Ala Unde 20:2 - Ala Wone Peenok Peebi Mbanak

^2-3 “It aakumi Iterali mendek wone yoroorak nogo yi aret. It aakumi Iterali mendek ambi ilik, aap nggiru aakumi Iterali inenggela'me wonage a, apuluk ambi kugi Molok ake warogo wogoge kenok, apuluk kugi Molok ake warogo wogoremenggerak paga an leenogo pateegim magame nogome maluk eerogo pege, ndi, nendage abu tiyanak alik leenak kwe, meek eerogo pege, eeremenggerak me, aap ti pekkoorak neebi me, nambokan pege neenok, oreewi aakumi Iterali kuwak aago nogo inenggela'me nen enggaawak lek aruwak nduk, yugum paga aret waruwak o.

Ala Unde 20:2 ပူးပေါင်းရင်းမြစ်များ

1 Endagembogut 11:7

Eeke logonet, it Mowap mendek inagugi ogole warak Kamot inom, it Amon mendek inagugi ogole warak Molok inom, inaanggo warogo wogoragak o Yerutalem oonegen lagi wage menggim pa'nggwe puut paga time ogobakkigirogo pi nage,

2 Endagembogut 17:17

Ti eeko logonet, it inapuri wologwe-komologwe inagugi inake kani kumbiigwi, tili pagangga ogwe, magagirak iyagalo ogwe, ndi, Aliku ALA enegen kagak, “Maluk ayeloman arikit,” mba'nuk, maluk mban eekwi, eerit nogo nogogwaarak paga at Aliku ALA anini mbareegerak.

2 Endagembogut 23:10

Ti eeke nagagerik, aakumi nen inapuri wologwe ilik, komologwe a, kugi Molok ake ineenik ngge-ngge kani kuninakwi iyo, ake warogo wogogo menggam Topet kobappaga Mben-Kinom wonagagerak nogo, “Ogole o,” yogo logowak nduk, maluk eerogo pege,

2 Mbinineegwaarak 28:3

Iterali ambokan iigak, at Aliku ALA nen aa'nduk a'nuk yi aakumi ndi aakumi mugogo wumbiyareegerak nen ogole warak mendek eeko nogogwaarak nogo mugurok nage logonet, it inayuk wukwi inake warogo kani kungge, at apuri lombok ineenik ngge-ngge kani kuninake,

2 Mbinineegwaarak 33:6

o Mben-Kinom Kobappaga time at apuri ineenik ngge-ngge agugi ake kani kungge, magagirak iyagalo age, tili pagangge, kuguruwo ayonggo pege, aakumi inogoma wiiraga inowagam nage, kambeegwaarak kin aruwak nduk, eeppiiga inom wone mbani nage, eerit nage logonet, Aliku ALA enegen kagak maluk lombok eerit nage nagagerak paga Aliku ALA anini mbareegerak.

Ndawi 106:38

Maluk eeka'lek ugun iigak, inamiya kilirogo piigwi, Inapuri wologwe inom, komologwe inom, Ineebe inoorogo piinok, it Kanan mendek inagugi inake ogorogwe, Eeko nogogwaarak. Inamiya kilirogo piigo nogogwaarak paga o ti abok aret maluk eerogo pereegwaarak.

Yeremiya 32:35

It inapurilogwe wologwe inom, komologwe inom, kugi Molok ake inoorogo kani kunggo logowok nduk, inagugi Mba'an ake warogo wogogo logowam o Mben-Kinom Kobappaga time tiyarogon ogobakkigirogo pugwi, eereegwaarak. It ti eeruwak nduk, an nen wone lengganogo yorage, It ogole warak ti mendek eekwi iinok, aakumi Yekura maluk eerugun kagi, yinuk, mbake, mondok eerulik o,” yinuk, yo'nereegerak.

Yeremiya 7:31

An nen, Yogop ee'nip o, yinuk, wone lengganogo yorage, niniki kunduk, Togop eerugun, mbake, eerulik kagak, it nen inapuri wologwe inom, komologwe inom, inoorogo kani kuninakak yuwak nduk puut endage Topet Kobappaga Mben-Kinom time inoorogo punuk, kani kuninako logorak wurit nagaarak,” yegerak o.

Yetikiyen 20:26

ndi, Naliku ALA an aret ineenu a'nuk, inamineeri ne agan nage logowak nduk, inapuri manggu ndarak inagugi ake inoorogo wogorogwe ti paga inoba maluk eerogo patuwak nen teppiige, eereegirak o.

Yetikiyen 20:31

Inagugi inake wogorogo logonet, inapuri manggu ndarak inoorogo inagugi inake kani kuninakwi paga aa'nduk nen nok, o yogondak ineebe maluk eerogo pako agaarik o. Eeko logonet, it Iterali mendek ti, At Aliku ALA ari yo'niraawak o, yinuk, an nowagam wogwe iinok, an nen, Yo'ninip o, yinuk, yoroorak op ya? An togop yoraagin mondok lek o, yinuk, neenik Naliku Nitok Minggirak an ALA nen aret yagi o.

Yetikiyen 23:39

Inaagalogwe inoorogo inagugi inake kani kuneegwaarak ne ti paga aret, an nawi alik leenak menggim nogome unggunuk, ogole warak lombok eerogo pit nogogwaarak. Abet aret an nawi wurik ti aret maluk eerogo pit nogogwaarak.

