Ala Unde 20:7 - Ala Wone Peenok Peebi Mbanak

⁷ Naliku inogoba Ala an aret me, it nen yogo logonet, An kikak nakeelik abu obeelom Aliku ALA ake leenak aret logokit o, yinuk, yogwe iinok, an Ala nake leenak aret logowak o.

Ala Unde 20:7 ပူးပေါင်းရင်းမြစ်များ

Ala Unde 11:44

Naliku inogoba Ala an aret me, it nen yi mendek ndi mendek inaanogum nggween mbaanggagak nugu menggaarak nogo obari inoba lenggek yukwak, an niniki kikak nakeelik abu obeelom minggi kwak, it togop aret iniki kikak naka'lek abu obeelom an nake leenogo patinuk logowak o.

Ala Unde 11:45

An inogoba Ala aret logokit nduk, it o Metit nen wogoren wundi wagagirak Naliku ALA an aret me, an niniki kikak nakeelik abu obeelom lombok minggi kwak, it togop aret logowak o.

Ala Unde 19:2

“It aakumi Iterali wonogwe abok aret wone yoroorak nogo yi aret. Naliku inogoba Ala kikak nakeelik abu obeelom leenak minggirak me, it togop aret kikak naka'lek obeelom leenak mban aret logowak o.

Ala Unde 21:23

awinde-obaande eerak aret me, yum tugunik wonage me wage, nake kani kunggo menggam wage, eeke kenok, nake eeko menggam magame time eeko logorak yugu nogo taganogo puurak me, woroorak mage o. Nake eekak yuurak leenak logowak nduk, nggomoorogo pereegirak Naliku ALA an nen aret yagi o, yinuk, yegerak, yoru o,” yoreegerak.

Ala Unde 21:8

Aap an neebe unde nogo ti, yi mendek ndi mendek, Yi ninogoba Ala kake o, yinuk, wo'nugwi, ndi, Naliku ALA nen it kikak naka'lek abu obeelom logowak nduk leenogo piige minggirak an nogo, niniki kikak nakeelik obeelom mban wonage, eeko monggoorak me, it aap an neebe unde ti, Abu obeelom Ala ake leenak menggaarak, inombako logowak o.

Epetut 1:4

At Ala nen, “Peebi Keritut nen eeppiyamenggerak paga an napuri maluk inoba lenggenna'lek nenggaanom paga mondok alik leenak logowak o,” yinuk, o nggween yi, awo wakkaga'lek kagak mii'ninabeegerak.

Kolote 3:12

Togop me, at Ala nen kinabuwa mbake logonet, at apuri maluk eeka'lek alik leenak logobagip nduk, miikkinabeegerak me, yum yikkologo mengga kwak kinobaabut ngget mendek eekkologo logonet, aakumi inabuwa mbakwi, kiniki yanggonak paga obeelom eeppiigwi, kiniki tebenak logonet nugwi, kinoone omaawi lek yanggorogon yorogwe, inoone kinoba pinagagwi iinok liippunuk yorogwe,

1 Tetalonika 4:3

At Ala nen kit maluk eeka'lek at ake leenak logorak mbake nogo ti, kit kumi ugun wurinabit noorak mage nduk, yereegerak o.

Iberani 12:14

Maluk ninikime wonage kagak, ninowe ninigen koorak mondok meek me, yi aap ndi aap abok kinom lambunik kiniki ale'nggen logonet, maluk eeka'lek Ala ake leenak obeelom mban logobagip nduk, wakkagak eeko logonip o.

Yotuwa 24:19

Yoreegwaarak kwe, at Yotuwa nen it aakumi nogo yorage logonet, “At Aliku ALA nogo kit nen at mugurok nogo logorak kinobambok kiigi o. At Ala ti, iniki kikak nakeelik, alik kagak obaane'me ambi mippugwi iinok, iniki laakot mbake menggerak me, kit nen at oone taganogo punuk, maluk togop eekwi kiinok, kinomaluk at nen lek eerogo pigin lek o.

Yotuwa 3:5

Yorogo mbareegwa, at Yotuwa nen it aakumi Iterali mendek nogo wone ambi yorage logonet, “Ko'lu kit kinenggela'me at Aliku ALA nen eerubok mendek alik negen ambi eerigin me, kiniki kikak naka'lek at ake leenogo patinuk logonip o.”