Ala Unde 18:3 - Ala Wone Peenok Peebi Mbanak

³ it aa'nduk wonogogwam aakumi o Metit mendek eeko mengga kwak eekwi, ndi, an nen wogoren o Kanan piya nawam it aakumi time mendek eeko mengga kwak eekwi, eeko logorak mage o.

Ala Unde 18:3 ပူးပေါင်းရင်းမြစ်များ

2 Endagembogut 17:8

at Aliku ALA aa'nduk a'nuk, yi aakumi ndi aakumi wumbiyareegerak nen eerit nogo nogogwaarak nogo, mugurok nogwe, Iterali inoweewi inendagembogut nen eeko logorak koonogo pereegwaarak nogo, eerit nogwe, eeko nogogwaarak kenok, inoba agagerak.

Ndawi 106:35

Inom nenggelak-kenggelak aago logonet, It eeko nogogwaarak nogo aret mamunggologwe,

Wundeegwaarak 23:24

Kit nen an nalut eekwi obaane'me kinendobanggun yindumbunuk, inagugi ayuk wukwi, inagugi inendage tiyappiigo logobagip nduk, inawi wukwi, it kugi eeko logonet, eeko menggaarak nogo ndak-ndak eekwi, eeriyak ti mage o. Ata, inagugi ogut aago ogobakkigirik nogo kalenak-pugunik eerogo piigwi, inagugiwak telenak-mbelenak agago piigwi, eeko logomunggup o.

Yetikiyen 23:8

At awo tawe o Metit paga nen aap inom nogo yege logonet, elak pigagangga'lek nogo aret piginok-paganok eekwi, at eebe paga iniki nengge kenok ugun eeppit mban nugwi, eeko nogogwaarak nogo mbo puulik kundugu eeke nagagerak.

Ala Unde 20:23

It o unde logowak nduk an nen yi aakumi ndi aakumi o time menggaarak mugogo wumbiya nawam nogome mendek nen wone eeriyak mage yagarak nogo eerit nogwe iinok, an abu neebi inombake minggirak me, it eerit nogo menggaarak nogo it Iterali nen mugurok noorak mage o.

Oroma 12:2

It aakumi nggween paga mendek nen iniki mba'nuk eerit nogo mengga kwak, kit togop eerit nogo logogup o. Ata, kit alik ngget mendek eerit nogo logobagip nduk, “Niniki ngget alik ogobakkigi'ninake logot o,” yinuk, Ala yogo logonip o. Ti yorumonggotak eekkinake kenok, at Ala eeriyak mbake nogo ti, obeelom aret kogwe, eerit nogwe kiinok, Ala iniki ale'nggen ninombake kogwe, ndi, “Abu obeelom lombok koonggerak me, ambi kooniyak lek aret,” mbakwi, eeko logorak kineenu arumunggup o.

Pelaareegerak 12:4

Kit nen at Aliku kinogoba Ala oba panggombunuk, alut eeko logonet, it inagugi eeko mengga kwak wakkagak eerugup o.

Pelaareegerak 29:17

Wogo logonet, it inagugi ogut eerak ogole warak mendek inom, Ala alut eekwi obaane'me kugiwak eyo mendek paga, yugum mendek paga, mbuti perak-emas mendek paga, ogobakkigirik nogo inom, kinigen kogogutak o.

Pelaareegerak 9:4

At Aliku kinogoba Ala aa'nduk age logomenggerik, mugogo wumbiige kenok, kit kiniki mbako logonet, Nit obeelom eeko monggoorak me, o yi unde a'nuk, logowok nduk, pinani wagaarak, mbarubok o. Ata, It aakumi inanebunu abok ti, maluk lombok eeko menggaarak kenok, at Aliku ALA aa'nduk age nagaarik, mugogo wumbiigi, mbarumunggup o.