Ala Unde 26:11 - Ala Wone Peenok Peebi Mbanak

¹¹ Aap yi, abu neebi o, yinuk, nawoori piiga'lek inenggela'me aret wonage logonet,

Ala Unde 26:11 ပူးပေါင်းရင်းမြစ်များ

1 Endagembogut 6:13

Eeppagage logonet, an napuri aakumi Iterali mendek nogo mbo piinok mbaganigin lek inenggela'me ninom aret logogin o,” yinuk, yoreegerak.

1 Endagembogut 8:13

kat kawi wurik me mondok-mondok logonok nduk, kake kawi abu abe alik negen aret wurogo pagagirak yi ket o,” yinuk, yoreegerak.

1 Endagembogut 8:27

Togop aret kwe, kat Ala o nggween paga yime logorak op mbaken? O mbogut paga inom, mbogut irimbaga kunduk inom, abok aret ti nggwok aret wonage kwe, kat logorak endak lek me, kat logorak kawi wurogo pagagirak yi ti, abunuk mbuuluk aret o.

Ndawi 106:40

At apuri togop aret eereegwaarak paga Aliku ALA anini kani kunik negen mi'nage, Eyate kwak at lombok apuri aret kwe, Peyak wurik kwak eerogo piige,

Ndawi 76:2

At awooliya wurik ti, kota Talem wonage, Ndi, at wonage menggim ti, puut Tiyon wonage, Eeke menggerak o.

Ndawi 78:59

Ti eekwi nogo Ala enegen iige nagagerik, anini mi'nage, It aakumi Iterali nogo abu mbo piige,

Wundeegwaarak 25:8

an logowam nake wukwi iinok, an it ninom aret logogin o.

Wundeegwaarak 29:45

Eerogo piige logominggirik, an aakumi Iterali inenggela'me wonage, ndi, an nen inogoba Ala aret age, eeke logogin o.

Wundeegwaarak 29:46

Inenggela'me wonage neenok, it nen, At Aliku ninogoba Ala nogo ninenggela'me logokit nduk, o Metit nen wo'niren wundi wagagerak kogo o, yinuk, ineenu arugun o. Naliku inogoba Ala an nen aret yagi o,” yinuk, yoreegerak.

Yeremiya 14:21

Kat kendage obeelom wonage nogo maluk arukwak, Neebi o, yinuk, mbo pinanege, Kat wone lengganogo yorage menggenom abu tiyanak nogo kambot ege, Eeriyak mage o. Ata, ninom wone koonogo pereegindak nogo lek eerogo pega'lek kiniki aberak logot o.

Leendawi 2:7

Inogoba Ala nen at ake warogo kani kunggak ogobakkigirik nogo mbo pege, At awi wurik alik leenak nogo mbo punuk nage, O Tiyon oweewi inendagembogut inawi o nggwok abe wurik nogo, yigirik-noonom eerogo puwak nduk, awim ineenggime pege, Eereegerak me, Iterali inale'nggen paga laago lariyak koonak nogo lako logonet, inale'nggen nen keekok piyanggogo mengga kwak awim nen Aliku ALA awi wurik me unggunuk logonet keekok piyanggogogwaarak.

Yowen 2:27

Ti eeke neenok, an it Iterali mendek inenggela'me wonage, Ndi, inogoba alik ambi wonage lek inogoba Naliku Ala nalik aret wonage, Eeke nogo ineenu arugun o. It an napuri ti, ambinom inenggali mbakak nugu logogun mondok lek o,” yinuk, yegerak me, yokkiragi o.

Ala Unde 20:23

It o unde logowak nduk an nen yi aakumi ndi aakumi o time menggaarak mugogo wumbiya nawam nogome mendek nen wone eeriyak mage yagarak nogo eerit nogwe iinok, an abu neebi inombake minggirak me, it eerit nogo menggaarak nogo it Iterali nen mugurok noorak mage o.

