Ala Unde 20:8 - Ala Wone Peenok Peebi Mbanak

⁸ It kikak naka'lek abu obeelom logowak nduk leenogo piige nogo ti, Naliku ALA an aret me, wone lengganogo yorage nogo nggirik-nggerok porogo logonet, eerit nogo logowak o.

Ala Unde 20:8 ပူးပေါင်းရင်းမြစ်များ

Wundeegwaarak 31:13

“Aakumi Iterali yoroorak nogo yi aret. Nogo 6 yippunuk ko'lu paga ti, an nake leenogo pateegirak me, it nen mondok liirogon abeko logonet, nayuk wuko logowak o. Togop aret me, it leenogo piige minggirak Naliku an ALA aret ineenu ogo logowak nduk, an inom, it inom, inapuri ndaganabit wundi namenggaarak inom, wone ti, aberak logonet, nayuk wukwi paga it ninom niniki kunik wonogwe neenu arigin o.

Yetikiyen 20:12

Naliku ALA an nen aret it leenogo piyareegirak nogo ineenu ogwe, wone ninom yereegurak nogo abekwi, eeko logowak nduk, ineenu agak nogo 6 yippunuk, nogo 7 paga yonggonggologo logorak wone nogo kunduk yoragagirak.

Yetikiyen 37:28

An nalut eeko menggam alik leenak nogo, it inenggela'me mondok-mondok wonage kenok, yi aakumi ndi aakumi nen Naliku ALA an nen aret it Iterali napuri logowak nduk leenogo piyareegirak nogo, ineenu arugun, yegerak, yoraamunggun o,” yinuk, an yo'nereegerak.

Ala Unde 19:19

Wone lengganogo yorage nogo ti, porogo logonet, liirogon eerit nogo logowak o. Wam nen nggeewo imbirak lambumbiigulik kagak, anebunu ambi nen anebunu alik ambi imbirak lambumbiigwi, yabu ambit wogo paga anggen awi alitak mendek kagak, imbirak lambunogo yakwi, ndi, ligi awut ero alitak mendek kagak, yum ambit yugwi, eeko logorak mage o.

Ala Unde 19:37

Naliku ALA an aret me, wone lengganogo yorage nogo inom, eeko logorak wone yorage nogo inom, abok aret porogo logonet, liirogon eerit nogo logowak, yegerak, yoret o,” yinuk, yoreegerak.

Ala Unde 20:26

It an napuri lombok logowak nduk, an kikak nakeelik abu obeelom Naliku an ALA nogo nen yi aakumi ndi aakumi iigak, it Iterali mban leenogo piyareegirak me, it an nake leenak aret logowak o.

Ala Unde 21:8

Aap an neebe unde nogo ti, yi mendek ndi mendek, Yi ninogoba Ala kake o, yinuk, wo'nugwi, ndi, Naliku ALA nen it kikak naka'lek abu obeelom logowak nduk leenogo piige minggirak an nogo, niniki kikak nakeelik obeelom mban wonage, eeko monggoorak me, it aap an neebe unde ti, Abu obeelom Ala ake leenak menggaarak, inombako logowak o.

Ala Unde 22:32

Naliku ALA an aret me, it aakumi Iterali nen an kikak nakeelik abu obeelom leenak neyaawak nduk, nendage abu obeelom alik leenak wonage nogo, kit nen miyuk-meya eerogo puurak mage o. Kit kikak naka'lek obeelom logobagip nduk, leenogo pinagage,

Matiyut 12:50

Yi aap ndi aap an nogoba mbogut paga mendek iniki mbake ndak-ndak eeko menggaarak kenok ti, nagalo-nawurilogwe it aret o,” yinuk, yoragagerak.

Matiyut 23:17

Kiniki lek kinigen mbuk yi, kit nen mbuti emas iya ilik, mbuti emas Ala awi wurik me pi unggwogwe paga Ala ake leennage menggerak me, awi wurik ti, iya a?

Matiyut 5:19

Ala nen, Yogop ee'nu, ndogop ee'nu, yereegerak wone nogo, aap ambi nen, Yi mbuuluk me, iya lek o, yinuk, taganogo punuk, wone alik mamunirage kenok, aap ti, at mbogut paga mendek abu'me piige menggim at endage abu lek tebenak aret logogin o. Ndi, aap ambi nen wone ti, woppunuk, liirogon eerit nage, ndi, liirogon mamunirage, eeke kenok perak, at mbogut paga mendek abu'me piige menggim endage warak mondok tiyanak aret logogin o.

Matiyut 7:24

Yorage nagagerik, ambinom yorage logonet, “Yi aap ndi aap an noone inaruk konembunuk, liirogon eeko menggaarak ti, aap iniki warak nen awi yugum paga wureegerak nogo pogom it aret.

Yaya 13:17

An wone yokkirage yi nogo kineenu ogo logomonggotik, eeko logomunggup kenok, kiniki ale'nggen ambik kogo logomunggup o.

1 Korindut 1:30

Ti kenok, at Ala nen Keritut Yetut ninom kunogo pinaneegerak me, ninom kunik logonet, at Keritut eereegerak paga yi wone ndi wone nineenu eeppinanege agaarik o. Niniki obeelom eerogo pinanege, Ala apuri at ake logowok nduk, leenogo pinanege, ndi, nit keele maarak negen wonogogurak nogo, ninonggo mbanogo punuk, wondet agago pinanege, eereegerak nogo ti, Keritut aret o.

1 Tetalonika 5:23

Ndi, yogondak niniki ugun tayenak ale'nggen logowok nduk, eeppinanege menggerak Ala nogo nen, kit kineebe at ake leenogo pake logonet, kinomaluk abu lek eerogo pinagage, ndi, ninowe Yetut Keritut woroorak eyom paga maluk kinoba pinagage kero, kiniki-kineebe abok aret enaani nggelorogon pinagago wonage, eeke logowak o.

2 Tetalonika 2:13

Kit noreewi o. Nit ninowe nen iniki kunik eekkinabeegerak nogo kit aret kiinok, “Ala wa,” yoriyak mban ee'ninake menggerak. Kit Ala ari menggerak wone abet mbakwi kiinok, Ala apuri logobagip nduk, Aberiniki nen leenogo pinagage kagak, Ala nen, “Kinagap ndarikit o,” yinuk, kit kinaa'nduk togon miikkinabeegerak me, “Ala wa,” yoriyak mban ee'ninake menggerak.

Yakobut 1:22

Ala wone kinaruk mban konenggwi kenok, kit aret kinambokan laganggologwe me, kinaruk mban konenggak eeko logorak ti mage o. Ata, konembunuk, eebe aret eeko logonip o.

Wayu 22:14

Yo'nege kage nagarik, “It inambogoyum laambu kookkologo menggaarak nogo, Eyo ineenik aganaka anggen nunggwi, ndi, o kota tu paarak mban wonage yime nowagam unggwi wogwe, eeko logonip o, yinuk, yorage neenok, iniki ale'nggen mbakak o kota unggwi nogwe iigak kwe,