Ala Unde 2:11 - Ala Wone Peenok Peebi Mbanak

¹¹ Naliku ALA nake kani kunggo logorak nogo ti, piiruwak nduk ragi inom, nggiin amburu inom, anggen yigirik ti inom punuk, Naliku ALA nake kani kuniyak ti mage me, yi mendek ndi mendek anggen yigirik paga worarogo Naliku ALA nake pogo logorak ti, ragi inom punuk, worarogo wo'nogo logorak mage o.

Ala Unde 2:11 ပူးပေါင်းရင်းမြစ်များ

Wundeegwaarak 23:18

Nowagam wogo logonet, nake warogo wo'nugwi amiya nogo inom, yi mendek ndi mendek ragi punuk worarak inom, wo'niri woroorak mage o. Ndi, nalut eeruwok nduk, laago lako logonet, nake warogo wo'nugwi amok nogo awo laka'lek kagak, o weeriyak mage o.

Wundeegwaarak 29:25

Ti eekwi iinok, Naliku an ALA obari abe kage logonet, niniki ale'nggen mbarikit nduk, ineenggime nen waganogo Naliku ALA nake warogo kani kunemenggendak nogo inom kani kunumunggun o.

Wundeegwaarak 34:25

An nowagam wogo logonet, nake warogo wo'nugwi amiya inom, yi mendek ndi mendek ragi punuk worarak inom, wo'niri woroorak mage o. Ndi, nake warogo laago endage Obagambo Nagagirak nogo lako logonet, eegu wonage kagak ko'lu o weeriyak mage o.

Kini Wuppiige 24:13

Napuluk yi wae. Nggiin amburu ti, obeelom aret me, nengge logot o. Nggiin tap mbanak me amburu wonage nogo ti, ombat abe kage menggendak kwak,

Kini Wuppiige 25:16

Kat nggiin amburu wagangge kenok, ambik namenggendak paga pe wurukwak me, we mbuuluk mban nenggak eeke logot o.

Kini Wuppiige 25:27

Nggiin amburu ambik nenggak yuurak ti maluk aret o. Ndi, aap ambi endage tiyappuwak nduk, oone ambik agan nage ti kunduk, maluk aret o.

Ala Unde 1:13

Ndi, it inaanggo unde nen aanagale inom, aawi inom, niyo paga koorogo pugwi iinok, aap an neebe unde nen mbanak nogo abok aret waganogo kani nengge me nogome nippogo logowak o. Ti eeko logorak nogo ti, Naliku ALA nake kani kunemenggaarak obari abe kage logonet, nale'nggen kaakit nduk, nake warogo kani kunggo logorak nogo ti aret.

Ala Unde 6:10

Abu aret nengge kenok, aap an neebe unde nogo nen inayum yawenak abu obeelom akem mendek inom, inayum yawenak abu obeelom nggorek endekem mendek inom, yirippunuk, nake pugu kani nengge logonet, wun eerogo pugu kani kunggo menggam wonage nogo wonok, kani kunggo menggam eraaninu time luulu teppunuk,

Matiyut 16:6

Yetut nen it nogo yorage logonet, “It aap Pariti mendek inom, aap Taruki mendek inom, inoone ti, roti piike menggerak nogo kokwak aret me, waganggwi kiyo, kiniki tum wako logonip o.”

Marakut 8:15

Yetut nen, “It aap Pariti mendek inom, at Keroret inom, inoone ti, roti piike menggerak nogo kokwak aret me, waganggwi kiyo, kiniki tum wako logonip o,” yinuk, inaruk wareegerak.

Lukat 12:1

Wone ti yorage wonage kagak, it aakumi ineenggi lingginiyak abu meek ribu-ribu aret kuwak eeppunuk, inobogom nen taga'mbit eerogo piigwi iigak, at Yetut nen at oone waganggwi mendek inaa'nduk yorage logonet, “It aap Pariti nogo nen iniki laakot logonet, yokkirogo menggaarak me, roti piike menggi kwak inoone agan nugwi nogo waganggwi kiyo, tum wakkologo logonip o.

Lukat 21:34

Wone ambinom yorage logonet, “Ta'na pugu ne ambit paga pagi aan mbelek togon wake menggi kwak, Ne ti paga ndogop eekkinabigin o, yinuk, wone yokkiragarak nogo, kit aakumi o nggween paga abok aret ne ambit perak togon eekkinabi woraagin me, yi mendek ndi mendek kinaanoguma'le ndenok yogoorak nenet nugwi, amburu kumili eeginake mendek nenet nugwi, Namendek nonggop kolaakit o, yinuk, kiniki koonit nugwi, eeko logonet, kiniki ugun kobak arumonggotak wonogwe kiyo, kiniki tum wakkologo logonip o.

Nappiigak 14:22

O nogome yanggwagak nogo logonet, “At Ala abu'me unggwi noorak ti, aaninggin-paaninggin ninoba arit unggwage tit kagak aret unggwi noorak o,” yinuk, it Yetut oone waganeegwaarak nogo, iniki eyak wappiigwi, “Wone abet mbakotak nogo mbo puurak mage o. Ata, kiniki nu'lek eeppunuk logonip,” yinuk, kini wuppiigwi, eerit nogogwaarak.

Nggalatiya 5:9

“Roti piike menggerak mendek mbuuluk roti enggela'me pugwi iinok, roti eebe abok aret piike menggerak,” nogo o.

1 Peterut 4:2

Kit togop aret eerogo patinuk wonogwe kiinok, o yogondak kuli nen nggween paga yayi wonogo logonet, kiniki nen nengge nogo mban mugurok nogo logorak lek o. Ata, Ala iniki mbake nogo mban ndak-ndak eerit nogo logonip o.