Ala Unde 26:15

wone lengganogo yorage nogo meek eerogo pugwi, eeko logorak wone yorage nogo, Nineebi o, yinuk, peyak wurogo negen mbo pugwi, wone, yogop ee'nu ndogop ee'nu, yorage yi abok aret liirogon eeka'lek logonet, wone ninom nggaruk togon mbaneegurak nogo taganogo pugwi, eekwi iinok,

Ala Unde 26:43

Togop eerigin aret kwe, an nen eeko logorak wone yorage nogo meek mbakwi, ndi, wone lengganogo yoragagirak nogo eeriyak, Nineebi o, yinuk, noone taganggwi, eeremenggaarak nogo ti, maluk aret me, piya woroorak torinake logonet, inanggween nogo lubungge kagak, yi tahun ndi tahun yi mendek ndi mendek yaka'lek ineebe lek o wogo aret teppuwak nduk, eeppiyaagin o.

Ala Unde 26:44

Togop aret eeppiyaminggirak kwe, it aap inom wim mbanak inanggween paga wonogwe iigak, an ninom wone abuk nggaruk togon mbaneegirak nogo lek eerogo pukwak me, an nen mbo piige, Aakumi yi, abu neebi o, yinuk, ineebe apit aret lek eerogo piige, eerigin lek o. An Naliku inogoba Ala nen aret yagi o.

Takariya 11:8

Wogoren nege logonet, tut ambi owak eerogo punuk, ambi penenak paga it ndomba ndegeninaka ineebe kenagan nogo wumbiyareegirak. Wumbiige mbareegi, it ndomba nogo nen an pe'neyoorak ineebi nombakwi iige nagagirik, ambinom ndegeninaburak anggon ee'nake kenok,

Epetut 2:22

kit togon, Ala eebe negen Aberiniki kinom logobagip nduk, kit kineebe nogo waganogo Keritut oba panggombinaganuk, at awi negen aret wukkolage agaarik o.

Pelaareegerak 32:19

Aliku ALA nen kinapuri wologwe-komologwe togop eerit nugwi enegen iinok, Anini mi'nage nagagerik, mbo piinok,

Yotuwa 22:19

Kit kinanggween ti, maluk agaarak wonage kenok, o at Aliku ALA nen leenogo pateegim awooliya wurik wonage niyo yibagan yime ninom logowok nduk, wunda woraamunggup o. At Aliku ninogoba Ala ake warogo wogogo menggam muk yime ogobakkigirik wonage kagak, nit kineebi ninombakwi, ndi at Aliku ALA kineebi ombakwi, eeko logonet, kit kinake alik ambi inom ogobakkigirogo patiyak ti mage o.

Yotuwa 22:31

Mbako nogogwaarik, Eleyatat aput Pinekat nogo nen it Uruben mendek inom, Nggat mendek inom, Manate mendek inom, yorage logonet, “Yogondak nen at Aliku ALA ninom aret wonage nogo nineenu aga o. Kit nen, Aliku ALA nineebi o, yinuk, alik ambi eerulik, op aret eekotak me, at Aliku ALA nen aaninggin mendek nit Iterali ninoba pinaniyak agaarak kwe, ninagap ndakop o,” yinuk, yoragagerak.

Wayu 21:3

Wambi wage mbaki, wone lengganogo yorage menggim time nen oone nggwok ambi ari logonet, “Ala at apuri inenggela'me logowam nogome logokit nduk, eebe wambi wage ti, kaanip o. At eebe nogo apuri inom logonet, it nen, Kat ninogoba Ala aret o, yinuk, yogwi, ndi, at nen, Kit an napuri aret o, yinuk, yorage, eeko logogun o.

Wayu 7:15

Wone lengganogo yorage menggim Ala enggaanom time logonet, Ko'lu-kii'me Ala awi wurik me ake eekwi iigak, At wone lengganogo yorage menggim eyo ndoonak paga kwi'ndak wonage ninogoba Ala nogo nen maluk inoba age kero, abu'me piirogo wonage agaarik o.