Nage nagagerik, Aliku ALA yoge kagak oone nggwok paga kani kunggak ogobakkigirik nogo, wone yoge logonet, “Kat kani kunggak yi wae. Kat kani kunggak yi wae. At Aliku ALA nen ari logonet, At Ndawut paga wiganak nen ombooluk wulaga endage Yotiya aret ndarigin o. Ndake kenok, it aap puut-puut alut eeko menggam unde wonogwe nen kat paga warogo kani kunggo menggaarak nogo, at nogo nen ineebe inoorogo kat paga kani kuninake, aakumi kambak inowak nenenak kunduk, kat paga mban kani kungge, eerigin o,” yinuk, yoreegerak.
Ala Unde 26:30 - Ala Wone Peenok Peebi Mbanak30 Ndi, puut paga inagugi aanggo warogo kani kunggo menggam lek eerogo pege, obari abe kaga nogo kani kunggo menggam eerak kalenak-pugunik eerogo pege, it ineebe kanggwi iinok, inagugiwak ogobakkigirik nogo imbirak lambunogo piige, ineebe peyak wurogo negen nambo'me piige, eeke logogin o. အခန်းကိုကြည့်ပါ။ |
Ala Unde 26:30
28 ပူးပေါင်းရင်းမြစ်များ
Ti'nuk, at Yotiya nen ena logurogon ni'nage nagagerik, puut irip pi nagagim aakumi kambeegwaarak nggween taambiyareegwam enegen kage nagagerik, “Inowak nenenak ti, pilanogo wonok woraanip o.” Yoragagerak wonok wogo mbareegwa, at Aliku ALA nen aap Ala wone liirogon eeka nogo yoge kagak, “Ndogop eekwi iyaamunggup o,” yinuk, yorage nagagerak ndak-ndak, “Ogole warak logowak o,” yinuk, it inagugi inake warogo wogorogo menggam nogo paga inowak nenenak nogo kani kuneegerak.
It aap puut-puut paga inagugi eeko menggam unde menggaarak nogo nen Aliku ALA ake warogo wogogo menggam o Yerutalem wonage nogo, ti paga aakumi inake eeko logolik kwe, oroti piiruwak nduk, ragi inom pega'lek worarak nogo inoreewi inom nonggo nogogwaarak me, at Yotiya nen it aap Ala unde o Yekura kota-kota wonogwe nogo, abok aret Yerutalem woraawak nduk, inayonggo piyareegerak ka wogo mbareegwa, it puut-puut inagugi inake warogo wogoragak nogo paga obari abe kaga mendek kani kunggo nogogwam o Nggeba nen nok, o Mberetiyeba kuli, “Ogole o,” yogo logowak nduk, maluk eerogo pege, ndi, o kota tu unggwogo menggam eenggi kwaarek pa'nggwe at kota unde endage tu, Yotuwa Unggwage Menggim, yogo nogogwam nogome, inagugi inake warogo wogoragak ogobakkigirik nogo, langgunogo pege, eereegerak.
Pogo nogogwaarik, it aakumi o time mendek abok aret kugi Mba'an awi wurik me nogo nogogwaarik, minogo pugwi, kugi Mba'an ake warogo wogogo menggam eerak nogo langgunogo pit nogwe, inagugiwak yigirik-noonom eerogo pugwi, ndi, aap kugi Mba'an unde Matan nogo, Mba'an ake warogo wogogo menggam eerak enaame taa'nogo warogo pugwi, eereegwaarak.
Ti abok aret eeppunuk, it Iterali mendek abok aret o Yerutalem wundi nogo nogogwaarik, it Yekura wonogo menggam o kota-kota Ala obaane'me inalut eekwi yugum paga inogut ogobakkigirik nogo yigirik-noonom eerogo pugwi, kugigwe Atitoret ageyo arelen yinik nogo kalenak-pugunik eerogo pugwi, eerit o Yekura wonogo menggam inom, Mbeniyamin wonogo menggam inom, Eparayim wonogo menggam inom, Manate wonogo menggam inom, abok aret puut-puut paga kugi eeko menggam eerak nogo minogo pugwi, inake warogo wogoragak ogobakkigirik nogo langgunogo pugwi, eerit nogogwaarak. Mondok lek eerogo pit nogo nogogwaarik, it Iterali mendek nogo it unde eeppatinuk wonogo menggam iname kota-kota lombok nogogwaarak.
