Ala Unde 2:13 - Ala Wone Peenok Peebi Mbanak

¹³ Gandum anggen yigirik worarogo nake puurak kenok ti, mayu eerogo punuk mban wo'nogo logowak o. It inogoba Ala an ninom wone abuk nggaruk togon mbaneegirak nogo aberak logowak nduk, mayu eerogo mban lako menggaarak me, nake pi wogwe iinok, mayu eerogo mban nake pi wogo logowak o.

Ala Unde 2:13 ပူးပေါင်းရင်းမြစ်များ

2 Mbinineegwaarak 13:5

At Aliku Iterali inogoba Ala nen at Ndawut apuri wiganak inom nen mban Iterali inoweewi inendagembogut logonet, wone yorogo logowak o, yinuk, wone koonogo pereegerak nogo lek age kero, mayu eerogo punuk nunggugwaarak nogo kat keenggo'lek ya?

Etara 7:22

mbuti perak-emas aaninggin tiga ribu empat ratus kuli wakkaanuk wogogwi, gandum karun kole dua ratus dua puluh kuli yonggolak wogogwi, anggur amburu nderom 11 kuli toolak wogogwi, tayitun amburu nderom 11 kuli toolak wogogwi, ndi, mayu ti, kuli puurak lek ugun aret wogogwi, eeko logonu o.

Wundeegwaarak 30:35

it obari abu abe mendek yigiko menggaarak ineenu nogo ndak-ndak yigike logonet, yi mendek ndi mendek inom pega'lek yagarak nogo mban inom pege, mayu inom yumbunogo pege, eerogo nake leenogo pumunggun o.

Yetikiyen 43:24

Warogo punuk, warak wonok Aliku ALA enggaanom paga pi wogwe iinok, it at eebe unde nen mayu ineebe paga yumbunogo punuk, Aliku ALA ake kani kunggo logowak o.

Linggineegwaarak 18:19

Ndi, it aakumi Iterali mendek nen an nake leenak mendek wonok, Yi Kaliku ALA kake o, yinuk, pi wogwe nogo ti, kat inom, kapurilogwe wologwe inom, komologwe inom, kinake aret leenogo pinagagi o. Aap ambi imbirak wone mbambunuk, piyok yukwak, nduk mayu eerogo punuk, nonggo mengga kwak, kat kombowologwe wiganak kinom wone yugu yi, piyok ari kero, Naliku ALA nenggaanom paga mondok-mondok koonak aret logowak o,” yinuk, yoreegerak.

Matiyut 5:13

Wone ambinom yorage logonet, “O nggween paga yime mayu andi warak wurik pogom ti, kit aret kwe, mayu andi lek wurik kenok, nonggop agago andi warak eerogo puurak mbakop? Andi wonage nen, ambi eeriyak op aret kwe, andi lek kenok, mbo pegaatak me, aakumi inigen kogo nagaatik, Yi abe lek me, yinuk, iniyok paga pelenogo nappit nogo menggaarak aret o.

Kolote 4:6

Yi aakumi ndi aakumi inoone yokkira wogwe iinok, onggo yorogo logonet, mbiingga ombat abe kaawak nduk, mayu eeko mengga kwak, kit togop aret kinoone ale lek inabuwa mbako logonet, yanggorogon yorogo logonip o.