Ala Unde 24:1 - Ala Wone Peenok Peebi Mbanak

¹ At Aliku ALA nen Muta yoge logonet,

Ala Unde 24:1 ပူးပေါင်းရင်းမြစ်များ

Wundeegwaarak 27:20

Yoge nagagerik, ambinom yoge logonet, “Ndi mondok wuninik eya mban logowak nduk, aakumi Iterali nen eyo tayitun anggen amburu obeelom lombok aambiranogo kiri woraawak nen yoraamunggun o.

Ala Unde 23:44

Yoge mbareegi, aakumi Iterali netik-netak laago lako logowak nduk, at Aliku ALA nen yoreegerak nogo Muta nen aakumi Iterali yoragagerak.

Ala Unde 24:2

“Aakumi Iterali wone lengganogo yoroorak nogo yi aret. Nawooliya wurik me ndi anobak 7 nogo alom mbuti emas at mendek paga mban ogobakkigirik ninggirik kwi'ndak Naliku ALA nenggaanom paga wonage nogo, wunuk ari mban logowak nduk, ko'lu-kii'me koonogo pogo logorak me, it aakumi Iterali nen eyo tayitun anggen aambiranogo amburu abe kenok wonok pi wogwe iinok, at Karun nen wonok an ninom lambungge minggim nawooliya wurik me wone yugu yonggolak wonage nogo yum tugunik aken nggwe wonage kagak, endekem nggwe ndi alom kwi'ndak Naliku ALA nenggaanom paga taati wonage nogo, kiyoma nen kuubondendok ari nage kagak, wunuk ari logowak nduk koonogo pege logowak o. Ti eeko logorak ti, it inom, inapuri-inombowologwe nda'narit nogo logogun inom, nen mondok aret eeko logowak, yegerak, yoret o,” yinuk, yoreegerak.

Linggineegwaarak 4:16

Ndi wuniniyak yigani inom, obari abe kaga inom, anggen yigirik pogo menggaarak nake pugu inom, aap mippiigo logonet amburu eeppiiga inom, nogo ti, aap an neebe unde Karun aput Eleyatat nen aret unde logowak o. At nen mban Ala awooliya wurik inom, mage menggim yi mendek ndi mendek inikime wonage nogo inom, yi mendek ndi mendek eekak alik leenak inom, abok aret unde logowak o,” yinuk, yoragagerak.

Linggineegwaarak 8:2

“Aap Karun nen ndi eno'mbak 7 nogo, wuninogo pegak ogobakkigirik irip paga kumbit nage kenok, eya enaame nggwe eerogo nappege logowak nduk, ena koonogo pit noorak yoru o.”