Ala Unde 2:1 - Ala Wone Peenok Peebi Mbanak

¹ Yoge nagagerik, it aakumi Iterali yoraawak nduk, at Aliku ALA nen wone ambinom Muta yoge logonet, “It ambi nen gandum anggen Naliku ALA nake puurak mbakwi kenok ti, gandum anggen nogo abu abe lombok yigirogo pogo logomenggaarik, amburu obaga kilirogo pugwi, kani kunemenggaarak obari abe kaga nogo obaga yumbunogo pugwi, ee'nuk, wonok

Ala Unde 2:1 ပူးပေါင်းရင်းမြစ်များ

Wundeegwaarak 29:2

gandum anggen yigirik abu obeelom woppunuk, oroti ragi inom pega'lek worarogo wagangge, oroti ragi inom pega'lek amburu paga amok mbanogo punuk, longgo warogo wagangge, ndi, oroti ragi inom pega'lek tabak worarogo amburu labunogo wagangge,

Yetaya 43:23

Nake warogo kani kuniyak ndomba wonok niri wogwe, Nayuk wuko logonet, nake warogo wo'nugwi, Eeka'lek aret agaarik o. Ndi, aaninggin inoba age kero, anggen yigirik nake wo'niri wogwe, Obari abe kaga nogo kani kuni wogwe, Eeko logowak o, yinuk, Noone omaawi paga yoraga'lek aret agarik o.

Yetaya 66:20

It yumbunik nappiyaminggirak ti nen kit kinoreewi abok aret aakumi inanebunu lombok inenggela'me wonogwe nogo kuda paga, nggweendo wim eeka paga, nggweendo paga, keledai paga, unta paga, wogoren iniyokan Naliku ALA nake warogo wo'nogo mengga kwak, nabuut abu alik leenak o Yerutalem nabu'me piya woraagun o,” yinuk, Aliku ALA nen aret yegerak o. “It aakumi Iterali nen tenggap abu leenak nogo paga gandum yigirik nake puurak ndoonogo punuk, wonok Naliku ALA nawi wurik me pi wogo mengga kwak, it togop aret wogoren piya woraagun me,

Yetikiyen 46:20

Titi'nege logonet an yo'nege, “O ti, it aap Ala unde nen aakumi Ala ake pugu lalembunuk iniki abe'nage kenok, obaane'me pi wogwe, inomaluk lek eeppiyoorak ake pi wogwe, eekwi iinok lakwi, anggen yigirik worakwi, eeko logonet, ando wonok Ala awi wurik oore'nggam endekenggwe wunggwi iinok, aakumi nggelenogo piyookwak, lako menggam ti aret me, time mban aret lako logogun o,” yinuk, an yo'nege kagagirak.

Yowen 1:9

Gandum ake pi wogwe, anggur amburu ake kilirogo pugwi, eekwi nogo, Aliku ALA awi wurik me nen muk lek agaarak o. Ndi, it aap Ala eebe unde nen Aliku ALA enggaanom paga ake liirogon eeka nogo leenggu maako agaarik o.

Ala Unde 14:10

Abu obeelom aret age kenok, nogo 7 yippunuk, ko'lu paga ndomba ngguunok mbere inom, ndomba kooli ndarak kagak tahun ambi eerak inom, inawinde-inobaande eerak lek kero mban wogonake, gandum anggen abu obeelom lombok yigirik amburu inom nenggelak-kenggelak eerak 3 liter negen Ala ake puwak nduk wagangge, tayitun amburu setengah liter negen toolak wagangge, ee'nuk, wonok

Ala Unde 24:7

Pogo logomenggaarik, obari abu abe kaga nogo mendek oroti paga yumbunogo pogo logonet, oroti apit yi ti, kat Ala kake o, yinuk, punogo punuk, obari abe kaga nogo mendek Naliku ALA nake kani kunggwi, ndi, oroti nogo ti, yi mendek ndi mendek an nake pugu kani kunggo logonet, aap an neebe unde wogoroorak ake leenak abu mage lombok aret me, Karun apuri inom nen nenggak yuwam leenak nogome nen nonggo logowak nduk, waganggwi, eeruwak o. Oroti ti, nogo 6 yippunuk ko'lu tat yonggonggologwe puk logorak ti eyom paga Naliku ALA nenggaanom paga pani wagak eeko logowak nduk, koonogo pigirak me, it aakumi Iterali mendek nen mondok aret eeko logowak, yegerak, yoret o,” yinuk, yoreegerak.

Ala Unde 5:11

Ndi, amendek towe puume mbere ilik, towe kurona mbere a, wonage lek kenok, at maluk eeremenggerak nogo lek eerogo pikit nduk, an nake gandum anggen abu obeelom yigirik 2 liter negen aret pi woraawak o. At omaluk lek eerogo pikit nduk, nake puurak aret me, amburu obaga labungge, kani kunggwi iinok, obari abe kaga nogo obaga yumbunogo pege, eeriyak mage o.

