Ala Unde 19:3 - Ala Wone Peenok Peebi Mbanak

³ Naliku inogoba Ala an aret me, inalitak lombok nen inagalomini-inogobamini inayuk wukwi, ndi, nogo 6 yippunuk, ko'lu paga yonggonggologo logorak nake leenogo pateegirak nogo liirogon aret abekwi, eeko logowak o.

Ala Unde 19:3 ပူးပေါင်းရင်းမြစ်များ

Wakkagagerak 48:12

Yoge mbareegi, at Yutup nen wologwe nogo Yakup enaame nen tayoppiige nagagerik, Yakup abu'me ena nggween paga wandinik logonet, keyage wareegerak.

Nekemiya 9:14

Nogo 6 yippunuk, ko'lu paga nake leenogo pateegirak o, yinuk, ineenu eeppiige, Yogop ee'nu ndogop ee'nu, wone inom, wone lengganak inom, eeko logorak wone inom, kayeloman Muta nen yoraawak nduk, yoge, eereegindak o.

Wundeegwaarak 16:29

Naliku an ALA nen nogo 6 yinuk, ko'lu paga kit yonggonggologo logonet, nalut eeko logomunggup nduk, wokkiragagirak me, Ne 6 paga ti, mbi ne mbere noorak ake wo'nirage logogin o, yinuk, liippogo logonet, ko'lu ti paga kit ambit nen endekem wundi naga'lek kiname mban aret puk logomunggup o.”

Wundeegwaarak 20:12

Naliku an kinogoba Ala nen kinanggween wokkiraawam time logonet, li a'nuk kanggo logomunggup nduk, kinagalo-kinogoba inayuk wuko logonet, inoone liirogon konenggo logomunggup o.

Wundeegwaarak 20:8

Nogo 6 yippunuk, ko'lu ti, nake leenak aret me, abeko logonip o.

Wundeegwaarak 21:15

Aap ambi nen at agalo a, ogoba a, wake kenok, onggo aap ti kambuwak nduk mondok warogo puwak o.

Wundeegwaarak 21:17

Aap ambi nen agalo-ogoba kugi pulunogo piige kenok, aap ti kambuwak nduk mondok warogo puwak o.

Kini Wuppiige 1:8

Naput yi wae. Kogoba nen karuk wake nogo karuk konengga'lek taganogo pege, Ndi, kagalo nen wone mamunggege nogo, “We aret agan nege a,” yinuk, mbo pege, Eeriyak mage o.

Kini Wuppiige 23:22

At ndakkabeegerak kogoba nogo oone liirogon konengge, Ndi, kagalo abu kweegelo age kenok, at keebi mbake, Eeriyak ti mage o.

Kini Wuppiige 30:11

It aap ando inapuri nen inogobamini pulunogo piigo logonet inagalomini inale'nggen inoba piiga'lek mbo piigwi,

Kini Wuppiige 30:17

Wulaga ambi nen ogoba eeke paga enggali nen enegen laambok andiigwi wake, Ndi, agalo yoge nogo, “Eeriyak neebi,” mba'nuk, meek eerogo pege, Eeke nogo ti, Towe ya'ngge-ya'ngge o kobappaga nugwi nogo nen at enegen ti, kilirogo nunggwi, Ndi, towe pen ware nen at eebe warak nibik togon nenggak eekwi, Eeko logogun o.

Yetaya 58:13

“Nogo 6 yippunuk, ko'lu paga yonggonggologo logorak wone taganogo pugwi lek liirogon eekwi, Ne an Ala nake leenogo pateegirak nogo paga it eeriyak mbakwi nogo lek an eeriyak mbake nogo mban eekwi, Nogo 7 paga yonggonggologo logorak ninikilom aret, yogwe, Naliku ALA nen ne leenogo pateegirak nogo ayuk wukwi, Ayuk wuko logonet, it eeriyak mbakwi nogo eeka'lek mbo pugwi, Eeriyak inikilom mbakwi nogo eeka'lek teppugwi, Inoone ugun-ugun yaga'lek liirogon mban agan nogwe, Eekwi iinok,

Yetikiyen 20:12

Naliku ALA an nen aret it leenogo piyareegirak nogo ineenu ogwe, wone ninom yereegurak nogo abekwi, eeko logowak nduk, ineenu agak nogo 6 yippunuk, nogo 7 paga yonggonggologo logorak wone nogo kunduk yoragagirak.