Ala Unde 17:13

Yi mendek ndi mendek abok aret ti, ineenik aganake menggerak alom inamiya aret me, it aakumi Iterali mendek ambi nen ilik, aakumi nggiru inenggela'me wonogwe ambi nen a, nonggo menggaarak mendek towe ilik, pagi a, ambi eenik maappunuk, wake logonet, amiya kilirogo wuppunuk, nggween tebenogo pogo logomenggaarik, eebe nonggo logowak o. Ti eeko logorak nogo ti, Yi mendek ndi mendek abok aret ineenik aganake menggerak alom inamiya aret kagak nunggwi iinok, inoreewi inenggela'me nen nggiginogo enggaawak lek logowak nduk wumbukwak, amiya ambi nonggo logorak mage o, yinuk, aakumi Iterali mendek yoragagirak nogo alom ti nduk aret yoragagirak o.

Ala Unde 17:15

Ndi, it aakumi Iterali mendek ambi nen ilik, aakumi nggiru it inenggela'me menggaarak ambi nen a, alik en kambemenggerak enggaanggum inom, nggeewo ta'ngge anini warak nen nibinemenggerak enggaanggum mendek inom, nengge logomenggerik kenok ti, ayum liirogon yi kooke, eebe liirogon ngguu'mo wake, eeke logomenggerik, eebe maluk eekkolamenggerak wonage kagak, oonegen kilu yi nage kenok, obeelom aret arigin o.

Ala Unde 17:8

Ti yorage logomenggendik, ambinom yoroorak nogo yi o. It aakumi Iterali mendek ambi nen ilik, aakumi nggiru Iterali mendek inenggela'me wonogwe ambi nen a, inaanggo warogo an nake kani kunggwi kenok ilik, an nake warogo pugwi kenok a,

Ala Unde 18:21

Naliku ALA an aret me, inogoba Ala an nendage miyuk-meya eerogo panukwak, kugi Molok ayuk wuko logonet, at ake warogo kani kunuwak nduk, inapurilogwe wogoriyak mage o.

Ala Unde 20:1

At Aliku ALA nen Muta yoge logonet,

Ala Unde 20:27

Ndi, aap ambi ilik, kwe ambi a, aakumi kanggaatak inogoma nen abinggaanggo paga yogwi iigak aakumi yorage, tili pagangge, eeke kenok, kambuwak nduk, yugum paga togu eerogo wako logowak o. At waremenggaarak kambigin kenok, amiya wundigin nogo ti, wone ambi yuurak lek obaalombok aret oba logowak, yegerak, yoret o,” yinuk, yoreegerak.

Ala Unde 24:14

“Aap an meek eerogo panegerak ti, ooliya oore'nggam nen wonok wundi nogo logomenggaarik, an meek eerogo panege inaruk konenggaarak nogo ineebe abok nen aret ineenggi aap ti anobak paga punuk, yugum paga togu eerogo puwak o.

Ala Unde 24:23

Yoreegerak nogo, Muta nen aakumi Iterali mendek yorage mbareegi, aap Ala meek eerogo pereegerak nogo ooliya oore'nggam nen wonok wundi nogo nogogwaarik, yugum paga togu eerogo warogo pereegwaarak. Ti eereegwaarak ti, at Aliku ALA nen Muta yoreegerak nogo ndak-ndak aret eereegwaarak.

Nappiigak 7:43

Lek kwe, inagugiwak ogut ineenggi paga ogobakkigireegwaarak kugi inowe Molok nogo inom, Laaluguragan ayuk wukwi kugi Erepan inom, Tiyappit wonok nugwi iyareegirak me, An nen wogoren o Mbaben kagak nda time mbo piya nagin o, yinuk, yereegwaarak liiru mbaneegwaarak nogo ndak-ndak aret munogo nappiyareegwaarak.

Pelaareegerak 12:31

It aakumi ti nen inagugi eeko logonet, ogole warak lombok Aliku ALA eebi mbake menggerak nogo mendek eeko logonet, inapuri wologwe-komologwe ineenik iigak waganogo inagugi ake kani kunggo menggaarak me, at Aliku kinogoba Ala alut eeko logonet, it eeko mengga kwak kit ndak-ndak eeko logorak mondok mage o.

Pelaareegerak 17:2

At Aliku ALA nen kinanggween wokkiraagin o yaga'lelo kinenggela'me time aap ambi nen ilik, kwe ambi nen a, Ala nen wone abuk nggaruk togon koonogo yokkiragagerak nogo taganogo punuk, at Aliku kinogoba Ala enegen kagak maluk lombok eeke logonet,

Pelaareegerak 18:10

Kit kinenggela'me time it ambi nen inaagalogwe-inapuri wologwe ilik, komologwe a, agugi inake waganogo kani kumbiigwi, ambi nen iniki koombunuk kugi eeka age, ambi nen magagirak inooka age, ambi nen tili pagangga age, ambi nen kuguruwo nibininaka age,

Pelaareegerak 21:21

Yorogwe iinok, it aap at awi kota inom wonogwe nogo abok aret nen wulaga nogo kambuwak nduk, yugum paga togu eerogo warogo puwak o. Aap maluk togoti eekwi kenok, kinenggela'me nen nggiginogo enggaawak lek eerogo pugwi nogo, it aakumi Iterali apit aret inaruk konenggo logomenggaarik, inagabiti ambik eerigin o,” yinuk, yoragagerak.

Pelaareegerak 22:21

aakumi Iterali mendek inenggali kaawak nduk, ogoba ame wonage logonet, mbabilu ya wukak negen wonagaarak me, kolaga ti, kambuwak nduk, it o kota at wonage me wonogwe nogo apit nen aret yugum paga warogo pogo logowak o. Maluk togoti eekwi kenok, kinenggela'me nen enggaawak lek eerogo pogo logomunggup o.