaarik o,” yinuk, Aliku ALA nen aret yegerak me, yokkiragi o. At Aliku ALA nen ari logonet, “It o nda wonogwe me nen inagap ndake, It Yakup paga wiganak mbo piya nogogwam nen wogoren wundi wage, Eerigin o. It Yakup mendek aa'nduk o abolok lek kagak iniki ugun tayenak wonogogwa kwak togop aret logogun o. Op wonogwe me, it ambi nen iniki ma'naruwak nduk, eeppiyaagun lek o.

Yeremiya 31:26

Ti ari mbaki, neenik age nagarik, “Nogo aberogon yigirak kagi,” mbakirak.

Yetikiyen 14:15

O time nggwiya nappiya woraminggirak elege-aabologwe nibininabit namenggaarak paga yi oone ndi oone lek age, ndi, nggwiya ti kenok, aakumi tu ti paga noorak inagabiti age, eeruwak nduk, nappiya woraminggirak aakumi nibininabit nugwi iigak,

Yetikiyen 14:17

Aakumi nen wooluwak wonok woraawak nduk, nappiya wage logonet, O yime kinawooluwak paga inoorogo piinet nanip o, yoraminggirak wonok nogwe iigak, an nen aakumi inom, inaanggumi inom, abu lek eerogo piinet nage logonet,

Yetikiyen 14:21

At Aliku Itok Menggerak ALA nen ari logonet, “Ti eeppiyoorak yagarak nogo ti, iya negen kwe, inomaluk onggo aaninggin alom 4 eeppiyoorak nogo ti, wooluwak paga nen, mbi noogelo paga nen, nggwiya anini warak paga nen, kugilingga paga nen, it Yerutalem wonogwe aap inom, inaanggumi inom, kambuwak nduk, inoba kwippiyaagin ti perak, abu iya o!

Yetikiyen 34:25

It nandomba ti, ninom lambunik logorak wone ninom koonogo pigin o. Ndi, o karume time iniki ugun tayenak wonogwe, eyonggaame ugun nogo yit nugwi, eeko logowak nduk, an nen mba'ngge inanini warak nogo, o nggween ti paga nen inenggaawak lek eerogo piyaagin o.

Yetikiyen 34:27

Mayu wuppi woraminggirak ti paga yi eyo ndi eyo ineyabume wonage nogo anggen yit nage, yi mendek ndi mendek nggween ti paga yaremenggaarak nogo ka'let eerogo pege, eerigin me, it nandomba ti, iniki ugun tayenak inanggween ti paga wonogo logogun o. Ndi, eyo aaninggin tapi uut paga pugu kalenogo pogo mengga kwak, it aaninggin inoba wonage nogo, lek eerogo piige logonet, it aakumi nen inayeloman eeppiinok wonogwe ineenggime nen wondet eerogo piige neenok, Naliku ALA an aret ineenu arugun o.

Yetikiyen 5:17

Mbi noogelo inoba nappi wage, inanini warak penaame menggaarak mendek inowagam nappi wage, eeke neenok, unggwi wogo logomenggaarik, inapuri ineebe lek eerogo nagun o. Kugilingga inoba kwippiige, inamiya ndoonit nawak nduk eeppiige, wooluwak paga inooruwak nduk nappiya wage, eerigin o, yinuk, Naliku ALA nen aret yagi,” yegerak me, yokkiragi o, yinuk, yoragagirak.

Oteya 2:18

Ne ti eyom paga ndiimbu-nggwiya o karume nugu menggaarak inom, Yi towe ndi towe wiga agan nugu menggaarak inom, Yi mendek ndi mendek inaanogum nggween mbaanggagak nugu menggaarak inom, nen At ineyak mbanggwi iyo, it ninom wone mbanigin o. Yigin inom, wooluwak inom, wim eekak inom, o time nen abok aret lek eerogo pigin me, It abok aret iniki ugun tayenak logonet nogo yogo logogun o.

Oteya 2:20

An nakwe aret me, niniki at paga mban aberak wonage neenok, At nen, Nogoba Aliku ALA aret o, yinuk, ari logogin o,” yinuk, yereegerak o.

Ala Unde 25:18

Yoge nagagerik, “Nggween an wogoraminggirak nogome logonet, iniki piirik lek tayenak obeelom lombok logowak nduk, an nen wone lengganogo yorage nogo mugurok nogwe, eeko logorak wone yugu nogo liirogon woppunuk, eerit nugwi, eeko logowak o.