Ala Unde 6:7

Wogori wage kenok, an nen omaluk lek eerogo punuk, nimbirak lambunikit nduk, aap an neebe unde nen nggami aanggo wakwi negen Naliku ALA nake warogo pege kenok, aap ti eerit namenggerak paga maluk eerigin nogo an nen lek eerogo pigin aret o,” yinuk, Muta yoreegerak.

Ala Unde 9:17

gandum anggen yigirik ake pugwi nogo eenggime kabulogo wagangge nagagerik, kuubondendok kani kunggo menggam kambin pereegwam taa'nogo inom aret pege mbareegi, kani nenggegerak.

Maleyaki 1:11

“Oonegen lagi wage menggim nen nok, kilu yi nage menggim kuli, yi aakumi ndi aakumi inenggela'me abok aret an nendage mondok tiyanak logogin o. Aakumi inanebunu lombok inenggela'me nendage abu tiyanak logogin me, an nendage kumbunuk, yi o ndi o abok aret nake obari abe mendek kani kunggwi, an nake abe pugwi iinok, nale'nggen nen wagangge nogo mendek wo'nugwi, eeko logogun o,” yinuk, at Omaawi Lombok Menggerak Aliku ALA nen aret yegerak o.

Linggineegwaarak 18:9

Gandum anggen yigirogo nake pi wogwe nogo inom, inomaluk lek eerogo pikit nduk, nake warogo pugwi nogo inom, noone taganemenggaarak aberak wonage nogo lek aruwak nduk, onggo pi wogwe nogo inom, yi mendek ndi mendek alik leenak mage lombok nake pi wogwe nogo abok aret kani kunggo menggam kunulik kenok ti, kat inom, kapuri inom, kinake aret me,

Linggineegwaarak 28:5

gandum yigirik abu abe nake puurak 2 liter wakkagak toolak waganogo eyo tayitun anggen aambiranogo amburu 1 liter negen inom nenggelak-kenggelak eerogo pogo logowak o.

Linggineegwaarak 29:18

Tapi ngguunok inom, ndomba ngguunok inom, ndomba awoologwe inom, pi woroorak koonak nogo ndak-ndak pi wogo logonet, ineengge ndak-ndak gandum yigirik nake puurak inom, amburu nake kilirogo puurak inom, pi wogo logowak o.

Linggineegwaarak 8:8

Ti eeppunuk, tapi awooluk ngguunok warogo gandum yigirik abu abe tayitun amburu inom nenggelak-kenggelak eerogo punuk, ake puurak waganggwi, inomaluk lek eerogo piyoorak ake tapi ngguunok awooluk alik ambi waganggwi, eeruwak nduk, yoramenggendak ee'nuk, wonok wogwe iinok,

Yaya 6:35

Yogo mbareegwa, Yetut nen, “Mbi ineenik eeginake minggirak an aret o. Kit ambi nen an nowagam wogwe kiinok, abu eekkinabigin mondok lek o. Ndi, kit kiniki an noba panggombunuk, abet nombakwi kiinok, yi abu eekkinabigin mondok lek mban.

1 Yaya 2:20

Kit perak, aap ambi eeke logowak nduk, leenogo punuk amburu kilippogo mengga kwak, at maluk eekeelik alik leenak menggerak nogo nen, kit leenogo pinaganuk, Aberiniki wokkiragagerak me, wone abe wone mamunggirage nogo, kit abok kineenu aret kiigi o.

1 Yaya 2:27

Napuri o. Aberiniki kinoba wuppinagi wagagerak kinikime wonage me, aap ambi nen kit mamunggiroorak lek aret o. At nen yi wone ndi wone abok aret mamunggirage logonet, pilit mamunggirageelik abet mban mamunggirage menggerak me, at mamunggirage nogo ti, ndak-ndak eekwi kiinok, Keritut kinom kunik aret logomunggup o.

Yurat 1:20

Togop kwe, noreewi niniki kunik kit perak, kit kiniki kole aruwak nduk, wone abu alik leenak kit abet mbareegutak wone nogo mban eerit nogo logonip o. Ninowe Yetut Keritut ninabuwa nen mondok-mondok nineenik eeppinaniyak nogo, eeppinanuwak nduk, tokkogo logonet, Ala iniki kunik eekkinake nogo eeppinagagak mban eeke kogo logomunggup nduk, Aberiniki yokkirage kagak tamban eeko logonip o.

Wayu 8:3

Kage neegak, malayikat alik ambi togolowak mbuti emas paga ogobakkigirik eenggime wonok, Ala ake warogo kani kunggo menggam mi'nari wage mbaki, it Ala apuri ake leenak tamban eekwi inoone yogwi nogo at yoge logonet, kani kunggo menggam mbuti emas paga ogobakkigirik Ala wone lengganogo yorage menggim abu'me wonage nogome, kani kuni ungguwak nduk, obari abe kaga apit toologo wogoge kagarak.