Ala Unde 2:12 - Ala Wone Peenok Peebi Mbanak

¹² Anggen iyaalok yugu mbanogo Naliku ALA nake pi wogo logonet, anggen yigirik ragi nogo inom, nggiin amburu inom, inom punuk, nake wo'niri wogwe kenok ti, waagin aret kwe, obari abe kage logonet, niniki ale'nggen kaakit nen kani kunggo menggam kani kunggo logorak nogo mendek me nduk wo'nogo logorak ti perak, mage o.

Ala Unde 2:12 ပူးပေါင်းရင်းမြစ်များ

Wakkagagerak 23:17

At Eporon yabu eeke menggim o Makepela o Mamere oonegen lagi wage menggim pa'nggwe wonage nogo nggween inom, ndo nendaarak inom, eyo kale yabu eeke menggim kuli paga wonage nogo inom, abok aret

2 Mbinineegwaarak 31:5

Wone lengganogo yorage mbareegi, Iterali mendek abok aret inamendek 10 wonage kenok ambi yendenogo pi wogo logonet, gandum yarak aa'nduk mbanak inom, anggur amburu iyaalok toolak inom, wam amburu aa'nduk toolak inom, nggiin amburu aa'nduk toolak inom, yi mendek ndi mendek anggen iyaalok mbanak inom, abok aret iniki ale'nggen nen mondok iya negen pi wogwe,

Wundeegwaarak 22:29

It nen mbi iyaalok ndarak inom, amburu anggur iyaalok toolak inom, Yi Ala ake aret o, yinuk, pogo logomenggaarik, iname elaambirik porogo logorak mage o. Inapuri manggu ndarak nogo nake leenogo panugo logowak o.

Wundeegwaarak 23:19

Yi mendek ndi mendek anggen iyaalok yugu abu kole obeelom kenok mban waganogo Naliku an inogoba Ala nawi wurik me pi wogo logowak o. Ndi, kambin-ndomba aagalogwe warogo lariyak kenok, inagalo elak amburu paga lariyak mage o,” yinuk, yoraawak nduk, yoreegerak ti aret.

Wundeegwaarak 34:22

Tamban 7 eeppunuk, laago endage Anggen Iyaalok Mbanggwi paga gandum iyaalok yugu nogo mbanogo lakwi, ndi, tahun irip paga ari nage kenok, laago endage Anggen Mbanak Kuwak Eekwi nogo lakwi, eekwi nogo kinale'nggen paga eeko logomunggup o.

Ala Unde 23:10

“It aakumi Iterali mendek wone yoroorak nogo yi aret. An o wogoraagin nogome it unggwi nanuk, yi mendek ndi mendek yako logomenggaarik, anggen iyaalok yugu mbanggo logonet, iyaalok mbanemenggaarak nogo, Ala nen wo'niragaarak me, yinuk, aap an neebe unde wogorogo logowak o.

Ala Unde 23:17

it iname lombok abok aret nen gandum anggen abu abe yigirik aaninggin mbere wakkagak waganogo ragi inom punuk, oroti mbere'ndak mban worarogo punuk, Anggen iyaalok mbanak paga oroti worarak yi, Kaliku ALA kake o, yinuk, titik eerogo niri wogwe,

Ala Unde 7:13

Ala wa, yo'nogo logonet, an ninom lambunik logowak nduk, nake warogo wo'nogo logonet, oroti ragi inom punuk, worarak nogo mendek inom an nake pi wogo logowak o.

Linggineegwaarak 15:20

gandum anggen yigiko logonet, aa'nduk yigirik an nake pogo mengga kwak, yabu eeremenggaarak anggen aa'nduk yugu mendek yigirogo oroti ligilogom agago worarogo punuk, an nake pi wogo logowak o.

Linggineegwaarak 18:12

Iyaalok mbanogo Naliku ALA nake leenogo pi wogo mengga kwak, anggen iyaalok aambiranak tayitun amburu inom, anggur amburu inom, ndi, gandum anggen inom, abu obeelom mendek kero, abok aret kit kinake leenogo pinagagi o.

1 Korindut 15:20

Togop kwe, at Keritut kanggo menggam nen eenik agago mippulik ti lek o. Mippereegerak aret me, anggen iyaalok mbanak pogom, it kanggo menggam nen iyaalok eenik agago mippereegerak nogo ti, at aret o.

Pelaareegerak 26:10

Togop aret me, Kaliku ALA nen ninanggween wo'niragagindak nogo paga yi mendek ndi mendek awi yako nogoorik, anggen iyaalok yegerak mbanogo kat wokkiriyak nduk, wonok pi wogo o, yinuk, Aliku ALA yogo logomonggotik, anggen mbanak yonggolak nogo waganogo at Aliku kinogoba Ala enggaanom paga pogo logomonggotik, kinendobanggun yindumbunuk, alut eerumunggup o.

Wayu 14:4

It aap ti, kumi wogonakulik me, kumi inom mondok lambunulik aret menggaarak. Yi mendek ndi mendek aa'nduk mendek Ala ake pogo mengga kwak, aakumi ando iigak, it nogo mban Ala inom, at Ndomba Aagaluk inom, inake leenak logowak nduk, inonggo mbanogo inagap ndareegerak me, Ndomba Aagaluk nogo mban inom nugu menggaarak.