Ala Unde 22:2 - Ala Wone Peenok Peebi Mbanak

² “Naliku ALA an aret me, an nendage abu obeelom alik leenak nogo maluk eerogo pukwak, it aakumi Iterali nen yi mendek ndi mendek an nake leenogo pani wogwe nogo ayuk warak eerogo liippunuk nake pogo logowak nduk, Karun apuri inom yoraanu o.

Ala Unde 22:2 ပူးပေါင်းရင်းမြစ်များ

Etara 8:28

Eeke nagagirik, it yorage logonet, “Kit kineebe inom, yi mendek ndi mendek ogobakkigirik yi inom, Aliku ALA ake leenak aret o. Ndi, mbuti emas-perak yi, aakumi iniki nen onggo lek we aret at kinombomini inogoba Aliku Ala ake pegaarak me,

Wundeegwaarak 13:12

kit apit aret kinapuri aap manggu nda'nogwe iinok, kinaanggumi anebunu lombok abok aret inaagalogwe iyaalok ngguunok nda'nogwe iinok, ti at Aliku ALA amendek me, at ake aret leenogo piigo logomunggup o.

Wundeegwaarak 28:38

Meeli tabak negen nogo ti, Karun enggaawak paga pugunogo pemenggerak wonage me, aakumi Iterali maluk eeppunuk, nano mendek leenogo nake wo'niri wogwe iinok, at Karun nen owak loonogo Naliku an ALA wo'nege kenok, wagangge logokit nduk, mondok-mondok enggaawak paga pugunik aret logowak o.

Yetaya 52:11

Wundi woraanip o. Wundi woraanip o. O time nen wundi woraanip o. Maluk mendek ambi kineenggime lek wundi wogwe, Aliku ALA awi wurik me yi mendek ndi mendek eekak wonok wogwe nogo Kinoba mbeenogo patinuk wonok wundi wogwe, Eeko logonip o.

Yetikiyen 44:8

An namindik-namendek abu alik leenak nogo unde logorak it aret kwe, unde wonaga'lek logonet, nawi wurik me eeko logorak aap alik eeko logowak nduk, mippiigwi, eereegwaarak,” yegerak o.

Ala Unde 15:31

Togop aret me, it aakumi Iterali ti, nawooliya wurik inenggela'me wonage me time maluk eerogo pugwi iinok, ineebe maluk eekkologo logomenggaarik, kambukwak me, wone yugu taganogo punuk eeremenggaarak paga ineebe maluk ogwe iyo, liippunuk, eeko logowak o,” yinuk, yoragagerak.

Ala Unde 18:21

Naliku ALA an aret me, inogoba Ala an nendage miyuk-meya eerogo panukwak, kugi Molok ayuk wuko logonet, at ake warogo kani kunuwak nduk, inapurilogwe wogoriyak mage o.

Ala Unde 19:12

Naliku ALA an aret me, inogoba Ala an nendage yuurak mage yugu nogo meek eerogo pukwak, pilit yogo logonet, nendage kunogo kumbuk mbaniyak mage o.

Ala Unde 22:1

At Aliku ALA nen Muta yoge logonet,

Ala Unde 22:32

Naliku ALA an aret me, it aakumi Iterali nen an kikak nakeelik abu obeelom leenak neyaawak nduk, nendage abu obeelom alik leenak wonage nogo, kit nen miyuk-meya eerogo puurak mage o. Kit kikak naka'lek obeelom logobagip nduk, leenogo pinagage,

Linggineegwaarak 18:32

It aakumi Iterali mendek an nake leenogo punuk, pi woramenggaarak nogo, it Lewi nen abu obeelom kero, nake leenogo wo'nugwi iinok, wone yugu taganogo pugwi, it Iterali nake leenogo pi wagaarak nogo maluk eerogo pugwi, it kanggwi, eerugun lek, yegerak, yoret o,” yinuk, yoreegerak.

Pelaareegerak 15:19

Yorage nagagerik, ambi yorage logonet, “Kinaanggo tapi aagaluk iyaalok nda'nage kenok, yabu eekak yuurak nduk, punogo pugwi, ndomba aagaluk iyaalok nda'nage kenok, eeruwak mbanogo pugwi, eeriyak mage o. Ata, kinaanggumi lembu-tapi inom, kambin-ndomba inom, inenggela'me ndugum nen aagaluk iyaalok ngguunok ndake kenok, Aliku kinogoba Ala ake leenogo pogo logomunggup o.