Ala Unde 25:19

Liirogon eerit nugwi iinok, inanggween ti paga yi mendek ndi mendek yappunuk, anggen ndonggorogon nunggwi, iniki ugun obeelom tayenak wonogwe, eeko logowak o.

Ala Unde 26:22

Ndi, an nen yi mendek ndi mendek inanini wulo penaame mendek nappiya woraminggirak paga it Iterali inapurilogwe ndiniren penaame nibinogo nunggwi, inaanggumi lek eerogo tigippiigwi, ineebe ambitak mban me, iname time aakumi nobek lek logowak nduk, inoorit unggwogwe, eeko logogun o.

Ala Unde 26:25

Inomaluk onggo inoba kwippiige logonet, wone ninom abuk nggaruk togon mbaneegurak nogo taganogo pemenggaarak paga inom wim mbanak nogo nen inoorit woraawak nduk yonggo piige, Ninoorukwak o kota pak wurik me unggwi nawok o, yinuk, unggwi namenggaarak kwe, kugi lengga ineebe paga iyak wurogo punuk inom wim mbanak nen inoori woraawak nduk, wogorage, eeke logogin o.

Ala Unde 26:7

inom wim mbanak muguren inoorogo piinet nugu logonet,

Mika 4:4

Inalitik-inalitak inageyo anggur alome kwi'ndak wonogwe, Inageyo wuli alome iniki ugun tayenak wonogwe, Eekwi iigak, “Aap ambi nen inogut nggigik yuwak nduk, eeppiyaagin lek aret o,” yinuk, At Omaawi Lombok Menggerak Aliku ALA nen aret yegerak me, yagi o.

Tepaniya 3:13

It aakumi Iterali mendek eegu yumbunik wonogwe nogo nen maluk eekwi, Inoone pilit pugunggwi, Wone mbanggo logonet, inoone pilit ambi pugunogo yorogwe, Eeko logogun lek aret o. Ndomba iri'ngga nenok, iniki ugun nogo yege menggi kwak, it togop aret eerogo piyaagin me, Aakumi ambi nen mbaaninako logogun lek aret,” yegerak me, yokkiragi o.

Agayi 2:9

Nomaawi Lombok Minggirak Naliku ALA nen, An nawi aa'nduk wurik nogo ti, mbuuluk iya negen wurik wonagagerak kwe, yogondak wukwi yi perak, mondok iya lombok wuremenggaarak me, an nawi wurik me yime nen iniki ugun tayenak logowak nduk, eerogo piyaagin o, yinuk, Nomaawi Lombok Minggirak Naliku an ALA nen aret yagarak me yoret o,” yinuk, ari mbareegi, yoragagerak.

Takariya 9:10

At nen yi nggweendo ndi nggweendo o Eparayim wonage inom, Yi kuda ndi kuda wim eeka o kota Yerutalem wonage inom, lek eerogo pege, Yigin agale wurik mbanogo pege, Eeppunuk, Kiniki ugun ale'nggen mbako logonip o, yinuk, yi aakumi ndi aakumi yorage logogin o. At wone lengganogo yorage logowam wiganit niyo nggwok yenggenak laut ambi kuli nen nok, ambi kuli ari nage, Niyo Eparat nen nok, o nggween irip-irip ndak wa'narit nage, Eeke logogin o.

Yaya 14:27

Kiniki piirik logonet, kinagabiti yugup o. Kiniki ugun tayenak logobagip nduk, eeppinaganuk nage agarik o. It aakumi o nggween paga yime menggaarak nen inoreewi inogut limbiigo mengga kwak, an togop eeppinagage lek o. Ata, an niniki ugun tayenak minggirak nogo aret eeppinagage agarik o.

Nappiigak 12:6

At Keroret nen ko'lu awone amburu mbaniyak nduk at Peterut oonikiya mbuti keele eenggi peenok-peenok maarak nogo yege kagak, it aap yigin unde eeben peenok-peenok wonogwe, it ando tungga ambe paga arum wonogwe, eekwi iigak,

Oroma 5:1

Togop me, yogondak niniki at oba panggombunuk abet mbakwi paga at Ala nen, “Aap yi, oba lek o,” yinuk, obeelom agago pinaneegerak me, ninowe Yetut Keritut eereegerak paga ninikiigun tayenak Ala ninom kunik aret ogoorik o.