Ala Unde 24:5 - Ala Wone Peenok Peebi Mbanak

⁵ Yoge nagagerik, “It aap an neebe unde nen gandum anggen abu obeelom yigirik aaninggin 12 wakkagak waganogo oroti 12 longgo warogo worappunuk,

Ala Unde 24:5 ပူးပေါင်းရင်းမြစ်များ

1 Endagembogut 18:31

at Aliku ALA nen, “Kat kendage Iterali aret yokkogo logogun o,” yoreegerak aap Yakup apuri inanebunu ndak-ndak yugum 12 waganogo

1 Mbinineegwaarak 23:29

eyo ndoonak paga puurak oroti worarak inom, Ala ake puurak gandum yigirik inom, oroti piike menggerak pugu lek worariyak nduk, amok mbanggwi, mande negen worakwi, mbuuluk a, nggwok a, worakwi, eeko logowak nduk, unde wonogwe,

1 Mbinineegwaarak 9:32

it inoweewi aap Kekat mendek nen nogo 6 yippunuk, ne 7 yonggonggologwe paga mban oroti eyo ndoonak nogo paga pogo logorak nogo pipuk eerogo pogo logowak nduk, ineyabu unde eeppiigwi, eereegwaarak.

2 Mbinineegwaarak 13:11

Kubondendok inom, kiyoma inom, Aliku ALA ake warogo kani kunggwi, obari abe kaga nogo kani kunggwi, eyo ndoonak ake nggomoorak nogo paga Ala wonage mbaruwak nduk oroti koonogo pugwi, ndi owak mbuti emas paga ogobakkigirik nogo ko'lu-kii'me o kiyoma age kenok wuninogo pugwi, eeko menggaarak me, at Aliku ninogoba Ala nen, Eeko logonip o, yo'niragagerak nogo nit aret liirogon eeko monggoorak kwe, kit perak, at mbo pogotak nogo o.

Nekemiya 10:34

Nit aap Ala unde inom, aap Lewi mendek inom, aakumi ugun mendek inom, abok aret nen eeko logorak wone yugu liiru mbanak wonage nogo ndak-ndak, tahun ambi eekak paga, Ne ndi paga it aap inanebunu ndi mendek nen ninogoba awi wurik me ake warogo kani kunggak yuurak ake kani wonok pi wogo logorak nogo, yugum paga wakkagak eekwi,

Wundeegwaarak 25:30

eyo ndooniyak nogo an naloobut mbanumonggo'nom eraanu time punuk, oroti worarogo an nake pi wogo logowak, yegerak, yoret o,” yinuk, yoreegerak.

Wundeegwaarak 39:36

oroti pegak eyo ndoonak inom, ti paga eekak yi mendek ndi mendek inom, Ala eebe wonage mbaruwak nduk, oroti inom,

Wundeegwaarak 40:4

eyo oroti pegak ndoonak nogo pi unggwage logomenggendik, ti paga eekak yuurak yi mendek ndi mendek nogo koonogo obaga pege, eeke logomenggendik, ndi eebe pi unggwage, ndi eno'mbak koonogo kwippit nage,

Linggineegwaarak 4:7

An neebe wonage me nduk, oroti nake pugwi eyo ndoonak nogo paga oroti wonage kagak yum maa'ngga amu kunik ndoonogo punuk, pirin-pirin inom, niyo kombet waka inom, togolowak amburu tookak inom, nake amburu kilirogo puurak togolowak inom, at paga eerogo punuk,

Matiyut 12:4

At Ndawut nogo nen Ala awi wurik me unggwage nagagerik, roti Ala ake pugu nogo, at kunduk, at inom nogogwaarak nogo kunduk, Noorak lek, Ala unde inalik mban nonggo logorak yugu kagak aret nunggugwaarak o.

Nappiigak 26:7

Wokkiraagin o, yinuk, wone abuk nggaruk togon yoragagerak nogo nit Yakuri ninanebunu 12 nen, Wo'niraagin, ao! yinuk, mbako logonet, liingge nen, oonikiya nen, niniki abe paga, Ala alut eeko monggoorak nogo o. An togon wone ti, niniki lunik minggirak ti paga it Yakuri nen nooruwok nduk, noba lenggenggaarak me, nogoba o!

Iberani 9:2

Ala unde nen eeko logowam ooliya negen wuko logonet, ko mbere ogooreegwaarak. Ko endekenggwe ogoorak ti, “Mage Menggim,” yogo nogogwaarak me, ndi wuninogo pegak ogobakkigirik inom, roti Ala ake pogo nogogwaarak eyo ndoonak inom, time aret wonagagerak.

Yakobut 1:1

Kit Yakuri kinanebunu 12 mendek yi o ndi o mbaganit nogogutak nogo, an Yakobut nen ninogoba Ala ninowe Yetut Keritut imbirak inayeloman logonet, keyage wappinagagi o.

1 Tamuwen 21:6

Yoge mbareegi, at Ala unde nogo nen oroti Aliku ALA wonage mbaruwak nduk, ake kii'me pugu leenak Aliku ALA awooliya wurik me enggaanom paga wonage nogo, waganogo alik me pege nagaatik, oroti ngget worarak obaane'me pege menggerak me, oroti wee'lek mendek lek kenok, kii'me alik me pugu nogo aret waganogo Ndawut wogoreegerak.

1 Tamuwen 21:7

At Tawun aanggumi ndegeninako menggaarak inowe Tawun awot endage Ndowek awi Erom mendek nogo nen ambi eeriyak nduk, Aliku ALA awooliya wurik me nagagerak ti eyom paga time aret wonagagerak.