Ala Unde 19:8 - Ala Wone Peenok Peebi Mbanak

⁸ Ndi, aap ambi nen Naliku ALA nake pugu leenak ti nengge kenok, at noorak mage yugu kagak, meek mbake logonet namenggerak paga obaalombok aret maluk eekkolaagin me, oreewi inenggela'me nen enggaawak lek eerogo puurak o.

Ala Unde 19:8 ပူးပေါင်းရင်းမြစ်များ

Wundeegwaarak 30:33

aap ambi nen obari abe mendek amburu yogobi mendek ogobakkigike ilik, aap ugun mendek oba kilirogo pege a, eeke kenok ti, owe-awot inenggela'me nen enggaawak lek eerogo pogo logorak yegerak yoret o,” yinuk, yoreegerak.

Ala Unde 19:7

Nogo mbere yippunuk, ko'lukwak nunggwi iinok, nake pugu mbanak ti muk maluk aremenggerak me, an waagin lek o.

Ala Unde 19:9

It Iterali nen yaremenggaarak anggen kole aremenggerak mbanggo logonet, ineyabu ambet paga wundit namenggerak abok aret mbanggwi, anggen mbanggo logonet, nggigi-nggigi wagangge kenok nabenggwi, eeriyak mage o.

Ala Unde 22:15

Aakumi Iterali nen Naliku ALA nake leenogo pi wogwe ti, aap an neebe unde nen, Aakumi ugun noorak op, mba'nuk wogoramenggaarak nunggwi iinok, nake pugu nogo yale-pale ee'naremenggerak paga obaane'me pi woroorak age kenok ti, nake leenogo pugu nogo maluk arukwak me, it aakumi ugun nawak nduk, wondet eerogo puurak mage o. An nake pi wogwe iinok, leenogo pake minggirak nogo ti, Naliku ALA an nogo nen aret eeke minggirak o, yinuk, yegerak, yoret o,” yoreegerak.

Ala Unde 5:1

Yoge nagagerik, wone ambinom yoraawak nduk, Muta yoge logonet, “Ne ambi paga aap ambi maluk eeke me, aap alik ambi nen enegen kage, aruk konengge, eeremenggerak eenu wonage kagak, aap maluk eeremenggerak nogo owak loonggo logonet, aap eenu nogo woraawak nduk, ayonggo pemenggaarak kwe, Ndogop kagarak, yinuk, paganogo yori woroorak eebi mbake kenok ti, maluk aret me, at kunduk maluk onggo puwak o.

Ala Unde 7:20

ninom lambunik logowak nduk, Naliku ALA nake warak mbanak nogo mage aago lek nggumun negen a'nuk nunggwi iinok perak, inoreewi inenggela'me nen enggaawak lek eerogo endekem wumbiigo logowak o.

Ala Unde 7:21

Aap a, wam a, inaanogum paga nugu menggaarak mendek a, ogole warak me mbaanggoorak mage yugu nogo mendek oba wonage kagak aap ambi nen mbaanggage logomenggerik, ti'nuk, Ala nimbirak lambunik logokit o, yinuk, Naliku ALA nake warak mbanak nogo nengge kenok, oreewi inenggela'me nen enggaawak lek eerogo endekem wumbogo logowak, yegerak, yoret o,” yinuk, yoreegerak.