Ala Unde 18:4 - Ala Wone Peenok Peebi Mbanak

⁴ Naliku inogoba Ala an aret me, an nen eeko logorak wone yorage nogo liippunuk eekwi, ndi, wone lengganogo yorage nogo mondok mugurok nogwe, eeko logowak o.

Ala Unde 18:4 ပူးပေါင်းရင်းမြစ်များ

Ndawi 105:45

Ti eereegerak nogo ti, Eeko logorak wone lengganak nogo ndak-ndak eekwi, Ndi, wone, “Yogop ee'nu ndogop ee'nu,” yugu nogo Liirogon mugurok nogwe, Eeko logowak nduk, Eereegerak o. Aliku ALA tiyappogo logowok o.

Ndawi 119:4

Kaliku ALA wae. Eeko logorak koone yugu nogo Liirogon woppunuk eeko logowak nduk, yereegindak o.

Yetikiyen 20:19

Naliku kinogoba Ala ti, an aret me, an nen wone lengganogo yokkirage nogo mugurok nogwe, eeko logorak noone yokkirage nogo liirogon eekwi,

Yetikiyen 36:27

An nen Naberiniki inikime mambiige, wone lengganogo yorage minggirak nogo mugurok nawak nduk, eeppiige, ndi, eeko logorak noone yugu nogo liippunuk eeko logowak nduk, eerogo piige, eerigin o.

Yetikiyen 37:24

Nayeloman Ndawut nogo inowe endagembogut a'nuk, wone lengganogo yorage logogin me, ndomba ndegeninaka kwak, it abok aret ndegeninaka ambiret aret arigin o. At ndegeninake kagak eeko logorak wone an yorage minggirak nogo ndak-ndak mugurok nogwe, ndi, wone lengganogo yorage minggirak nogo pippunuk, liirogon eekwi, eeko logogun o.

Ala Unde 18:2

“It aakumi Iterali mendek wone yoroorak nogo yi aret. Naliku inogoba Ala an aret me,

Ala Unde 18:26

It maluk eekwi nogo an neebi lombok mbake minggirak ti, it logowam time unggwi naga'lek iigak, it aakumi ti mendek eerit nugwi paga inanggween maluk agagerak me, it Iterali mendek ndarak inom, it aap nggiru inom wonogwe inom, it eekwi ti mendek ambi eeko logorak mage o. Ata, an nen wone lengganogo yorage inom, eeko logorak wone yorage inom, mondok porogo logonet, eerit nogo logowak o.

Ala Unde 18:5

Naliku ALA an aret me, wone lengganogo yorage nogo inom, eeko logorak wone nogo inom, it mondok porogo logonet, liirogon eerit nugwi paga ineenik aret logogun o.

Ala Unde 19:19

Wone lengganogo yorage nogo ti, porogo logonet, liirogon eerit nogo logowak o. Wam nen nggeewo imbirak lambumbiigulik kagak, anebunu ambi nen anebunu alik ambi imbirak lambumbiigwi, yabu ambit wogo paga anggen awi alitak mendek kagak, imbirak lambunogo yakwi, ndi, ligi awut ero alitak mendek kagak, yum ambit yugwi, eeko logorak mage o.

Ala Unde 19:37

Naliku ALA an aret me, wone lengganogo yorage nogo inom, eeko logorak wone yorage nogo inom, abok aret porogo logonet, liirogon eerit nogo logowak, yegerak, yoret o,” yinuk, yoreegerak.

Ala Unde 20:22

An Ala nen o piya naminggim nggween ti nen peyak wurogo piyookwak, an nen wone lengganogo yorage inom, eeko logorak wone yorage inom, it mondok nggirik-nggerok porogo logonet, eerit nogo logowak o.

Lukat 1:6

It imbirak ninogoba Ala nen, “Yogop ee'nu, ndogop ee'nu,” yegetak wone inom, lengganinaketak wone inom, alik eerulik mondok ndak-ndak aret eerit nugu nogogwaarak me, Ala nen it iniki mondok abe koonak aret iige nagagerak.

Yaya 15:14

Kit an noone, Yogop ee'nu, ndogop ee'nu, yokkirage nogo aret eekwi kiinok ti, kit an noreewi aret kinombarigin o.

Pelaareegerak 6:1

Yorage nagagerik, Muta nen ambinom yorage logonet, “Kit o yime logonuk lek niyo Yoraran wunda nogo logomonggotik, o kit unde a'nuk logowam time wonogo logonet, kit inom, kinapuri inom, kinombowologwe ndaganabumonggotak inom, li a'nuk kanggwi, ndi, kangga'lek kineenik wonogwe paga at Aliku kinogoba Ala ayuk wuko logonet, Yogop ee'nu ndogop ee'nu, wone yugu inom, wone lengganak inom, eeko logorak wone yugu inom, an yokkiragi yi, liirogon aret eekwi, eeko logomunggup nduk, at Aliku kinogoba Ala nen, Liirogon mamuniret o, yo'negerak kenok, yokkirage agarik o.