It Yakup paga wiganak maluk eeko nogogwaarak paga Ala anini mbake nogo nini tayo ari, Ndi, inomaluk abet aret mbo pugwi iinok, anggen abe yi'nage menggi kwak yelok kogwe, Eeriyak nogo ti, Inagugi alut eeko menggam yugum paga ogobakkigirik nogo kwi yigirogo pogo mengga kwak yigirogo pugwi, Inagugigwe Atiyera ageyo arelen yinik nogo mbanogo pugwi, Obari abe kaga kani kunggo menggam ogobakkigirik nogo yigirogo pugwi, Eeriyak nogo ti aret.
Kaliku ALA wae. It aakumi Yekura mendek abu mbo piige, It Tiyon mendek mondok keebi inombake, Eeke agandik? Nit obeelom ee'ninaburak meek andi mban kogo logowok nduk, nonggop nduk andi-pandi eerogo pinanege agandik? Niniki ugun tayenak logowok mbakoorak kwe, obeelom eerogo pinaniyak ambi ari waga'lek wonage, Andi-pandi ee'ninake nogo lek eerogo pinanuwak lak, ao, mbakwi kwe, ninamineeri ne agan noorak mban ee'ninake, Eeke agaarik o.
Inagugi ogut inoone yogolik ogole warak mendek an nanggween paga time pi unggwogogwaarak paga nanggween enete maluk eerogo pugwi, an neyate negen nanggween time eekulik mendek kagak eerit nugu logonet, o time inagugiwak mban yagabit eerogo pit nogwe, eekaarak paga inobaabut maluk lombok logonet, maluk eerit nugwi onggo aaninggin ne ambi inoba piinok, ne ambi inom aret nduguk togon inoba kwippiyaagin,” yegerak o.
At inom iniki kunik nogo ineenggime piige neenok, it nen at nggween pit lagi nanuk, kugi awi wurogo pereegerak nogo minogo pugwi, agugi aanggo warogo wogoge menggim tiyarogon wurik nogo, lek eerogo pugwi, ayum yirik nogo nggoorogo mbo pugwi, obaanggi-obaangge abu abe eerak nogo ko'nok ndi yogwe, eeko logonet, amendek lek we agap mbelenak aret mbo pugun o.
Konengge neegak, at nen an yo'nege logonet, “Aakumi nen ndarak yi wae. An wone lengganogo yorage, niyok punuk wonage, eeke logowam ti, yime aret o. Aakumi Iterali inenggela'me an mondok-mondok logowam yi aret me, it Iterali mendek inom, inoweewi inendagembogut inom, nogo nen kwe ogonggelo mbo punuk, aap alik inom eerit nage menggi kwak, an wonage neegak mbo paninuk alik mugurok nogwe, it inoweewi inendagembogut inabiruwak puut-puut paga yinik nogo inayuk wurit nogwe, eekwi paga nendage abu abe alik leenak maluk eerogo pogo nogogwaarak nogo ambinom eerogo pogo logogun lek o.
Yi puut ndi puut tiyarogon paga inom, puut-puut nggorek kirin paga inom, yi eyo ndi eyo engga wiganak alome inom, eyo teno eno'mbak yiganak-wiganak eerak alome inom, it obari abe kaga inagugi inake kani kunggo menggam abok aret inapuri inoorak inagugi ake warogo wogogo menggam enaagan-ambokan ngginnarit namenggaarak wonogwe iinok, Naliku ALA an aret ineenu arugun o.
It ti, inoone abe yogwe kwe, iniki alik koombunuk yogwe me, It maluk eekwi onggo inobaalombok aret nggelenogo pako agaarik o. It inayuk wukwi inake warogo wogoragak ogobakkigirogo pit nogogwaarak nogo, Aliku ALA nen yinik-minik eerogo pit nage, inagugiwak ogobakkigirogo mippit nogogwaarak nogo, yigirik-noonom eerogo pit nage, Eerigin o.
At Aliku Itok Menggerak ALA owak mbanggolage logonet, Omaawi Lombok Menggerak Aliku Ala nen yegerak nogo yi aret. “It Yakup mendek iniki wogoppakwi nogo ogole mbake, Yugum pak wurik me, inarum logorak inawi wurik nogo neebi lombok mbake, Eeke me, O kota yi inom, yi mendek ndi mendek o kota wonage inom, abok aret inawim ineenggime piyaagin o,” yinuk, yegerak o.
Aaninggin inoba kwippiige logonet, it Itak paga wiganak nen puut-puut paga warogo wogorogo menggam nogome abok aret yigirik-noonom eerogo pege, It Iterali inagugi ayuk wurit nogo menggam alik leenak wonage nogo minogo pit nage, Eeke logonet, At aap endagembogut Yerobeyam paga wiganak kunduk, nawooluwak paga nggaluk nawak nduk, mi'narigin o,” yinuk, an yo'nege kagagirak.
ကြော်ငြာတွေ