Ala Unde 26:18 - Ala Wone Peenok Peebi Mbanak

¹⁸ Togop eeppiyamenggaarak kwe, it Iterali an noone liirogon konengga'lek mban wonogwe iinok ti, inomaluk onggo aaninggin ne 7 kuli aret inoba kwippiige logogin o.

Ala Unde 26:18 ပူးပေါင်းရင်းမြစ်များ

Ndawi 119:164

Aakumi a'me nggelok mban eeppiige menggendak me, O ambit weege paga ne 7 kuli kat tiyappagage minggirak o.

Kini Wuppiige 24:16

Aap iniki abe koonak nogo ne 7 kuli maluk oba aremenggerak kwe, obaane'me op age kagak, It aap maluk mendek perak, aaninggin inoba aremenggerak nogo obeelom aga'lek itok aret wonage menggerak.

Yetaya 5:25

Togop aret me, Aliku ALA apuri eekwi paga anini nen mi'nage logonet inooke, Puut-puut ndipuk eeke logonet, inambebuk tu paga yumbunik-telenak eerogo pogo mengga kwak, Aakumi inowak nogo togop eerogo pege, Eeremenggerak kwe kagak, Ala anini mi'naremenggerak nogo lek arigin lek wonage aret logogin o.

Yeremiya 14:4

It inanggween paga o mayu waga'lek kenok, nggween ya'lek-ndi'nduk eerogo pit nagaarak paga It yi mendek ndi mendek awi yaka nen, Nonggop eeruwi o? yinuk, iniki wakkologo logonet, Inayum inanobak paga lenggembatinuk wonogo agaarik o.

Ndaniyen 3:19

Yogo mbareegwa, at aap endagembogut Nebukanetat nogo aap Tarerak, Metak, Abe'nego it paga anini mondok alik negen mi'nage, enete aagi alik negen eerogo pege, eeke logonet, kani kunik omoonuk mbuuluk kogo menggaarak kwe, kani omoonuk kogolik abu alik negen we ne ambit wunuk togon nengge menggim time mbo mambiyaawak nduk yoragagerak.

Ala Unde 26:21

It inogogumbuk a'nuk yorage nogo koneniyak ineebi nombakwi mban wonogwe iinok, inomaluk eekwi nogo onggo ndak-ndak aret andi-pandi ne 7 kuli aret inoba wuppi wage logogin o.

Ala Unde 26:24

an kunduk nogogumbuk a'nuk inomaluk onggo ne 7 kuli aret aaninggin inoba kwippiige logogin o.

Ala Unde 26:28

an kunduk, nogogumbuk a'nuk nanini nen inomaluk onggo ne 7 kuli aret aaninggin inoba kwippiige logogin o.

1 Tamuwen 2:5

It aa'nduk mbi ndonggorogon nonggo nogogwaarak nogo, Mbi abu nen yabu kwaakwi, Ndi, it aa'nduk mbi abu wonogogwaarak nogo, Yogondak inambi ndonggorogon nunggwi, Eeko agaarik o. Kwe aa'nduk wubili wonagagerak nogo, Yogondak aagalogwe 7 ndaganake kagak kwe, At aa'nduk aagalogwe apit ndaganake nagagerak nogo, Yogondak elege ndake menggim nggilit agaarak wonage o.