Ala Unde 11:44

Naliku inogoba Ala an aret me, it nen yi mendek ndi mendek inaanogum nggween mbaanggagak nugu menggaarak nogo obari inoba lenggek yukwak, an niniki kikak nakeelik abu obeelom minggi kwak, it togop aret iniki kikak naka'lek abu obeelom an nake leenogo patinuk logowak o.

Ala Unde 19:25

Ndi, tahun 4 abu eeppunuk, tahun ambi eeke logonet kenok perak, eyo anggen yit namenggerak nogo mbanogo it nonggo logorak op aret o. Togop eekwi iinok, yaremenggaarak anggen ti oba lu'luk yi'nage aret logogin o, yinuk, Naliku inogoba Ala nen aret yagi o.

Ala Unde 19:30

Naliku ALA an aret me, nogo 6 yinuk, ko'lu paga yonggonggologwe puk logowak nduk, leenogo pateegirak nogo abekwi, nawooliya wurik magame nogome ayuk wukwi, eeko logowak o.

Ala Unde 19:31

Naliku inogoba Ala an aret me, aakumi kambak inogoma inom, tili pagangga inom, Wone ambi yo'niraawak o, yinuk, inowagam nogwe iinok, inawone kiliriramenggaarak paga maluk eeginabukwak me, inowagam nogo logorak mage o.

Ala Unde 19:34

It Iterali o maan Metit time aakumi nggiru negen aret wonogogwaarak nogo iniki abeko logonet, aap nggiru inenggela'me inom wonogwe nogo ti, Nit Iterali mendek negen aret wonogwe o, yinuk, ineebe iniki kunik eekkologo mengga kwak, it aap nggiru kunduk togop aret iniki kunik aganako logowak o.

Ala Unde 23:3

Ne 6 paga ti, yabu eerit nogo logorak op aret kwe, ko'lu paga perak, an nake leenogo pateegirak me, it iname lombok abok aret yabu eeka'lek tat yonggonggologo logonet, kuwak eeppunuk, Naliku ALA nalut ee'nako logowak o.

Ala Unde 26:2

Naliku ALA an aret me, nogo 6 yinuk, ko'lu paga yonggonggologwe puk logowak nduk, leenogo pateegirak nogo abekwi, ndi, nawooliya wurik magame nogome ayuk wukwi, eeko logowak o.

Maleyaki 1:6

At Omaawi Lombok Menggerak Aliku ALA nen ari logonet, “Aap ambi aput nen ogoba ayuk wuke, ndi, aap ambi ayeloman nen ogoba ake eeke nogo ayuk wuke, eeko menggaarak me, an inogoba kenok, nayuk wuko logorak op aret kwe, wuka'lek nonggop nduk agaarik o. Ndi, it an nayeloman mini nake eeka aret kenok, an nayuk wuko logonet, inagabiti mbako logorak op aret kwe, mbaka'lek ti, nonggop nduk agaarik o,” yinuk, yegerak o. “It aap an neebe unde nen aret an nendage maluk eerogo pogo agaarik o. Nendage maluk eerogo pogo logonet kwe, Nit nonggop negen at endage maluk eerogo pogoorak me, yo'nirage agaarik? yinuk, yogwe,

Pelaareegerak 27:16

Aap inagalomini-inogobamini inayuk wuka'lek meek eerogo piigwi nogo pulunik aret logowak o, yogwe iinok, It aakumi abok nen, Abet aret o, yogwe,

Pelaareegerak 5:16

At Aliku kinogoba Ala nen kinanggween wokkiraawam time logonet, yi wone ndi wone kinoba aga'lek kineebe obeelom li a'nuk kanggo logomunggup nduk, at Aliku kinogoba Ala nen yokkiragagerak ndak-ndak kinagalo-kinogoba inayuk wuko logonet, inoone liirogon aret konenggo logomunggup o.

Iberani 12:9

Ndi ambi, nit ninogobamini abe nda'ninabeegwaarak nogo nen niniki koonnaruwak nduk, ninaruk wakwi iinok, inoone liirogon konembunuk, eeko monggo kwak, at niniki lombok unde menggerak ninogoba Ala oone yo'nirage nogo, liirogon konembunuk ndak-ndak eekwi niinok, mondok-mondok nineenik logogun lek mbakop? Lek o. Nineenik logogun aret o.